Saturday 18 January 2020
Home      All news      Contact us      English
tert.am - 1 month ago

Պետբյուջեից ֆինանսավորումը չկրճատելով՝ Հանրայինին գովազդի հնարավորություն տալը մրցակցային անբարենպաստ պայմաններ կստեղծի մյուս հեռուստաընկերությունների համար. Կարեն Քոչարյան

Եթե Հանրային հեռուստաընկերությանը կրկին հնարավորություն տրվի վճարովի գովազդ ցուցադրելու, և միաժամանակ այն պետական բյուջեից ստանա ֆինանսավորում, մրցակցային անբարենպաստ մթնոլորտ կստեղծվի մյուս՝ մասնավոր հեռուստաընկերությունների համար: Այս մասին Tert.am-ի հետ զրույցում ասաց մեդիափորձագետ Կարեն Քոչարյանը՝ անդրադառնալով ՀՀ արդարադատության նախարարության՝ օրերս շրջանառության մեջ դրված Հեռուստատեսության և ռադիոյի մասին ՀՀ օրենքում փոփոխություն և լրացումներ կատարելու մասին նախագծին, որով, ի թիվս այլոց, նախատեսվում է հնարավորություն տալ Հանրային հեռուստաընկերությանը՝ վճարովի գովազդ ցուցադրել: Երբ տարիներ առաջ հանեցին Հանրային հեռուստաընկերության՝ վճարովի գովազդ ցուցադրելու հնարավորությունը, ավելացավ բյուջեից ֆինանսավորումը՝ դառնալով շուրջ 6 միլիարդ դրամ: Այժմ, երբ ցանկանում են գովազդը վերադարձնել, ֆինանսավորումը նվազեցնու՞մ են, թե՞ ոչ: Եթե ֆինանսավորումը չի հանվել, գովազդը վերադարձնելու իմաստ պարզապես չկա ,-ասաց Քոչարյանը: Նա նշեց, որ երբ տարիներ առաջ Հանրայինից հանվում էր գովազդը, հիմնավորումներից մեկը ներկայացնում էին այն, թե Հանրային հեռուստաընկերությունը ստիպված է լինում ընկնել գովազդատուների հետևից, որպեսզի կարողանա իր ծախսերը հոգալ, իսկ Հանրայինը նման խնդիրներ չպետք է ունենա: Քոչարյանի խոսքով՝ մրցակցային խնդիրներ չէին առաջանա, եթե բյուջեից Հանրայինի ֆինանսավորումը կրճատվեր. այդ դեպքում յուրաքանչյուր հեռուստաընկերության խնդիրը կլիներ որակյալ ու ռեյտինգային հեռուստահաղորդում ստեղծելը, որպեսզի այն գրավեր գովազդատուին: Գովազդի արդյունավետությունը կախված է տվյալ պահին այս կամ այն հեռուստաընկերության վարկանիշային հաղորդումներից. եթե այդ պահին Հանրային հեռուստաընկերությունը վարկանիշային հաղորդումներ իրականացնի, այնտեղ գովազդ տեղադրելը, բնականաբար, կլինի արդյունավետ: Բայց եթե Հանրայինին բյուջեից շարունակվի տրամադրվել նույնքան ֆինանսավորում, և դրա հետ մեկտեղ կարողանա նաև գովազդներ ցուցադրել, այդ դեպքում Հանրայինը կունենա հնարավորություն ի սկզբանե մեծ բյուջեով պատրաստել ռեյտինգային հաղորդումներ, և հավելյալ գումար էլ ստանալ գովազդից ,-ամփոփեց Կարեն Քոչարյանը: Հիշեցնենք, որ նախագծի վերաբերյալ իրենց մտահոգություններն են հայտնել նաև մի շարք լրագրողական կազմակերպություններ, որոնց կարծիքով՝ այս նախաձեռնությունը ոչնչով չարդարացված քայլ է:

Related news

Latest News
Hashtags:   

Պետբյուջեից

 | 

ֆինանսավորումը

 | 

չկրճատելով՝

 | 

Հանրայինին

 | 

գովազդի

 | 

հնարավորություն

 | 

մրցակցային

 | 

անբարենպաստ

 | 

պայմաններ

 | 

կստեղծի

 | 

մյուս

 | 

հեռուստաընկերությունների

 | 

համար

 | 

Կարեն

 | 

Քոչարյան

 | 
Most Popular (6 hours)

Most Popular (24 hours)

Most Popular (a week)

Sources