Sunday 23 February 2020
Home      All news      Contact us      English
tert.am - 1 month ago

«Որ մի հատ օրենք խորհրդարանը գեներացնի, կառավարության վիճակագրությունը խախտվո՞ւմ է». ԱԺ-ն մերժեց ՍԴ վերաբերյալ ԼՀԿ առաջարկը, 3 ամսից կառավարությունն է այդ օրինագիծը բերելու

ԱԺ-ն քննարկեց և լիագումար նիստերի օրակարգ չընդունեց ԱԺ Լուսավոր Հայաստան խմբակցության առաջարկը ՀՀ քրեական դատավարության օրենսգրքում փոփոխություններ կատարելու մասին օրենքի նախագծի վերաբերյալ: Հիմնական զեկույցով հանդես եկավ ԼՀԿ-ական պատգամավոր Տարոն Սիմոնյանը և նշեց, որ նախաձեռնությունը վերաբերում էր Սահմանադրական դատարանի կողմից ընդունված որոշման հիման վրա Քրեական դատավարության օրենսգրքում փոփոխություն կատարելուն: Խոսքը վերաբերում էր գրավը որպես խափանման միջոց ճանաչելուն: Ներկա իրավակարգավորման շրջանակներում գրավը կիրառվում է որպես կալանքին այլընտրանքային միջոց, Սահմանադրական դատարանը սա դիտարկել էր որպես առանձին խափանման միջոց և ներկայիս կարգավորումը ճանաչել հակասահմանադրական ,- ասաց պատգամավորը: Սիմոնյանը նշեց՝ իրենց խմբակցությունն օրենսդրական նախաձեռնությամբ էր հանդես եկել, որտեղ առանձին ձևով գրավը ներկայացվել էր որպես առանձին խափանման միջոց, սակայն կառավարությունը բացասական եզրակացություն էր տվել: Հիմնական պատճառն այն էր, որ կառավարությունը ցանկանում էր ինքը բերել այս նախագիծը և որևէ ձևով չէր ցանկանում մեր բերած նախաձեռնության վերաբերյալ առաջարկություններով հանդես գալ: Արդյունքում ստացվեց, որ իմ հարգարժան գործընկերները պահպանեցին սոլիդարություն կառավարության հետ, իմ կողմից սա գնահատվում է որպես Ազգային ժողովի իրավասության սահմանափակում ի օգուտ կառավարության, որովհետև իմ գործընկերները որոշեցին, որ կարևորը կառավարությունն իր եռամսյա ժամկետում կբերի այս նախագիծը և լավ չէ, որ ԱԺ պատգամավորն ավելի շուտ է բերում նման նախաձեռնություն ,- հայտարարեց Սիմոնյանը: Հարակից զեկույցով հանդես եկավ Պետաիրավական մշտական հանձնաժողովի անդամ Սուրեն Գրիգորյանը, որն ասաց, թե պետաիրավական հանձնաժողովում ասվել է, որ ՍԴ որոշումների կայացումից հետո կառավարությունը պարտավոր է եռամսյա ժամկետում ՍԴ-ի որոշումից բխող անհրաժեշտ իրավակարգավորումները ներկայացնել: Մենք միանշանակ ընդունել ենք, որ օրենսդրական որևէ սահմանափակում, որ պատգամավորը նման նախաձեռնությամբ հանդես գա ավելի վաղ ժամկետում, միանշանակ չկա: Այո, օրենսդրական սահմանափակում չկա, բայց օրենքով նախատեսված եռամսյա ժամկետը մի կողմից ապահովում է հնարավորինս արագ ՍԴ որոշումների տված մեկնաբանությունից կարգավորումներ բերելու անհրաժեշտությունը, մյուս կողմից ապահովում է ավելորդ շտապողականության չդրսևորումը: Նաև ասեմ՝ անկախ այս հանգամանքից, որ այո, սա եղել է մերժման պատճառ, բայց բովանդակային քննարկում է եղել և թե՛ կառավարության և թե՛ մեր հանձնաժողովի անդմաների կարծիքը եղել է այն, որ բովանդակային առումով ունի խնդիրներ այս նախագիծը ,- նշեց նա: Նա ասաց, որ հանձնաժողովը բացասական եզրակացություն է տվել և կոչ արեց կողմ չքվեարկել այս հարցը նիստերի օրակարագ ներառելու և քննարկելու համար: Ի վերջո ԱԺ-ն դեմ քվեարկեց և հարցը չընդգրկվեց լիագումար նիստի օրակարգ: Հարցի շուրջ ելույթով հանդես եկավ ԼՀԿ խմբակցության ղեկավար Էդմոն Մարուքյանը: Նա նշեց, որ ԼՀԿ կողմիօց ներկայացված 4 նախագիծ մերժվեց և հավելեց, որ եթե 3 նախագծերի հետ կապված կարող է ասել, որ մեծամասնությունը մի այլ փիլիսոփայություն ունի երևի և այլ կերպ է ուզում այդ խնդիրները լուծել, ապա ոչ մի կերպ չի հասկանում Սահմանադրական դատարանի որոշման իմպլեմենտացիայի նախագիծը մերժելը: Պարո՛ն Գրիգորյան, ես ձեզ ուզում եմ ասել, որ Ձեզ մեծ ապագա է սպասվում իսկապես, որովհետև էն էներգետիկան, էնտուզիազմը, էսքապրեսիան, որ Դուք ներ եք դնում մեր նախագծերը մերժելուն՝ կոչ անելով մարդկանց, ուղղակի ապշած եմ: Եվ ի՞նչ եք ասում՝ այո՛, մերժվեց ձեր նախագիծը, բայց մենք բովանդակային քննարկեցինք: Այսինքն, մենք ցնցվենք հա՞ դրանից, որ դուք բովանդակային քննարկել եք մեր նախագիծը, հա՞ ,- ասաց Մարուքյանը: Նա Գրիգորյանի համար պարզաբանեց, թե ինչի մասին էր իրենց ներկայացրած նախագիծը: Ասում եք՝ ինչի մասին է ընդհանրապես այդ նախագիծը. ՍԴ-ն ընդունել է որոշում, ասում է՝ էս օրենքը փոխեք այս ձևով, մենք բերել ենք նախագիծ, ասում ենք՝ ՍԴ այս որոշման հիման վրա եկեք այս օրենքը փոխենք: Եկել են կառավարությունից, ասում են՝ ճիշտ է, պետք է փոխվի, բայց մենք ենք ուզում անենք, ասում ենք՝ ի՞նչ տաբերություն, հիմա մենք ենք բերել ,- ասաց Մարուքյանը: Ըստ նրա՝ կարծես վիճակագրություն են ապահովում: Այսինքն վիճակագրությո՞ւն եք գողանում, թե մի հատ օրենք, որ խորհրդարանը գեներացնի վիճակագրությունը խախտվո՞ւմ է կառավարության: Այդ նույն նախագիծը բերելու են նույն ձև ընդունեք, սակայն ասում եք՝ կառուցվածքը էնտեղ սենց մի հատ պահ կա, այդ պահը խանգարում է, դրա համար հիմա չենք ընդունում: Սա ձև չի էլի, սա անելու բան չէ, որ դուք անում եք: Ձեր՝ իշխանությունների նկատի ունեմ, վիճակն առանց էդ էլ անցյալ տարի լավ չէր, դուք վատթարացնում եք այս տարի նման բաներով ,- եզրափակեց նա:

Related news

Latest News
Hashtags:   

օրենք

 | 

խորհրդարանը

 | 

գեներացնի

 | 

կառավարության

 | 

վիճակագրությունը

 | 

խախտվո՞ւմ

 | 

մերժեց

 | 

վերաբերյալ

 | 

առաջարկը

 | 

ամսից

 | 

կառավարությունն

 | 

օրինագիծը

 | 

բերելու

 | 
Most Popular (6 hours)

Most Popular (24 hours)

Most Popular (a week)

Sources