Monday 20 January 2020
Home      All news      Contact us      English
tert.am - 1 month ago

Նիկոլն իր «հմուտ» խորհրդականների օգնությամբ միջազգային հանրությանը Ադրբեջանին մեկ անգամ ևս սանձազերծելու հնարավորություն է տալիս․ Արթուր Դանիելյան

Ադեկվատ միաբանության ղեկավար Արթուր Դանիելյանը ֆեյսբուքյան իր էջում գրառում է կատարել՝ նշելով, որ Փաշինյանն իր համաձայնությունը տվել ու լեգիտիմացրել է բանակցություններին այսպես կոչված Արցախի ադրբեջանական համայնքի ներգրավումը։ Գրառումը ներկայացնում ենք ստորև․ Ու նորից այն մասին, թե ինչ ունենք. հաստատված բանակցություններ, որոնց, ի հեճուկս Փաշինյանի խոստման, Արցախը չի մասնակցում: Արցախի մասնակցության դիմաց նույն Փաշինյանը համաձայնություն է տվել ու, ըստ էության, լեգիտիմացրել է, այսպես կոչված, Արցախի ադրբեջանական համայնքի ներգրավումը: Այս ամենը թաքցնելու համար թե Փաշինյանն անձամբ, թե ԱԳՆ-ն, թե օտարերկրյա գործակալական ցանցը մեծ ու ապարդյուն ջանքեր գործադրեցին: Այս ամենն արձանագրող անձանց հանդեպ վայրահաչոցը հիմնականում սահմանափակվում էր բա Սերժի վախտ խի չէիք... թեզով: Ու սա թերևս էս պահի կարևորգույն արձանագրումն է: Արձանագրում, որի հիման վրա է կառուցվում ողջ գործընթացը: Նախ ասեմ, որ բացարձակ էական չէ, թե ով, ինչ էր Սերժի վախտ ասում, ես օրինակ բազմիցս եմ քննադատել նրան ու էդ հողի վրա նույնիսկ մի պահ սատարել եմ Փաշինյանին: Ստեղ էականը նա է, որ քարոզիչները ասելու այլ բան չունեն: Նրանք փաստացի ֆիքսում են, որ անում են այն ամենը, ինչ անում էր Սերժը ու զարմանում են, որ իրենցից այլ բան են պահանջում ու չեն էլ հիշում իրենց խոստումների մասին: Ընդ որում, ամեն ինչ բարդանում է նաև նրանով, որ նրանք սկզբից մի շարք հիմարություններ են անում հետո նոր սկսում են փորձել անել այն, ինչ անում էր Սերժը: Մեծ առումով այլընտրանք չկա էլ: Կա Լևոն Տեր-Պետրոսյանի ճանապարհը, որը պոպուլիստի համար ինքնասպանություն է, ու կա Քոչարյան-Սարգսյան ճանապարհը, որը կայանում էր նրանում, որ ինչ ասես բանակցում էին, բայց փաստացի բան չէին անում: Սերժի հնարամտությունը կայանում էր նրանում, որ նա, զիջումներին համաձայնություն տալով, ոչ միայն բան չէր զիջում, այլ կարողանում էր ձեռքբերումներ գրանցել: Նման շատ կարևոր մի ձեռքբերում տեղի ունեցավ ապրիլյան պատերազմից հետո: Երբ պարտվելով մարտի դաշտում ադրբեջանցիք ստիպված եղան նաև պարտություն կրել դիվանագիտական դաշտում: Ապրիլյանից անմիջապես հետո Սերժ Սարգսյանը օրակարգ է բերում ՀՀ ու Արցախի միջև ռազմական դաշինքի կնքման հարցը: ԵԱՀԿ մինսկի խումբը սկսում է նրան համոզել, որ հետ կանգնի, նա հետ է կանգնում, բայց փոխարենը ստանում է Վիենայի ու Պետերբուրգի պայմանավորվածությունները, որոնց շնորհիվ հետագայում շփման գծում տեղադրվում են մշտադիտարկման սարքավորումները: Հենց այդ սարքավորումներն են պատճառը, որ մինչ օրս հակառակորդի բոլոր դիվերսիոն հարձակումները տապալվել են չսկսված: Սա բավականին պարզ երկքայլանի կոմբինացիա էր, որը էականորեն բարելավեց մեր անվտանգությունը: Սակայն պետք է հասկանանք, որ դա փաստացի պատժամիջոց էր ադրբեջանի կողմից տապալված ագրեսիայի համար: Պատժվեցին թե Ադրբեջանը և թե ԵԱՀԿ-ն, որը վերջին 30 տարին զբաղվում է նրանով, որ փորձում է մեզ զիջումներ պարտադրել միառժամանակ հայ ժողովրդի աչքերում տականքի համբավ ձեռք չբերելով: Երբ որ մենք առաջ բերեցինք ռազմական դաշինքի հարցը, մենք շատ լավ հասկանում էինք այդ հարցի բովանդակային խնդիրները ու մեր համար, ինչպես և Սերժի համար այն դիվանագիտական քայլ էր: Քանի որ Հայաստանում չկա իշխանություն, մեր նման խմբերը կարողանում են նույնիսկ արտաքին քաղաքական օրակարգ թելադրել ու վերջին օրերի իրադարձությունները դրա վառ ապացույցն են: Ընդ որում, մենք, ինչպես և Սերժը, այդ քայլը ձեռնարկելիս ուզում ենք պատժել թե Ադրբեջանին և թե իր մեջքին կանգնած միջազգային հանրությանը: Սերժը իրենց պատժում էր ապրիլյանի համար, մենք պատժում ենք Նիկոլի համար: Միջազգային հանրությունը պիտի շատ հստակ հասկանա, որ իրենց կողմից 2018-ի գարնանը Հայաստանում իրականացված հեղաշրջումը, իրենց քթներից է գալու: Նրանք կրելու են դիվանագիտական, քաղաքական և ֆինանսական կորուստներ: Հայաստանի քաղաքացիները արդեն սկսում են հասկանալ, թե ում ձեռքի գործն էր Նիկոլը , նրանք նաև սկսում են հասկանալ, թե որն էր դրա նպատակը: Ու հասկանալուն պես տասնամյակներով չեն մոռանա ու ձեռի հետ մի օր էլ կարող ա որոշեն վարկերը հետ չտան: Էս պահի դրությամբ իհարկե ամեն ինչ գնում է իրենց սցենարով: Նիկոլը իր հմուտ խորհրդականների օգնությամբ, հիմարությունը հիմարության հետևից դուրս տալով, միջազգային հանրությանը տալիս է առիթ ևս մեկ անգամ Ադրբեջանին սանձազերծել: Իրենց հաշվարկը պարզ է՝ ոչնչացնել Հայաստանի դիմադրողականությունը ներսից, արտոնել ագրեսիան, Ադրբեջանին տալ մի քանի շրջան, հետո խաղապահներ մտցնել, որ իրավիճակը վերահսկելի լինի: Ինձ սակայն թվում է, որ այստեղ նույնպես նրանք սխալվելու են: Ու եթե հիմա դաշինքի հարցն է օրակարգում, շուտով Արցախի անկախության ճանաչման հարցը նույնպես կմտնի օրակարգ: Որտև Նիկոլը էսօր կա, վաղը Կանադա տեղ մի տեղ ռակից ա բուժվելու, իսկ մենք կանք ու կմնանք: Այս ամենը գրում եմ ոչ միայն դեսպանատների համար, այլ նաև մեր քաղաքական ուժերի համար, որոնք իրանց արևին սպասում են տենան ինչ կլինի: Որ շատ սպասեք, տունն եք մնալու: Հ.Գ. իմ բոլոր ընկերներին ուզում եմ հիշեցնել, որ աշխարհի ամենա խիզախ կենդանին գառն է :

Related news

Latest News
Hashtags:   

Նիկոլն

 | 

հմուտ

 | 

խորհրդականների

 | 

օգնությամբ

 | 

միջազգային

 | 

հանրությանը

 | 

Ադրբեջանին

 | 

անգամ

 | 

սանձազերծելու

 | 

հնարավորություն

 | 

տալիս․

 | 

Արթուր

 | 

Դանիելյան

 | 
Most Popular (6 hours)

Most Popular (24 hours)

Most Popular (a week)

Sources