Sunday 23 February 2020
Home      All news      Contact us      English
tert.am - 1 month ago

Տեսախցիկները ֆիքսել են Բրեդ Փիթի և Ջենիֆեր Էնիսթոնի հուզիչ հանդիպումը SAG Awards-ի կուլիսներում (լուսանկարներ)

Լոս Անջելեսում տեղի է ունեցել ԱՄՆ կինոդերասանների գիլդիայի 26-րդ մրցանակաբաշխությունը, և այդ կապակցությամբ մեկ վայրում են հավաքվել հոլիվուդյան բազմաթիվ հայտնի դեմքեր:

Ինչպես նշում է Daily Mail-ը, առավել ուշագրավ է եղել դերասաններ Բրեդ Փիթի և Ջենիֆեր Էնիսթոնի՝ մրցանակաբաշխության կուլիսներում տեղի ունեցած հանդիպումը: Պարբերականը նկատում է, որ նախկին ամուսինների վերամիավորումը բավականին հուզիչ տեսարան է եղել :

Երկրորդ պլանի լավագույն դերասան անվանակարգում հաղթած Բրեդ Փիթը նախկին կնոջը շնորհավորել է դրամատիկ սերիալների լավագույն դերասանուհի ճանաչվելու կապակցությամբ:

56-ամյա Փիթն ու 50-ամյա Էնիսթոնն ամուսնալուծվել են 2005թ., երբ հոլիվուդյան դերասանի և Անջելինա Ջոլիի միջև սիրավեպ է սկսվել: Սակայն այս հարաբերություններն այժմ ավարտված են:

Ըստ քաջատեղյակ աղբյուրների՝ ներկայում Փիթի և Էնիսթոնի միջև ընկերական ջերմ հարաբերություններ են:

Ինչպես ավելի վաղ հայտնել էր Tert.am-ը, ԱՄՆ կինոդերասանների գիլդիայի 26-րդ մրցանակաբաշխության շրջանակում լավագույն դերասան է ճանաչվել Խոակին Ֆենիքսը ( Ջոկեր ), իսկ լավագույն դերասանուհի՝ Ռենե Զելվեգերը ( Ջուդի ):

Հարավկորեացի ռեժիսոր Պոն Ջուն-հոյի Մակաբույծները ֆիլմը լավագույն դերասանական կազմի համար արժանացել է SAG Awards-ի գլխավոր մրցանակին:

Մինչդեռ հոլիվուդյան գերաստղ Ռոբերտ դե Նիրոն Իռլանդացին ֆիլմի համար մրցանակի է արժանացել կինոոլորտում ունեցած ավանդի համար:

Ջենիֆեր Էնիսթոնն ու Փիթեր Դինքլեյջը ճանաչվել են դրամատիկ սերիալների լավագույն դերասաններ, մինչդեռ հումորային սերիալների ասպարեզում պարգևատրվել են Թոնի Շալուբը և Ֆիբի Ուոլեր Բրիջը:

Related news

Latest News
Hashtags:   

Տեսախցիկները

 | 

ֆիքսել

 | 

Ջենիֆեր

 | 

Էնիսթոնի

 | 

հուզիչ

 | 

հանդիպումը

 | 

Awards

 | 

կուլիսներում

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources