Wednesday 29 January 2020
Home      All news      Contact us      English
tert.am - 2 month ago

Ադրբեջանը բանակցային գործընթացը սպառելու և պատերազմի լեգիտիմ հիմքեր ստեղծելու համար կոնկրետ քայլերի է գնում․մեր  իշխանությունն իրավիճակը սթափ չի գնահատում, չունի ռազմավարություն․Ա. Ղազինյան (տեսանութ)

Արցախի հիմնահարցում քաղաքացիների կողմից տագնապ կա, որի հիմքը եղել է Հայաստանի նոր իշխանությունների վերջին մեկ ու կես տարիների չունեցած ռազմավարությունը։ Այս մասին այսօր Ադեկվադ միաբանության կազմակերպած Ադեկվադ դիսկուրս կլոր սեղան-քննարկման ժամանակ ասաց Մեկ Հայաստան կուսակցության նախագահ Արթուր Ղազինյանը։

Ադրբեջանը 1994 թվականից մինչև հիմա Հայաստանին սպառելու քաղաքականություն է վարում։ Ներկայումս անցել է դրա կուլմինացիոն կողմին՝ սպառել բանակցային գործընթացը ,- ասաց նա և հիշեցրեց, որ Բրատիսլավայում Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումից առաջ, Ռուսաստանի արտգործնախարարի Հայաստան և Ադրբեջան այցերից հետո որոշակի գիծ նշմարվեց, երբ Ադրբեջանը հրապարակեց Արցախի հիմնախնդրի վերաբերյալ իր դիրքորոշումը, ինչից պարզ դարձավ, որ Ադրբեջանը կարմիր գծեր է անցնում։

Դա հուշագիր էր, իրականում վերջնագրի տեսքով, որին Հայաստանը պետք է անմիջապես արձագանքեր, չէր կարելի այդ վերջնագրի հրապարակումից հետո բանակցություններ շարունակել։ Եթե այդ կարմիր գիծը կար, ապա իշխանությունը շատ արագ իր կարմիր գիծը պետք է սահմաներ, որ ցույց տար Հայաստանի և Արցախի հետ վերջնագրի լեզվով խոսել ուղղակի հնարավոր չէ, քանի որ դա ազգային արժանապատվության խնդիր է, մինչդեռ այսօրվա իշխանության մոտ ազգային արժանապատվության նշաձողը սահմանված է շեյխերի՝ ջինսերով քաղաքապետարան մտնելով ,- նշեց Արթուր Ղազինյանը։

Նա նշեց, որ բանակցային գործընթացը սպառելու և պատերազմի լեգիտիմ հիմքեր ստեղծելու համար Ադրբեջանը կոնկրետ քայլերի է գնում, իսկ մեր իշխանությունը, ըստ նրա, իրավիճակը այդքան էլ սթափ չի գնահատում, և կոնկրետ քայլեր չի իրականացվում։ Նա նաև նշեց, որ անհանգստացնող է Հայաստանը վերջնագրերի լեզվով չի խոսում։ Ինչո՞ւ մենք կարմիր գիծ չունենք, ինչո՞ւ Հայաստանը չի հայտարարում, որ Արցախը Ադրբեջանի կազմում երբեք չի լինելու, որ հասկանանք՝ այս առումով ապահով ենք ,- ասաց նա և հավելեց, որ Հայաստանն այս հարցում չունի ռազմավարություն, ինչը հանգեցնում է սխալների, ինչպես օրինակ՝ իրարամերժ հայտարարությունները Արցախի վերաբերյալ։

Արթուր Ղազինյանը նաև սխալ համարեց բանակցություններին, այսպես կոչված, Արցախի ադրբեջանական համայնքի մասնակցության մասին ՀՀ ղեկավարության հայտարարությունները։ Նա նշեց, որ Հայաստանի ղեկավարը նման հայտարարությունով Ադրբեջանին հնարավորություն տվեց օրինական դաշտում խոսել այդ պահանջի մասին։



Related news

Latest News
Hashtags:   

Ադրբեջանը

 | 

բանակցային

 | 

գործընթացը

 | 

սպառելու

 | 

պատերազմի

 | 

լեգիտիմ

 | 

հիմքեր

 | 

ստեղծելու

 | 

համար

 | 

կոնկրետ

 | 

քայլերի

 | 

գնում․մեր 

 | 

իշխանությունն

 | 

իրավիճակը

 | 

գնահատում

 | 

չունի

 | 

ռազմավարություն․Ա

 | 

Ղազինյան

 | 

տեսանութ

 | 
Most Popular (6 hours)

Most Popular (24 hours)

Most Popular (a week)

Sources