Tuesday 18 February 2020
Home      All news      Contact us      English
tert.am - 27 days ago

Թուրքիայում իշխող կուսակցությունը կադրերի պակասը պատրաստվում է լրացնել «Ազգայնական շարժում» կուսակցության հաշվին. լրատվամիջոցներ

Թուրքիայում իշխող Արդարություն և զարգացում կուսակցությունը վերջին շրջանում նահանգային կառույցներում կադրային պակասի խնդրի առաջ է կանգնել և պատրաստվում է այն լրացնել իր խորհրդարանական դաշնակից Ազգայնական շարժում կուսակցության կադրերով: Այս մասին տեղեկացնում է demokrathaber.org կայքը: Իշխող կուսակցության կադրերի պակասը պայմանավորված է այն հանգամանքով, որ պետական կառավարիչներ և հոգաբարձուներ նշանակվում են հենց Արդարություն և զարգացում կուսակցությունից: Պետական կառավարիչները նշանակվում են տեղական ինքնակառավարման մարմինների ընտրված այն պաշտոնյաների փոխարեն, որոնք պաշտոնանկ են արվել իրենց նկատմամբ հարուցված քրեական գործերի պատճառով: Վերջին ՏԻՄ ընտրություններից հետո քրդամետ Ժողովուրդների դեմոկրատական կուսակցությունը ներկայացնող մեծ թվով քաղաքապետեր, համայնքապետեր ու ավագանու անդամներ պաշտոնանկ են արվել Քրդստանի աշխատավորական կուսակցության հետ կապեր հաստատելու մեղադրանքով: Չանաքքալե նահանգում արդեն մեկ ամիս է իշխող կուսակցությունը չի կարողանում ապահովել պաշտոնյաների անհրաժեշտ քանակը, ինչի պատճառով էլ դիմել է իր գործընկեր Ազգայնական շարժում կուսակցությանը խնդրելով կադրեր տրամադրել նահանգային պաշտոններում նշանակելու համար: Ազգայնականները չեն մերժել իշխող կուսակցության խնդրանքը:

Related news

Latest News
Hashtags:   

Թուրքիայում

 | 

իշխող

 | 

կուսակցությունը

 | 

կադրերի

 | 

պակասը

 | 

պատրաստվում

 | 

լրացնել

 | 

Ազգայնական

 | 

շարժում

 | 

կուսակցության

 | 

հաշվին

 | 

լրատվամիջոցներ

 | 
Most Popular (6 hours)

Most Popular (24 hours)

Most Popular (a week)

Sources