Friday 24 January 2020
Home      All news      Contact us      English
tert.am - 1 month ago

Իշխանությունները բանակցային գործընթացը քաոսի են վերածել, հատված են «կարմիր գծեր», ահավոր հարված է հասցված Արցախի ինքնորոշման իրավունքին, պատասխանատվության պահը գալու է. Կարեն Բեքարյան (տեսանյութ)

Այն, ինչ այսօր ունենք Արցախի հիմնախնդրի բանակցություններում միտումի, տգիտության, կամ հիվանդության արդյունք է, ինչից ելքը, սակայն, որևէ կերպ չի փոխվում: Արցախի հարցում կարմիր գծեր են հատվել, ոչ թե հատվելու են, կարող են հատվել, այլ արդեն հատվել են: Այս մասին այսօր Ադեկվադ դիսկուրս կլոր սեղան քննարկման ժամանակ ասաց քաղաքական վերլուծաբան Կարեն Բեքարյանը:

Բանախոսի խոսքով՝ երբ օգտագործում են իշխանություն եզրույթը, այստեղ մի պետք է հասկանանք, թե ինչի հետ գործ ունենք. Մենք արդյո՞ք գործ ունենք ինստիտուցիոնալ էլեմենտի հետ, դասական էլեմենտի հետ: Հավատացեք ոչ մեկի հետ էլ գործ չունենք, մենք գործ ունենք մեկ անձի քմահաճույքի հետ և այդ քմահաճույքի անորակ ապահովման գործընթացի հետ, ինստիտուտների հետ, որոնք անգործության են մատնված ու մատնվում ամեն ժամվա կտրվածքով :

Անդրադառնալով վարչապետի հայտարարությանը, թե պետական համակարգը դիմադրում է հեղափոխությանը և ինքն այն կջարդի, Կարեն Բեքարյանն ասաց, որ պետական կառավարման համակարգը վարչապետի կողմից հայտարարված է հակահեղափոխական. Ուշադիր՝ պետական կառավարման համակարգը, որի վրա ինքն ունեցել է լիակատար ազատություն, կադրային բոլոր փոխակերպումներն ու փոփոխություններն արված են, բայց այս պարագայում վարչապետն իր՝ պետական կառավարման համակարգը հայտարարել է հակահեղափոխական : Խոսելով ղարաբաղյան խնդրի հարցում հատված կարմիր գծերի մասին՝ Կարեն Բեքարյան ասաց հետևյալը. Կարմիր գիծ առաջին. ահավոր հարված՝ Ղարաբաղի ինքնորոշման իրավունքին, դրա ընկալմանը իրացման գործընթացին: Հարվածի ուղղակի օրինակները հետևյալն են. պետք է լինի այնպիսի լուծում, որն ընդունելի լինի Հայաստանի, Ադրբեջանի և Ղարաբաղի ժողովուրդների համար, բայց իրավունքը ճաշակի դաշտում չէ: Ոչ մեկն Արցախի ինքնորոշման իրավունքի դնելու քննարկման՝ Ադրբեջանի ճաշակո՞վ է, թե ոչ, նրա համար ընկալելի՞ է, թե ոչ, նրա համար ընդունելի՞ է, թե ոչ :

Վերլուծաբանի խոսքով՝ եթե մենք այս թեզը սարքում ենք բանաձև, ապա ադրբեջանական կողմը հենց այս տեքստն է դարձնում դրոշակ և ստացվում է, որ հենց հայկական կողը տորպեդահարում է Արցախի ինքնորոշման իրավունքն իր բոլոր հնարավոր ձևակերպումներով:

Երբ դու Արցախում՝ Վերածննդի հրապարակում, հայտարարում ես, որ Արցախը Հայաստան է և վերջ, դու ոտնահարում ես Արցախի սուբյեկտայնությունը, ինքնորոշման իրավունքը, որի երաշխավորն ես ինքդ, դու դա ոտնահարում ես, երբ ասում ես՝ Արցախի կարգավիճակի հարցը պետք է լուծեն Մինսկի խմբի համանախագահ երկրները, անկախ նրանից, որ ԱԳՆ-ում մի խելոք մարդ գտնվում է ու այդ տեքստը սրբագրում է սեփական հանրությանը խաբելու համար, դու դրանով հարված ես հասցնում Արցախի սուբյեկտայնությանն ու իրավունքին, Արցախի ճակատագրի որոշողն Արցախն է ,- ասաց Կարեն Բեքարյանը:

