Friday 28 February 2020
Home      All news      Contact us      English
tert.am - 1 month ago

Եթե «Գազպրոմ Արմենիայում» կան ավելորդ աշխատակիցներ, նրանք պետք է կրճատվեն. Մհեր Գրիգորյան

ԱԺ Լուսավոր Հայաստան խմբակցության պատգամավոր Ռուբիկ Ստեփանյանն այսօր Ազգային ժողովում Կառավարության հետ հարց ու պատասխանի ժամանակ նշեց, որ մամուլում տեղեկություն էր տարածվել, որ Գազպրոմ Արմենիայից սպասվում է շուրջ 600-800 կրճատում և հետաքրքրվեց, թե ինչ է նախատեսում Կառավարությունը այդ առումով: Հարցին պատասխանեց փոխվարչապետ Մհեր Գրիգորյանը, ով այսօր արդեն գազի վերաբերյալ հարցերին անդրադարձել էր: Սկսել եմ գազի վերաբերյալ հարցերից արդեն հաճույք ստանալ ,- նախ նշեց նա: Այնուհետև Մհեր Գրիգորյանը նշեց, որ անկախ սակագնի հարցից, սահմանի գնի հարցից, անկախ ամենից, եթե Գազպրոմ Արմենիայում կան ավելորդ աշխատակիցներ, նրանք պետք է կրճատվեն, և դա վերաբերում է թե՛ կառավարման համակարգին, թե՛ մասնավոր ցանկացած ընկերությանը, և թե՛ մասնավորապես հենց Գազպրոմ Արմենիային : Որովհետև, եթե արատավոր երևույթ, ինչպիսին է ուղղակի էլեկտորատ մասնավոր կառույցում, կամ առավելևս մի կառույցում, որը հանրային ծառայություններ է մատուցում, դրա վերջը շատ վատ կլինի։ Իհարկե, մենք պարտավոր ենք մտածել, որ այդ մարդիկ առանց աշխատանք չմնան, բայց մարդատեղ ապահովել Գազպրոմում , իհարկե բացառված է և փառք Աստծո, որ նման պրոցես տեղի է ունենում, և մեր գործը հեշտանում է, եթե մենք խոսում ենք ծախսերի օպտիմիզացման մասին: Ես չեմ թաքցնում, որ մենք շատ բծախնդիր ենք եղել և լինելու Գազպրոմ Արմենիայի ծախսերի վերաբերյալ ,- ասաց նա: Մհեր Գրիգորյանը նաև ասեց, թե կարծում է, որ չկա տնտեսվարող, որը լավ մասնագետից կհրաժարվի:

Related news

Latest News
Hashtags:   

Գազպրոմ

 | 

Արմենիայում

 | 

ավելորդ

 | 

աշխատակիցներ

 | 

նրանք

 | 

կրճատվեն

 | 

Գրիգորյան

 | 
Most Popular (6 hours)

Most Popular (24 hours)

Most Popular (a week)

Sources