Wednesday 22 January 2020
Home      All news      Contact us      English
tert.am - 1 month ago

2020-ի ապրիլից չվերթներ կիրականացվեն Երևանից Վիեննա և Վիլնյուս՝ տոմսի արժեքն սկսած 24.99 եվրոյից

Wizz Air բյուջետային ավիաընկերությունը 2020 թ. ապրիլից Երևանից չվերթներ կիրականացնի Վիեննա և Վիլնյուս՝ շաբաթական 2 անգամ: Այս մասին լրագրողների հետ հանդիպմանը հայտարարեց Wizz Air ընկերության կորպորատիվ համագործակցության ղեկավար Անդրաս Ռադոն: Նա նշեց, թե տոմսերի արժեքները լինելու են շատ ցածր՝ սկսած 24.99 եվրոյից: Միայն առցանց վաճառվող տոմսեր կլինեն, ի տարբերություն մյուս ավիաընկերությունների՝ եթե ուղևորներն ուղեբեռի կարիք չունենան, չեն վճարելու դրա համար ,-ասաց Ռադոն: Վերջինս ներկայացրեց ընկերության առավելությունները՝ նշելով, թե ներկայումս այն ունի 120 օդանավ, որոնց թիվը ցանկանում է հասցնել 300-ի, Հայաստանը ներառյալ՝ 153 օդանավակայան է սպասարկում: Մենք Եվրոպայի ամենականաչ ավիաընկերությունն ենք: Օդանավերի ածխաջրային արտանետումները 57.2 գրամ են՝ մեկ ուղևորի համար 1 կիլոմետրի հաշվարկով, և նպատակ ենք դրել նվազեցնել օդի աղտոտումը ,-ասաց Wizz Air ընկերության Կորպորատիվ համագործակցության ղեկավարը՝ ընդգծելով, թե նպատակ ունեն ընդլայնել ցանցն ու ավելացնել Հայաստանից մեկնման ուղղությունները: Քանի որ Հայաստանից Վիեննա չվերթ իրականացնում է նաև Ավստրիական ավիաընկերությունը, Ռադոն նշեց, թե կարևորում է այդ մրցակցությունը, որովհետև դրա արդյունքում կբարձրանա որակը, ինչը հօգուտ ուղևորի է: Քաղաքացիական ավիացիայի կոմիտեի նախագահ Տաթևիկ Ռևազյանը հայտարարեց, թե կոմիտեն հատուկ ոչինչ չի արել՝ ընկերությանը գրավելու համար: Փորձել ենք ավելի ճկուն լինել՝ օրենքը փոխելու և մեկնման հարկի հետ կապված, որովհետև եթե տոմսն արժենում է 25 եվրո, և 20 եվրո էլ վճարում են մեկնման հարկի համար, դա ավիաընկերության համար ընդունելի չէ ,-ասաց Ռևազյանը՝ ընդգծելով, թե Wizz Air ընկերությանը խրախուսում են նույն հիմքերով, ինչպես ցանկացած այլ ավիաընկերության, որը չվերթներ է իրականացնում Հայաստանում: Ռևազյանը նշեց նաև, թե սովորական պայմաններում որևէ ավիաընկերություն Հայաստան բերելու համար տարիներ են անհրաժեշտ, բայց Քաղավիացիայի կոմիտեն դա արել է բավականին կարճ ժամանակում:

Related news

Latest News
Hashtags:   

ապրիլից

 | 

չվերթներ

 | 

կիրականացվեն

 | 

Երևանից

 | 

Վիեննա

 | 

Վիլնյուս՝

 | 

տոմսի

 | 

արժեքն

 | 

սկսած

 | 

եվրոյից

 | 
Most Popular (6 hours)

Most Popular (24 hours)

Most Popular (a week)

Sources