Thursday 27 February 2020
Home      All news      Contact us      English
tert.am - 1 month ago

Այսօր օրինական ճանապարհով  միլիարդներ ենք մսխում, որովհետև ամեն տեղ քիչ–քիչ ծախսում ենք և մեզ թվում է, թե յոլա գնալն ավելի էժան է. վարչապետը ծննդատների խնդրի մասին

Վարչապետ Նիկոլ Փաշինյանը, այսօր ԱԺ Կառավարություն հարցուպատասխանի ժամանակ պատասխանելով Իմ քայլը խմբակցության պատգամավոր Նարեկ Զեյնալյանի՝ ծննդատանների բաժանմունքների լուծարման վերաբերյալ հարցին, ասաց, որ երբ հետևում էր ծննդատան բաժանմունքների լուծարման քննարկումներին, խոսքը Մարալիկի մասին է, տեղեկացավ, որ Մարալիկի բաժանմունքը սպասարկում է ևս 25 գյուղի:

Իմ մոտ առաջին հարցը, որ առաջացավ հետևյալն է, ինչի՞ է Մարալիկի ծննդատան բաժանմունքը սպասարկում 25 գյուղի, ինչո՞ւ այդ 25 գյուղերում չկան սեփական ծննդատներ: Ինչո՞ւ այսօր հարց չենք դնում, որ այդ 25 բնակավայրում ևս լինեն ծննդատներ։ Որովհետև տրամաբանական չի, որովհետև դա մոտավորապես նույնն է որ Երևանում մենք պահանջենք, որ ամեն շենքի մոտ լինի ծննդատուն , ասաց նա:

Վարչապետի խոսքով, եթե խնդիր չկա, որ ծննդկանը նստի մեքենա և 25 կմ կտրի ու հասնի Մարալիկ, ապա ինչո՞ւ խնդիր կա, որ այդ նույն բնակավայրի բնակիչը 25 կմ կտրի և հասնի Արթիկ և նույնքան կտրի ու հասնի Գյումրի: Մենք պիտի այս հարցերում կողմնորոշվենք և հետո աստված չանի, այդ ծննդատանը մի դեպք լինի ու հետո պարզվի, որ այնտեղ չկա համապատասխան մասնագետ, տեխնիկա, էնտեղ բժիշկներն իրեն տարեկան միջին մասնագիտական ծանրաբեռնվածությունից ցածր աշխատելու պատճառով կորցնում են իրենց պրոֆեսիոնալիզմը, հետո գալու եք ստեղ ասելու եք՝ Կառավարություն ջան, բա դուք ի՞նչ էիք մտածում, բա դուք չգիտեի՞ք, որ էս պրոբլեմը կա և անկեղծ ասած ես զարմացա, երբ հեռուստաընկերությամբ տեսա, որ Մարալիկի ծննդատան բաժանմունքի գործադուլ անող աշխատողներին, ովքեր հիվանդանոցային խալաթներով և ոտնամաններով դուրս էին եկել ձյան մեջ և փողոցներով քայլում էին և այդ նույն խալաթով ու ոտնամանով հետ էին գնալու ծնունդ ընդունելու ,- ասաց վարչապետը:

Նա ասաց, որ պետք է գնալ ռազմավարական լուծումների: Մենք ռազմավարական մակարդակում 2 խնդիր պիտի լուծենք՝ հասանելիության խնդիրը, որովհետև կարող է պարզվի, որ ամեն գյուղում ճանապարհները կառուցենք, շտապօգնության մեքենաներ տրամադրենք, որ երբ ծննդկանի հետ կապված խնդիր լինի, իրենց տան մեքենան չնստեն, այլ շտապօգնության մեքենան մոտենա և պատշաճ մակարդակով տեղ հասցնի ,- ասաց Նիկոլ Փաշինյանը: Վարչապետը նաև ասաց, որ ֆինանսավորման կրճատման մասին խոսք չկա, քանի որ Կառավարությունը վերջին 2 տարվա ընթացքում առողջապահության ֆինանսավորումը 30 տոկոսով ավելացրել է: Երեկ ես խորհրդակցություն եմ անցկացրել Կառավարությունում, մենք այսօր լրիվ օրինական ճանապարհով միլիարդներ ենք մսխում, որովհետև սենց պուճուր-պուճուր, ամեն տեղ, մի տեղ յոլա գնալու տրամաբանությամբ ծախսում ենք և մեզ թվում է թե յոլա գնալն ավելի էժան է , ասաց նա:

Վարչապետը հիշեցրեց, որ Եղվարդի պարագայում որոշումը վերանայվեց: Նիկոլ Փաշինյանի խոսքով՝ այնտեղ, որտեղ կա ամուր փաստարկ, Կառավարությունը չի կարող այդ փաստարկը չլսել։ Իսկ Մարալիկի դեպքում փաստարկն այն էր, որ 25 գյուղ է սպասարկում, և եթե այդ գյուղերում չկա ծննդատուն, ապա կարող ենք այդ մեկ ծննդատունը կոնսոլիդացնել, որ ունենանք ծննդատուն, որտեղ ոչ թե անհրաժեշտ 10 տեխնիկայից 5-ը չլինի, այլ ունենանք ծննդատուն, որտեղ անհրաժեշտ 10 տեխնիկան և պատշաճ մասնագիտական որակ ապահովելու խնդիրը լուծենք, շտապ օգնության մեքենաներն ավելացնենք, ճանապարհներն էլ ասֆալտ անենք, փողն էլ պետբյուջեից տանք, որ ծննդկանին պետք լինի արագ տեղափոխեն ու ծառայությունը մատուցեն ,- եզրափակեց վարչապետը:

Related news

Latest News
Hashtags:   

Այսօր

 | 

օրինական

 | 

ճանապարհով 

 | 

միլիարդներ

 | 

մսխում

 | 

որովհետև

 | 

քիչ–քիչ

 | 

ծախսում

 | 

թվում

 | 

գնալն

 | 

ավելի

 | 

վարչապետը

 | 

ծննդատների

 | 

խնդրի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources