Saturday 22 February 2020
Home      All news      Contact us      English
tert.am - 29 days ago

Դպրոցների կառավարման խորհուրդներում ներառվել են ՔՊ ակտիվիստներ, պատգամավորներ. ո՞ր իշխանիկներին են այսօր ծառայում այդ խորհուրդները. Անի Սամսոնյան

Ես ուսումնասիրել եմ Երևանի հանրակրթական դպրոցների կառավարման խորհուրդների կազմը և ապշել եմ: Այս մասին այսօր Ազգային ժողովում ելույթների ժամին հայտարարեց Լուսավոր Հայաստան խմբակցության պատգամավոր Անի Սամսոնյանը դիմելով Կրթության, գիտության, մշակույթի և սպորտի նախարար Արայիկ Հարությունյանին: Պարզվել է այս երկու տարվա մեջ լուրջ փոփոխություններ են եղել այդ կազմում, կազմում ներառվել են Քաղաքացիական պայմանագիր կուսակցության անդամներ, ԱԺ պատգամավորներ, նրանց օգնականներ, Երևանի ավագանու Իմ քայլը խմբակցության անդամներ: Ապշել եմ, պարո՛ն նախարար, որովհետև Դուք նախարար դառնալուց առաջ միշտ խոսում էիք այն մասին, որ դպրոցների կառավարման խորհուրդները կուսակցականացված են և դա ճիշտ չէ ,- ասաց նա և հարցրեց, թե հիմա ինչպես հասկանան այս քայլերը:

Միայն թե խնդրում եմ չասեք, որ դուք նախկինների պես չեք, դուք ուրիշ եք, որովհետև կուսակցականը մնում է կուսակցական, քաղաքականը մնում է քաղաքական բոլոր դեպքերում և բոլոր կուսակցական դեպքերում: Հիմա ուզում եմ հասկանալ, թե ինչ գործ ունեն Քաղաքացիական պայմանագիր կուսակցության ակտիվիստները դպրոցի կառավարման խորհուրդներում: Հարգելի՛ ԱԺ պատգամավորներ Վաղարշակ Հակոբյան, պարոն Պապոյան, տիկին Հովսեփյան, դուք ի՞նչ գործ ունեք կառավարման խորհուրդներում, ձեր օգնականներն ի՞նչ գործ ունեն, ի՞նչ են անում ,-ասաց նա:

Անի Սամսոնյանը նշեց, որ իրենք փորձում են բուհերի խորհուրդներից դուրս քաշել պատգամավորներին, որ դրանք քաղաքականացված չլինեն, պարզվում է դպրոցներում ավելի խորը արմատներ են գցել:

Սա պարզապես անթույլատրելի է: Պարո՛ն նախարար, Դուք մի անգամ Ձեր խոսքում ասել եք, որ խորհուրդները ծառայել են տեղի իշխանիկներին, հիմա ուզում եմ հասկանալ որ իշխանիկներին են այսօր ծառայում այդ կառավարման խորհուրդները։ Միայն թե չասեք, որ հիմա մարդ չկա, որ այդ խորհուրդներում ներգրավեք, քանի որ դուք ժամանակ եք ունեցել այդ խորհուրդներում բարեփոխումներ անելու: Եվ եթե մեկը կա, ով պետք է այս ԱԺ ամբիոնից ներողություն խնդրի, դա դուք եք, սիրելի գործընկերներ, որ պետք է ներողություն խնդրեք մեզանից և քաղաքացիներից ձեր անսկզբունքայնության համար ,-ասաց նա:

Related news

Latest News
Hashtags:   

Դպրոցների

 | 

կառավարման

 | 

խորհուրդներում

 | 

ներառվել

 | 

ակտիվիստներ

 | 

պատգամավորներ

 | 

իշխանիկներին

 | 

այսօր

 | 

ծառայում

 | 

խորհուրդները

 | 

Սամսոնյան

 | 
Most Popular (6 hours)

Most Popular (24 hours)

Most Popular (a week)

Sources