Saturday 29 February 2020
Home      All news      Contact us      English
tert.am - 1 month ago

Փաշինյանի միլանյան ելույթն ընդհատած ու վարչապետին հարց հղած ադրբեջանցի «բլոգերը» թեկնածությունն առաջադրել է Ադրբեջանի խորհրդարանական ընտրություններում

Միլանի Հայ Առաքելական Սուրբ Քառասուն Մանկունք եկեղեցում հայ համայնքի ներկայացուցիչների հետ վարչապետ Նիկոլ Փաշինյանի հանդիպման ընթացքում եկեղեցի մուտք գործած և ադրբեջանցի բլոգեր ներկայացած Աթա Աբդուլաևն առաջադրվել է Ադրբեջանում կայանալիք արտահերթ խորհրդարանական ընտրություններում:

Նրա թեկնածությունը գրանցված է Ադրբեջանի Կենտրոնական ընտրական հանձնաժողովի պաշտոնական կայքում:

Հայտնի է, որ Ադրբեջանի արտահերթ խորհրդարանական ընտրությունները կայանալու են 2020թ. փետրվարի 9-ին: Նախընտրական քարոզարշավը մեկնարկել է հունվարի 17-ին:

Ինչպես ավելի վաղ հայտնել էր Tert.am-ը, եկեղեցում Փաշինյանի ելույթի ժամանակ ներս էր մտել ադրբեջանցի մի բլոգեր, որը հայտարարել էր, թե քանի որ Նիկոլ Փաշինյանը ժողովրդավար է, նրանից խնդրում է դադարեցնել պատերազմը:

Մեզ այս պատերազմը պետք չէ, մենք ուզում ենք ժողովրդավարություն, մենք ուզում ենք մեր հայրենիքը, մեր հողը, ազատեք, խնդրում եմ, մեր հողը: Ազատեք մեր հողը, որ ես կարողանամ տեսնել իմ Շուշին, իմ Խոջալուն ,-ասել էր Աբդուլաևը:

Ապա ադրբեջանցի բլոգերը հարցրել էր՝ արդյոք իրեն հնարավորություն կտան հետո այդտեղից դուրս գալու: Այո, ես երաշխավորում եմ ,- արձագանքել էր Նիկոլ Փաշինյանը:

Փաստ է, որ Դուք լինելով ադրբեջանցի, մտել եք հայկական եկեղեցի, որտեղ գտնվում են հայեր, և հարց տվեցիք Հայաստանի վարչապետին: Իմացեք, որ չէր լինի հնարավորություն, որ հայը հնարավորություն ունենար մտնել միջոցառման, որտեղ ներկա է Ադրբեջանի նախագահը ,- ասել էր վարչապետը:



Related news

Latest News
Hashtags:   

Փաշինյանի

 | 

միլանյան

 | 

ելույթն

 | 

ընդհատած

 | 

վարչապետին

 | 

ադրբեջանցի

 | 

բլոգերը

 | 

թեկնածությունն

 | 

առաջադրել

 | 

Ադրբեջանի

 | 

խորհրդարանական

 | 

ընտրություններում

 | 
Most Popular (6 hours)

Most Popular (24 hours)

Most Popular (a week)

Sources