Wednesday 29 January 2020
Home      All news      Contact us      English
tert.am - 1 month ago

ԵՄ-ն այսօրվա դրությամբ Հայաստանում գործող որևէ ավիաընկերություն սև ցուցակում չի գցել. ստուգումներ են իրականացվելու. Տաթևիկ Ռևազյան

Եվրոպական միությունը այսօրվա դրությամբ որոշել է Հայաստանում գործող որևէ ավիաընկերություն չգցել սև ցուցակում: Այս խնդիրը մեկուկես տարվա խնդիր չէ, չի առաջացել վերջերս, պարզապես մեր ավիաընկերությունները հիմա են դիմել Եվրոպական միություն՝ չվերթներ իրականացնելու, և վերջիններս հիմա են եկել ու աուդիտ անցկացրել: Այս մասին լրագրողների հետ ճեպազրույցում հայտարարեց Քաղավիացիայի պետական կոմիտեի նախագահ Տաթևիկ Ռևազյանը՝ անդրադառնալով լուրերին, թե Եվրոպական հանձնաժողովն ուժեղացված հսկողություն է սահմանել Հայաստանի քաղավիացիայի պետական կոմիտեի նկատմամբ: Հարցին՝ արդյոք խնդիրն առաջացել է այն ժամանակ, երբ Տարոն Ավիա ավիաընկերությունը դիմել է Եվրոպական միությա՞նը, և վերջինիս սահմանած անվտանգության ստանդարտներին չի՞ համապատասխանել, Ռևազյանն ասաց. Իրականում, կարող է մի քիչ տարօրինակ բան ասեմ՝ ավելի լավ էր այսպես, որ Տարոն Ավիա -ն դիմեց, ԵՄ-ում նկատեցին խնդիրները, որ մենք կարողանանք այդ խնդիրները լուծել, հակառակ դեպքում կարող էր այսպես ևս 5-10 տարի շարունակվել, ինչը մեզ պետք չէ : Նա ընդգծեց, թե Տարոն Ավիա -ն փակել են՝ հենց անվտանգության խնդիրները հաշվի առնելով: Ռևազյանի խոսքով՝ ԵՄ-ն կարևորում է զարգացումը, դրա համար որոշել է այսօրվա դրությամբ որևէ ավիաընկերություն սև ցուցակի մեջ չգցել: Համագործակցությունը ԵՄ-ի հետ շատ լավ է, իրենք մեզ շատ են աջակցել, խորհուրդներ տվել: Մամուլում մեկնաբանությունը մի քիչ սխալ ուղղությամբ է գնացել. միջազգային մամուլում գրված է, որ 115 ավիաընկերություն սև ցուցակում է հայտնվել, բայց Հայաստանի հանդեպ հսկողությունն ավելացել է, այստեղ շեշտն այդ 115-ի վրա չեն դրել, այլ հենց Հայաստանի: Եղել է մամուլի խնդիրը, ոչ թե մեր ու ԵՄ-ի հետ կապված խնդիրները ,-նշեց Ռևազյանը: Մենք ԵՄ-ում շնորհանդես իրականացրինք, և այժմ գալու են՝ ստուգելու այն, ինչ ասել ենք, իրականությո՞ւն է, թե՞ ոչ: Մենք մեր բոլոր խնդիրներն ասել ենք, բայց միաժամանակ ներկայացրել ենք առաջարկվող լուծումներ և ժամկետներ: Այժմ պետք է այդ ժամկետներում տեղավորվենք և ցույց տանք պրոգրես: Հնարավոր է՝ ԵՄ-ից գնան ավիաընկերությունների մոտ: Մենք պետք է պատրաստ լինենք ,-ասաց Ռևազյանը՝ ընդգծելով, որ խնդիրների առաջացման համար պատճառ են դառնում նաև քաղավիացիայում աշխատավարձերի ցածր մակարդակները՝ համեմատած մասնավոր ընկերությունների հետ: Ռեսուրսների խնդիր է, երբ աշխատավարձերը շատ ցածր են, և մասնագետները մասնավոր ընկերություններում են աշխատում, շատ դժվար է հսկողությունն այն մակարդակի անել, որը պահանջվում է, դրա համար մենք շատ կոնկրետ քայլեր ենք ձեռնարկելու, որ օրենսդրական փոփոխություններ առաջարկենք, որպեսզի աշխատավարձերը կարողանանք բարձրացնել: Դա չենք նախատեսում անել պետբյուջեի հաշվին, այլ պետք է սկսենք գումարներ գանձել մեր ծառայությունների համար: Օրինակ՝ օդաչուների լիցենզիաների երկարաձգման համար, որն այս պահին իրականացվում է անվճար ,-ասաց Տաթևիկ Ռևազյանը: Վերջինս անդրադարձավ նաև տեղական ավիափոխադրող ունենալու հարցին՝ նշելով, որ Քաղավիացիայի կոմիտե դիմել է մեկ ավիաընկերություն, և այժմ ուսումնասիրություններ են իրականացվում: Եթե ամեն ինչ նորմալ անցնի, մենք կունենանք ազգային փոխադրող, որն ունենալու է 388 հազար նստատեղ ,-ասաց նա: Անդրադառնալով Գյումրու օդանավակայանին՝ Ռևազյանը նշեց, թե փաստ է, որ Գյումրիում երկրորդական օդանավակայան է, իսկ քաղաքը տուրիզմի առումով դեռ այնքան աշխույժ չէ, որ ավիաընկերությունները հերթով ցանկանան Գյումրիից թռչել, և պետք է տեղում զարգացնել տուրիզմը:

Related news

Latest News
Hashtags:   

այսօրվա

 | 

դրությամբ

 | 

Հայաստանում

 | 

գործող

 | 

ավիաընկերություն

 | 

ցուցակում

 | 

ստուգումներ

 | 

իրականացվելու

 | 

Տաթևիկ

 | 

Ռևազյան

 | 
Most Popular (6 hours)

Most Popular (24 hours)

Most Popular (a week)

Sources