Monday 17 February 2020
Home      All news      Contact us      English
tert.am - 28 days ago

Նիկոլ Փաշինյանը սուպերվարչապետական համակարգ ասելով նկատի է ունեցել ստիպողաբար ՏԻՄ իշխանության ձևավորումը. Լիլիթ Մակունց

Սարսափելի բան է տեղի ունեցել, որից ազդվել ենք բոլորս, իսկ այն, որ այս կամ այն անձիք, այդ թվում՝ վարչապետը չեն մասնակցել Գեորգի Կուտոյանի հոգեհանգստին, չեմ կարծում, որ տեղին շահարկման առարկա դառնա: Այս մասին լրագրողների հետ զրույցում ասաց ԱԺ Իմ քայլը խմբակցության ղեկավար Լիլիթ Մակունցը ՝ անդրադառնալով Tert.am-ի հարցին, թե հնչում են քննադատություններ Նիկոլ Փաշինյանի ցավակցական ուղերձի և Գեորգի Կուտոյանի հոգեհանգստին չմասնակցելու վերաբերյալ, ինքն ի՞նչ կարծիք ունի այն մասին, որ կառավարության աշխատակազմի մակարդակով է ցավակցությունը եղել, այն էլ լրատվամիջոցի հարցումից հետո: Ես խռոնոլագիային չեմ հետևում, չեմ կարծում, որ դա էական է, փաստն այն է, որ վարչապետը ցավակցական խոսք հղել է Կուտոյանների ընտանիքին, և իշխանության առանձին ներկայացուցիչներ ներկա են գտնվել հրաժեշտի արարողությանը ,-նշեց նա: Անդրադառնալով հարցին՝ արդյոք մտահոգված չե՞ն, որ այդ դեպքից հետո ատելության խոսք է հնչում, ՍԴ նախագահ Հրայր Թովմասյանի վերաբերյալ գրառումներ են կատարում, թե հաջորդը նա է լինելու, Լիլիթ Մակունցն ասաց. Ինձ համար ցանկացած նման մեկնաբանություն ընդունելի լինել չի կարող, կարծում եմ՝ բոլորը պետք է զսպավածություն ցուցաբերեն ոչ միայն այս դեպքի առումով, այլև՝ առհասարակ: Յուրաքանչյուրս ունենք մեր պատասխանատվության մասնաբաժինը, որպեսզի լինի այնպիսի մթնոլորտ, որտեղ կարևոր լինի աշխատանքային բովանդակությունը, ոչ թե վիրավորանքները, ողջամտության սահմաններից դուրս մեկնաբանությունները ,-ասաց նա: Անդրադառնալով ԱԱԾ նախկին տնօրեն Արթուր Վանեցյանի՝ Twitter-ի իր միկրոբլոգում արած գրառմանն առ այն, թե սթափվել ու կանգ առնել է պետք, ատելությունն ու ներքին թշնամանքը վտանգ են ցանկացած երկրի համար, Լիլիթ Մակունցն ասաց. Արթուր Վանեցյանը ԱԱԾ նախկին պետ է, ես նրա հայտարարությունները չեմ համարում քաղաքական հայտարարություն և հետևաբար չեմ անդրադառնում դրանց : Անդրադառնալով հարցին, թե սահմանադրական փոփոխությունների հանձնաժողովին խմբակցությունն ինչպե՞ս է ներգրավելու, կոնկրետ թեկնածու ունի, Լիլիթ Մակունցն ասաց. Դեռևս որոշում չունենք՝ ով է ներկայացնելու, երբ կունենանք ծանուցում ներկայացնելու հետ կապված, այդ ժամանակ որոշում կկատարենք և կներկայացնենք, ենթադրում եմ, որ իհարկե, ներկայացված կլինի պետաիրավական հանաձնաժողովի ներկայացուցիչ ,- ասաց նա: Նա ընդգծեց, որ խմբակացությունն ունի մի շարք դիրքորոշումներ, որոնք փաթեթը ներկայացնելիս կհրապարկեն: Անդրադառնալով հարցին՝ արդյո՞ք Նիկոլ Փաշինյանի կողմից դեռևս ընդդիմադիր ժամանակահատվածում հնչեցրած սուպերվարչապետական համակարգին անդրադարձ կլինի, Լիլիթ Մակունցն ասաց. Նիկոլ Փաշինյանը սուպերվարչապետական համակարգ ասելով՝ նկատի ուներ օրինակ կեղծված ընտրությունների արդյունքում պարտադիր կերպով, ստիպողաբար ՏԻՄ իշխանության ձևավորումը, մենք այսօր նման բան չունենք ,-ասաց նա: Լրագրողները նշեցին, որ չեն հիշում, որ Նիկոլ Փաշինյանը սուպերվարչապետական համակարգ ասելով՝ դա նկատի ունեցած լինի, քանի որ խոսել է վարչապետին տրվող լիազորությունների մասին: Ես մեկնաբանում եմ, թե ինչ եմ ընկալել վարչապետի ասածից ,-նկատեց նա: Լիլիթ Մակունցն ասաց, որ նախկինում ունեցել են ընդդիմություն, որը լիազորություններով բավականաչափ սահմանափակ էր և չի հիշում, որ ընդդիմությունը ՀՀ նորաանկախ պատմության մեջ լինի այնքան ուժեղ, որքան այսօր է: Ըստ նրա՝ ամեն օր փորձում են բալանսավորել ընդդիմության և իշխանության ուժերը: Օրինակ՝ ընդդիմության թեկնածուն է դարձել Հակակոռուպցիոն հանձնաժողովի նախագահ ,- ասաց նա:

Related news

Latest News
Hashtags:   

Նիկոլ

 | 

Փաշինյանը

 | 

սուպերվարչապետական

 | 

համակարգ

 | 

ասելով

 | 

նկատի

 | 

ունեցել

 | 

ստիպողաբար

 | 

իշխանության

 | 

ձևավորումը

 | 

Լիլիթ

 | 

Մակունց

 | 
Most Popular (6 hours)

Most Popular (24 hours)

Most Popular (a week)

Sources