Քաղաքական վերլուծաբանը ուշադրություն հրավիրեց ՌԴ արտգործնախարար Սերգեյ Լավրովի և Ադրբեջանի իշխանություն շատ դրական հանդիպման վրա. Բանակցային օրվան նախորդող օրը Ադրբեջանը հրապարակում է փաստաթուղթ կարմիր գծերի վերաբերյալ: Հիմա պարզ հարց եմ տալիս. չունենք 25 տարբերակ, ունենք հնարավոր երկու տարբերակ. տեղեկացվա՞ծ էր ՌԴ-ն, թե՞ տեղեկացված չէր: Հիմա, եթե տեղեկացված էր, ապա մենք հասկանում ենք, թե հայ-ռուսական հարաբերություններում մենք ուր ենք հասել: Եթե տեղեկացված չէ, ո՞ւր է ռուսական արձագանքը՝ որպես միջնորդություն իրականացնող երկիր, և ո՞ւր է համանախագահների արձագանքը այս ցինիկ քայլին: Հիմա այդ արձագանքի չլինելը չի՞ հուշում, որ էլի կարմիր գիծ է հատված : Կարեն Բեքարյանի խոսքով՝ բանակցային գործընթացը վերածված է քաոսի: Ըստ նրա, պարզ չէ, թե ինչ պետք է անի ՀՀ որևէ դեսպան, երբ ՀՀ ղեկավարությունն իր հայտարարություններում անում է ձևակերպումներ ինչպիսիք են՝ Արցախը պետք է վերադառնա բանակցային սեղան , Արցախը Հայաստան է և վերջ , դեմ չենք համայնքային քննարկմանը ։

Այսինքն, այդ մարդն ի՞նչ պետք է անի, լավագույնը պետք է մատնվի անգործության, սեփական դիվանագիտական կորպուսդ, եթե մատնում ես անգործության, կարմիր գիծ հատվո՞ւմ, թե չի հատվում: Եթե բանակին առնչվող խնդիրներում տարաբնույթ տխմարություններ կան, որոնց մի մասը՝ ուշադրություն շեղելու համար է, մի մասը բարոյահոգեբանական ոգին է ջարդում, այս գործողությունները դու անում ես, սա կարմիր գծի հատո՞ւմ է, թե՞ ոչ: Այնտեղ քո դիվանագիտական կորպուսն է հայտնվում կոլափսի առաջ, այստեղ այդ բանակը հայտնվում է կոլափսի առաջ, հիմա եթե սրանք կարմիր գծեր չեն, սրանք ի՞նչ են , հարցադրում արեց վերլուծաբանը: Ինչ վերաբերում է անելիքներին, Կարեն Բեքարյանն ասաց, որ, երևի, պետք կարողանալ որոշ դերակատարների հուշել, որ իքս պահը լինելու է պատասխանատվության և այդ ժամանակ այլևս չեն կարող ասել, թե իրենք խորհրդարանական ուժ էին, բայց իշխանություն չէին, ի՞նչ անեին:

Ուղերձս խորհրդարանական ուժերին, Արցախում մեր գործընկերներին, Արցախի իշխանությանը. որքան էլ ժամանակը նախընտրական է, գործող իշխանությունը մինչև նոր իշխանության գալը կրում է պատասխանատվություն, և եթե մենք չենք արձագանքում որևէ կերպ, որ Հայաստանն ու Արցախը միակարծիք են բոլոր հարցերում, ինձ համար զարմանալի է ... Մեր դերակատարները պատկերացում ունե՞ն, որ իրենք պատասխանատվության բաժին ունեն: Եթե չկա այս պատկերացումը, ուրեմն դուռը պետք է ծեծել ու այդ պատկերացումը տեղ հասցնել ,-ասաց Բեքարյանը:



Related news

Latest News
Hashtags:   

Իշխանությունները

 | 

բանակցային

 | 

գործընթացը

 | 

քաոսի

 | 

վերածել

 | 

հատված

 | 

կարմիր

 | 

ահավոր

 | 

հարված

 | 

հասցված

 | 

Արցախի

 | 

ինքնորոշման

 | 

իրավունքին

 | 

պատասխանատվության

 | 

գալու

 | 

Կարեն

 | 

Բեքարյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources