Friday 28 February 2020
Home      All news      Contact us      English
tert.am - 1 month ago

Այսօրվա ձևակերպմամբ ստացվում է՝ անձին ենթարկում են պատասխանատվության զուտ նրա համար, որ նա ունի քրեական աստիճանակարգության բարձրագույն կարգավիճակ. փաստաբանը «օրենքով գողերի» վերաբերյալ օրինագծի մասին

Ես օրենքի հիմքում դրված գաղափարն այս պահին ընդունում եմ այնպիսին, ինչպիսին դա ամրագրված է կառավարության ծրագրով, սակայն դրա իրացման այսօրվա նախագիծն էական կատարելագործման անհրաժեշտություն ունի: Այս մասին Tert.am-ի հետ զրույցում ասաց փաստաբան Տիգրան Խաչիկյանը անդրադառնալով օրենքով գողերի վերաբերյալ օրենքի նախագծին: Հիշեցնենք, որ ԱԺ-ն ամբողջությամբ ընդունեց օրենքով գողերի վերաբերյալ օրենքի նախագիծը: Փաստաբանի խոսքով քրեական աստիճանակարգության բարձրագույն կարգավիճակի պահպանումը ոչ մի դեպքում չպիտի համարվի քրեական օրենսգրքով արգելված արարք, քանի որ դրանից դուրս էլ արդեն նախատեսված է հանցակազմեր այդ տեսակ դեպքերի համար: Այսօրվա ձևակերպմամբ ստացվում է, որ մենք ստատիկ հիմքով անձին ենթարկում ենք պատասխանատվության սոսկ նրա համար, որ նա պահպանում է ինչ-որ կարգավիճակ: Բացի այդ, նախագիծը հնարավորություն է տալիս փաստացի քրեական աստիճանակարգության բարձրագույն կարգավիճակով անձին միաժամանակ դատապարտել 3 հոդվածով. 1. քրեական ենթամշակույթ ունեցող խմբավորում ստեղծել ու ղեկավարելը, 2. քրեական աստիճանակարգության բարձրագույն կարգավիճակի պահպանումը, 3. քրեական միջավայրին հարելը: Այսինքն ստացվում է 3 տարբեր հոդված՝ մեկ արարքի համար, զուտ նրա համար, որ անձը քրեական աստիճանակարգության բարձրագույն կարգավիճակ ունի ,- ասաց Տիգրան Խաչիկյանը: Նրա խոսքով՝ նախագիծը բխում է կառավարության ռազմավարական առաջնահերթություններից, բայց քրեական աստիճանակարգության բարձրագույն կարգավիճակի պահպանումը արարք չէ, այլ՝ ստատիկ կարգավիճակ, որի համար կարելի է հավերժաբար անձին ենթարկել պատասխանատվության: Դիտարկմանը, թե այս օրենքով ցանկացած անձի հանդեպ կարող են քրեական հետապնդում իրականացնել, փաստաբանն ասաց. Ցանկացած անձի նկատմամբ չի կարող հետապնդում իրականացվել, քանի որ վարույթն իրականացնող մարմինը պետք է հիմնավորի այդ հանգամանքների առկայությունը, որոնք օրենքում նկարագրված են: Հենց այնտեղ կարող է դրսևորվել խնդիրը, երբ վարույթն իրականացնող մարմինը բառերի գնահատման հարցում առաջնորդվի ոչ իրավաչափ մեկնաբանման ուղղությամբ, շատ լայն մեկնաբանի այդ կատեգորիաները, բառերը, արտահայտությունները: Էդ դեպքում մենք իսկապես կունենանք խնդիր :

Related news

Latest News
Hashtags:   

Այսօրվա

 | 

ձևակերպմամբ

 | 

ստացվում

 | 

անձին

 | 

ենթարկում

 | 

պատասխանատվության

 | 

համար

 | 

քրեական

 | 

աստիճանակարգության

 | 

բարձրագույն

 | 

կարգավիճակ

 | 

փաստաբանը

 | 

օրենքով

 | 

գողերի

 | 

վերաբերյալ

 | 

օրինագծի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources