Saturday 29 February 2020
Home      All news      Contact us      English
tert.am - 1 month ago

Ճապոնիայում և Հարավային Կորեայում կորոնավիրուսով վարակման նոր դեպքեր են գրանցվել

Ճապոնիայում 2019-nCoV կորոնավիրուսով վարակման հետևանքով ևս մի մարդ է հոսպիտալացվել, այս մասին հունվարի 24-ին հայտնում է Yomiuri Shimbun թերթը հղում տալով երկրի առողջապահության, աշխատանքի և բարեկեցության նախարարության հայտարարությանը: Նշվում է, որ վարակման երկրորդ դեպքը գրանցվել է Տոկիոյում: Հիվանդացել է Չինաստանի 40-ամյա բնակիչ, որը վերջերս է վերադարձել Ուհանից: Ճապոնական գերատեսչությունը մարդկանց կոչ է անում խուճապի չմատնվել, սակայն խորհուրդ է տալիս դիմակներ կրել և ձեռքերը լավ լվանալ: Հարավային Կորեան նույնպես հաստատել է երկրում կորոնավիրուսով վարակման երկրորդ դեպքի մասին, այս մասին տեղեկացրել է Հիվանդությունների վերահսկման և կանխարգելման կենտրոնը: Խոսքը 55-ամյա տղամարդու մասին է, որը Չինաստանից ժամանել է Սեուլի Կիմպհո օդանավակայան: Հայտնի է, որ վերջինս այցելել է Ուհան քաղաք, որտեղ էլ վարակվել է: Հիվանդը մեկուսացված է և բուժման կուրս է անցնում: Ինչպես ավելի վաղ նշել էր Tert.am-ը, Չինաստանի իշխանությունները երկրում բռնկված 2019-nCoV կորոնավիրուսի համաճարակի ֆոնին հիվանդության էպիկենտրոն համարվող Ուհան քաղաքի բնակչությանն արգելել են լքել քաղաքը: Իշխանությունների կարգադրությամբ՝ արգելվել է Ուհանից հանրային տրանսպորտի դուրս գալը: Խոսքն ավտոբուսների, մետրոյի, նավերի, գնացքների և օդանավերի մասին է: Բնակիչները միայն քաղաքի ներսում տեղաշարժվելու հնարավորություն ունեն: Չինաստանում վարակման հետևանքով մահացել է 25 մարդ, վարակման դեպքերը հասել են 830-ի: Հիշեցնենք, որ չինացի մասնագետները հաստատել են, որ կորոնավիրուսի նոր տեսակը մարդուց մարդուն է փոխանցվում: Ավելի վաղ հայտնի էր դարձել Հարավային Կորեայում, Ճապոնիայում, ԱՄՆ-ում և Թաիլանդում վիրուսով հիվանդանալու դեպքերի մասին:

Related news

Latest News
Hashtags:   

Ճապոնիայում

 | 

Հարավային

 | 

Կորեայում

 | 

կորոնավիրուսով

 | 

վարակման

 | 

դեպքեր

 | 

գրանցվել

 | 
Most Popular (6 hours)

Most Popular (24 hours)

Most Popular (a week)

Sources