Friday 28 February 2020
Home      All news      Contact us      English
tert.am - 1 month ago

Բացառիկ, պարկեշտ ու ազնվագույն մարդ.  տեղի ունեցավ ԱԱԾ նախկին տնօրեն Գեորգի Կուտոյանի հոգեհանգստի արարողությունը

Այսօր երեկոյան տեղի ունեցավ Ազգային անվտանգության ծառայության նախկին տնօրեն Գեորգի Կուտոյանի հոգեհանգստի արարողությունը: Պետական գործչին վերջին հրաժեշտը տալու էին եկել ՀՀ երրորդ նախագահ Սերժ Սարգսյանը, ԱԺ նախկին նախագահներ Արա Բաբլոյանը և Գալուստ Սահակյանը, Երևանի նախկին քաղաքապետ Տարոն Մարգարյանը, նախկին ոստիկանապետ Վլադիմիր Գասպարյանը, նախկին բարձրաստիճան պաշտոնյաներ, նախկին ու գործող պատգամավորներ, ԱԱԾ նախկին տնօրեն Արթուր Վանեցյանը, ՀՀ գլխավոր դատախազ Արթուր Դավթյանը, ՀՀ Սահմանադրական դատարանի նախագահ Հրայր Թովմասյանը, Անվտանգության խորհրդի քարտուղար Արմեն Գրիգորյանը:

Լրագրողների հետ զրույցում ԱԱԾ նախկին տնօրեն Արթուր Վանեցյանն ասաց, որ դժվար է հավատալ, որ Գեորգի Կուտոյանն այլևս մեզ հետ չէ. Գեորգի Կուտոյանն ազնվագույն և պարկեշտ անձանցից մեկն էր, ում ես ճանաչել եմ իմ կյանքում և դժվար է հավատալ, որ նա այլևս մեզ հետ չէ ։

ՀՀԿ փոխնախագահ Արմեն Աշոտյանն էլ իր ցավակցությունը հայտնեց ընտանիքին, ընկերներին, բոլոր նրանց, ովքեր շփվել,աշխատել և մտերիմ են եղել Գեորգի Կուտոյանի հետ: Ես աշխատանքային հարաբերություններ եմ ունեցել Գերոգի Կուտայնի հետ և կարող եմ ասել, որ շատ բանիմաց, հայրենասեր մարդ էր: Կարող եմ ասել բացառիկ անձնավորություն էր, որի խոսքը խոսք էր: Գիտեք,հաճախ էր լինում իշխանական տարբեր օղակներում խարդավանքներ, տարբեր խոսակցություններ, Կուտոյանը շահեկանորեն տարբերվում էր իր վերջին զբաղեցրած պաշտոնում առանց որևէ հավելյալ շահարկման: Նրա մահը ցնցող էր :

Աժ նախկին նախագահ Արա Բաբլոյանն էլ ասաց, որ շատ է ցավում տեղի ունեցածի համար, Կուտայնի հոր մտերիմ ընկերն է եղել և պատրաստ չի եղել նման բան տեսնելու. Շատ եմ ցավում, ես բնավ նման բանի չէի սպասում, պատրաստ չէի նման բան տեսնել: Ես միայն մի բան կարող եմ ասել, որ մարդիկ, երբ որ դժվարության մեջ են լինում հավանական է պետք է նրանց հոգեբանորեն ինչ-որ օգնություն ցուցաբերել: Ես չգիտեմ ինչի հետ կապեմ այս ամենը, բայց, ամեն դեպքում, սպասենք, տեսնենք հանգուցալուծումը :

Տարոն Մարգարյանը Կուտոյանին բնութագրելիս ասաց, որ նա փայլել է մասնագիտության մեջ. Աշխատանքային շփումներ են եղել, մեծ ցավ եմ ապրում և ցավակցում եմ ընտանիքի անդամներին, ընկերներին, բարեկամներին ևմեզ բոլորիս: Շատ լավ մարդ, շատ լավ մասնագետ :

Լուսավոր Հայաստան խմբակցության ղեկավար Էդմոն Մարուքյանն էլ լրատվամիջոցների հետ զրույցում ասաց, որ պետք է սպասել ու հետևել քննության ընթացքին. Կարճ պետք է ասեմ, որ շատ ցավալի դեպք է եղել, կրկին ցավակցում եմ Կուտոյանների ընտանիքին, հարազատներին, ընկերներին։ Քննություն է ընթանում, պետք է հետևենք քննությանը, եթե ուզում ենք նորմալ, իրավական երկիր ունենանք, պետք է աշխատենք, որ առաջինն ինստիտուտները զարգանան, և ինստիտուտների տված տեղեկատվության հիման վրա վերլուծություններ անենք։ Եկեք սպասենք :

Գլխավոր դատախազ Արթուր Դավթյանն էլ լրագրողների հետ զրույցում անդրադարձավ դեպքի քննությանը: Նա նշեց, որ դեպքի վերաբերյալ արդեն ապահովվել է որոշակի հրապարակայնություն. Այս պահին քննությամբ ձեռք բերված բավականաչափ տվյալներ վկայում են ինքնասպանության մասին: Ձեզ արդեն հայտնի է, որ ինքնասպանության հասցնելու հանցակազմի հատկանիշներով հարուցվել է քրեական գործ, բայց մահվան ելքով ցանկացած դեպքին բնորոշ բոլոր վարկածներն ամենայն խորությամբ ստուգվելու են :

Անվտանգության խորհրդի քարտուղար Արմեն Գրիգորյանն էլ հայտնեց, որ դեպքը բոլորի համար է ողբերգական. Բոլորիս համար ողբերագկան դեպք է, և դա քննարկելու հարց չէ: Կոչ կանեի, որ բոլորը զսպվածություն ցուցաբերեին, սա պատասխանատու պահ է :

Related news

Latest News
Hashtags:   

Բացառիկ

 | 

պարկեշտ

 | 

ազնվագույն

 | 

ունեցավ

 | 

նախկին

 | 

տնօրեն

 | 

Գեորգի

 | 

Կուտոյանի

 | 

հոգեհանգստի

 | 

արարողությունը

 | 
Most Popular (6 hours)

Most Popular (24 hours)

Most Popular (a week)

Sources