Monday 17 February 2020
Home      All news      Contact us      English
tert.am - 28 days ago

63-ամյա «հավերժ երիտասարդ» թայվանցի դերասանուհին բացահայտել է իր երիտասարդության և գրավչության գաղտնիքը (լուսանկարներ)

Թայվանի Ցզիլուն քաղաքից հավերժ երիտասարդ դերասանուհի և երգչուհի Չեն Մեյֆենը բացահայտել է իր գրավչության և երիտասարդության գաղտնիքը, հայտնում է Daily Mail պարբերականը: 63-ամյա դերասանուհին ամեն օր տասնյակ հաճոյախոսություններ է ստանում երկրպագուներից, որոնք հիանում են նրա արտաքին տեսքով: 1975 թվականին 19 տարեկան հասակում, Մեյֆենը գեղեցկության թագուհու տիտղոսն է նվաճել: Մեյֆենը պատմել է, որ ամեն առավոտ կոճապղպեղի կտորներով ապուր է ուտում: Դերասանուհին ենթադրում է, որ հենց դա է օգնում պահել մաշկի երիտասարդությունն ու թարմությունը: Դերասանուհին խոստովանել է, որ ֆիթնեսի երկրպագու չէ և չի սիրում մարզասրահ այցելել, ուստի մարզիչ է վարձել, որի հետ շաբաթական մեկ կամ երկու անգամ ուժային մարզումներ է անցկացնում: Կինն ամեն օր բարձրակրունկներ է կրում, իսկ ահա երեկոյան հոդերի վնասը նվազագույնի հասցնելու համար բոկոտն կանգնում է հատուկ թեք տակդիրի վրա և դրա միջոցով մարմնի ամբողջ ծանրությունը փոխանցում կրունկներին: Միևնույն ժամանակ, Մեյֆենը թույլ հարվածներ է հասցնում իր ձեռքերին, ոտքերին և հոդերին հավատալով, որ այս կերպ նա օգնում է մարմնով էներգիայի շարժմանը: Չենը շնորհակալություն է հայտնել երկրպագուներին և հետևորդներին սոցիալական ցանցերում ցուցաբերած աջակցության համար և հավելել, որ իր ամենամեծ գաղտնիքն ամեն օր լավ տրամադրություն ունենալու ունակությունն է: Հինգ տարի առաջ Մեյֆենը բաժանվել է ամուսնուց: Դերասանուհին երեխաներ չունենալու պատճառով ստիպված է եղել միայնակ հաղթահարել հարվածը: Կինն այժմ պատրաստվում է նոր սիրուն հանդիպել չնայած որ կարծում է, որ դժվար է կատարյալ զուգընկեր գտնելը, քանի որ տղամարդիկ երիտասարդ կանանց են նախընտրում:

Related news

Latest News
Hashtags:   

հավերժ

 | 

երիտասարդ

 | 

թայվանցի

 | 

դերասանուհին

 | 

բացահայտել

 | 

երիտասարդության

 | 

գրավչության

 | 

գաղտնիքը

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources