Tuesday 18 February 2020
Home      All news      Contact us      English
tert.am - 25 days ago

Հրայր Թովմասյանի բնակարանի խուզարկությունը ՍԴ-ն գրավելու օպերացիա էր. իշխանությունը քրգործի շրջանակում անում է այն ամենը, ինչ մտքով ուղղակի կանցնի. Արսեն Բաբայան

Ակնհայտ է, որ Սահմանադրական դատարանի նախագահ Հրայր Թովմասյանի բնակարանի խուզարկությունը ՍԴ-ն գրավելու օպերացիայի որոշակի գործողություն էր: Այս մասին ArmNews հեռուստաընկերության եթերում հայտարարեց ԱԺ աշխատակազմի ղեկավարի նախկին տեղակալ Արսեն Բաբայանը: Նրա համոզմամբ՝ նպատակ կար ինչ-որ կերպ հիմնավորելու, ցույց տալու, թե իբր Թովմասյանին էր պատկանում նոտարական գրասենյակի այն տարածքը, որի շուրջ այս ընթացքում քննչական մարմինները խոսում էին: Փոխարենը պետք էր առնվազն քննչական գործողությունների շրջանակներում հարցաքննել քննարկվող տարածքի օրինական սեփականատիրոջը, և որից հետո նոր կարողանային, հիմնվելով որոշակի փաստերի, ապացույցների կամ թեկուզ և կարծիքի վրա, որոշակի դատողություններ անել: Բայց ստացվում է, որ իրենք իրական, օրինական սեփականատիրոջը չեն լսել և ենթադրել են, որ այդ տարածքը փաստացի պատկանել է այլ անձի, տվյալ դեպքում՝ Հրայր Թովմասյանին ,- ասաց Արսեն Բաբայանը՝ նշելով, թե մի կողմից ծիծաղելի վիճակ է, մի կողմից՝ շատ ծանր: Ծանր է, որ մեր իրավապահ մարմինները կարող են արդեն թույլ տալ այսպիսի անօրինականություններ, հատկապես՝ բարձրագույն դատական իշխանության ղեկավարի նկատմամբ: Ամեն անգամ մտածում ես, որ չեն խախտի որոշակի կարմիր գծեր, բայց կամաց-կամաց և երևի վերջնականապես համոզվում ենք, որ ներկայիս իշխանության համար չկան կարմիր գծեր, և քրեական գործի շրջանակներում իրականացնում են այն ամենը, ինչ իրենց մտքով ուղղակի կանցնի ,-ասաց նա:

Հարցին՝ եթե ՀՔԾ-ի կողմից Հրայր Թովմասյանի տանն այսօր իրականացված գործողություններն օրինական են եղել, ինչո՞ւ քննիչները չէին թույլատրում տեսանկարահանում իրականացնել, Արսեն Բաբայանն արձագանքեց՝ ուրեմն՝ ամեն ինչ չէին անում օրենքի շրջանակներում:

Անդրադառնալով ՀՀ վարչապետ Նիկոլ Փաշինյանի հայտարարությանը, թե կոռուպցիոն հանցագործությունների բացահայտման դեպքում ՍԴ-ն խոչընդոտ կդառնա, Արսեն Բաբայանն ասաց, թե ՍԴ-ն չունի նման լիազորություն: ՍԴ-ն իր լիազորությունների շրջանակում չի կարող կատարել այնպիսի գործողություններ, որոնք կարող են միջամտել կամ խոչընդոտել կոռուպցիոներների պատասխանատվությանը՝ պայմանով՝ եթե ԱԺ-ն կամ Կառավարությունը նպատակ չունեն անձանց պատասխանատվության ենթարկել հակասահմանադրական ճանապարհով: Կարճ ասած՝ եթե չեն ուզում ընդունել այնպիսի օրենքներ, որոնք կհակասեն Սահմանադրությանը և դրանով էլ անձանց կենթարկեն պատասխանատվության, ապա ՍԴ-ն որևէ կերպ չի խոչընդոտել պատասխանատվության ենթարկել կոռուպցիոներներին ,- պարզաբանեց ԱԺ աշխատակազմի ղեկավարի նախկին տեղակալը: Նա ընդգծեց, թե, այսպիսով իր համար ակնհայտ է դառնում, որ քաղաքական իշխանությունը նպատակ ունի ընդունել այնպիսի օրենքներ, որոնք կարող են հակասության մեջ մտնել թե՛ Սահմանադրության, և թե՛ տարբեր միջազգային փաստաթղթերի հետ:

Հենց այդ օրենքներով իշխանությունները կիրականացնեն հետապնդումները կամ պատասխանատվության միջոցների կիրառումները, և մտավախություն ունեն, որ այս ճանապարհին կարող է ՍԴ-ն ուղղակի թույլ չտալ դրանք՝ այն իմաստով, որ այդ օրենքները ճանաչվեն հակասահմանադրական ,- ասաց Արսեն Բաբայանը՝ նշելով, որ այդպիսի օրենքներից կարող է լինել, օրինակ, Ստամբուլյան կոնվենցիան: Արսեն Բաբայանի խոսքով՝ երկու խնդրի առաջ ենք կանգնած կա՛մ իրավապահ մարմինները վարչապետին պարզապես ապատեղեկատվություն են հրամցնումկամ հասարակությանը փորձում են նորից ցույց տալ, թե իբր ՍԴ-ն է կամ, ընդհանրապես, դատական իշխանությունն է այն խոչընդոտը, որը դեպի ժողովրդավար կամ լավ ապրելուն տանող ճանապարհին կարող է խանգարել:

Մենք պարբերաբար տեսնում ենք, որ ՍԴ-ի շուրջ հրամցվում են այնպիսի տեղեկություններ կամ կարծիքներ, որոնք ոչ մի առնչություն չունեն ՍԴ-ի հետ, կամ՝ հանրությու՛ն, տեսա՞ք՝ ինչ եղավ՝ Թովմասյանի տունն էլ խուզարկեցին: Սրանով հեռուն չենք գնալու, որովհետև հանրության այն հատվածը, որը կարող է կերակրվել սրանով, վաղ թե ուշ չի կշտանալու այս կերակուրից ,- ասաց Արսեն Բաբայանը:

Related news

Latest News
Hashtags:   

Հրայր

 | 

Թովմասյանի

 | 

բնակարանի

 | 

խուզարկությունը

 | 

գրավելու

 | 

օպերացիա

 | 

իշխանությունը

 | 

քրգործի

 | 

շրջանակում

 | 

անում

 | 

ամենը

 | 

մտքով

 | 

ուղղակի

 | 

կանցնի

 | 

Արսեն

 | 

Բաբայան

 | 
Most Popular (6 hours)

Most Popular (24 hours)

Most Popular (a week)

Sources