Wednesday 29 January 2020
Home      All news      Contact us      English
tert.am - 1 month ago

Հնդկաստանում մահմեդական ուսանողների ու ոստիկանների միջև բախումների հետևանքով առնվազն 60 մարդ է տուժել (լուսանկարներ)

Հնդկաստանի մայրաքաղաք Նյու Դելիում իրավապահների և ուսանողների միջև լույս երկուշաբթի տեղի ունեցած բախումների հետևանքով վիրավորում է ստացել մոտ 60 մարդ, այդ թվում՝ ոստիկանության աշխատակիցներ, գրում է Hindustan Times պարբերականը: Տեղեկությունների համաձայն՝ Ջամիա Միլիա Իսլամիա համալսարանը, որտեղ հիմնականում մահմեդական ուսանողներ են սովորում, դարձել է քաղաքում տիրող անկարգությունների էպիկենտրոնը: Անցած երեք օրերի ընթացքում այս հաստատությունում քաղաքացիության վերաբերյալ օրենքում փոփոխություններ մտցնելու դեմ խաղաղ ցույցեր են անցկացվել: Անցած շաբաթվա վերջին պաշտոնապես ուժի մեջ մտած սկանդալային փոփոխությունները նախատեսում են Աֆղանստանի, Պակիստանի և Բանգլադեշի ոչ մահմեդական քաղաքացիներին իրենց երկրում ոտնձգությունների ենթարկվելու դեպքում առավել հեշտությամբ Հնդկաստանի քաղաքացիության ստացում: Օրենքն առաջացրել է հնդիկ մահմեդականների դժգոհությունը, որոնք կարծում են, որ փոփոխությունները խախտում են Սահմանադրությունը, քանի որ այն պաշտոնապես աշխարհիկ երկրում կրոնական հողի վրա ճնշում է որոշ քաղաքացիների: Հարցի շուրջ իրենց վրդովմունքն են հայտնել նաև երկրի հյուսիսարևելյան նահանգների բնակիչները, որոնք մտավախություն ունեն, որ Բանգլադեշից միլիոնավոր մարդիկ կարող են օրինական կարգով հաստատվել իրենց շրջաններում: Սա, ըստ բողոքի ակցիաների կազմակերպիչների, սպառնում է տեղի բնակչության շահերին: Տեղեկությունների համաձայն՝ կիրակի երեկոյան Նյու Դելիում մահմեդական ուսանողները սկսել են քարեր նետել տների վրա, հրկիզել տրանսպորտային միջոցները, փակել ճանապարհները և իրենց դասընկերներին հորդորել մասնակցել ոստիկանների հետ բախումներին: Իր հերթին, ոստիկանությունը ցուցարարներին ցրելու համար ռետինե մահակներ և արցունքաբեր գազ է կիրառել, ուսանողական ճամբարում գիշերային ժամերին ձերբակալել մոտ հարյուր մարդու, որոնցից շատերն արդեն ազատ են արձակվել: Անկայուն իրավիճակի պատճառով երկուշաբթի Նյու Դելիի հարավային թաղամասերի բոլոր ուսումնական հաստատությունները փակ կմնան: Քաղաքի այս հատվածում ոստիկանության և բանակի լրացուցիչ ստորաբաժանումներ են տեղակայված:

Related news

Latest News
Hashtags:   

Հնդկաստանում

 | 

մահմեդական

 | 

ուսանողների

 | 

ոստիկանների

 | 

բախումների

 | 

հետևանքով

 | 

առնվազն

 | 

տուժել

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources