Monday 20 January 2020
Home      All news      Contact us      English
tert.am - 1 month ago

Ֆրանսիայում երկաթուղային աշխատակիցներին կոչ են արել տոների ընթացքում դադարեցնել բողոքի ցույցերը, որպեսզի բնակիչները կարողանան այցելել իրենց հարազատներին

Ֆրանսիական երկաթուղիների ազգային ընկերության (SNCF) ղեկավար Ժան-Պիեռ Ֆարանդուն կոչ է արել կենսաթոշակային բարեփոխումների դեմ ցույցեր անցկացնող երկաթուղային աշխատողներին տոների ժամանակ դադար վերցնել , որպեսզի բնակիչները հնարավորություն ունենան Սուրբ Ծննդին այցելելու միմյանց, գրում է Figaro ամսագիրը: Դեկտեմբերի 5-ից Ֆրանսիայում տեղի են ունենում համազգային բողոքի ցույցեր՝ կառավարության կողմից հայտարարված կենսաթոշակային բարեփոխումների դեմ, որի արդյունքում որոշ ֆրանսիացիներ, այդ թվում նաև տրանսպորտի ոլորտի աշխատակիցներ կարող են մի շարք արտոնություններից և թոշակի գնալու հատուկ պայմաններից զրկվել: Չորեքշաբթի վարչապետ Էդուար Ֆիլիպը ներկայացրել է բարեփոխումների դրույթները՝ նշելով, որ հաջորդ տարվա փետրվարին համապատասխան օրինագիծը կներկայացվի խորհրդարանի քննարկմանը: Տոնական այդ ժամանակահատվածը կարևոր պահ է ընտանիքի հետ հանդիպման համար: Հաջորդ չորեքշաբթի (սուրբծննդյան արձակուրդների սկիզբը) մեր համաքաղաքացիներից շատերը կցանկանան այցելել իրենց ծնողներին, երեխաներին, ընկերներին: Ինչպես և ամեն տարի, այս տարի նույնպես միլիոնավոր մարդիկ ցանկություն կհայտնեն մեկնել գնացքով: Ուստի ես դիմում եմ բոլոր երկաթուղային աշխատողներին և արհմիութենական կազմակերպություններին կոչ անելով այդ ընթացքում միավորվել հանուն Ֆրանսիայի քաղաքացիների: Խնդրում եմ երկրում բնակիչների տեղաշարժը ապահովողներին մտածել տոների ընթացքում ցույցերը դադարեցնելու մասին ,- հայտարարել է Ֆարանդուն: Ինչպես ավելի վաղ հայտնել էր Tert.am-ը, կենսաթոշակային բարեփոխումների դեմ Ֆրանսիայի արհմիությունների գործադուլի պատճառով դեկտեմբերի 5-ին նույնիսկ Փարիզի այցեքարտը համարվող Էյֆելյան աշտարակն էր փակվել:

Related news

Latest News
Hashtags:   

Ֆրանսիայում

 | 

երկաթուղային

 | 

աշխատակիցներին

 | 

տոների

 | 

ընթացքում

 | 

դադարեցնել

 | 

բողոքի

 | 

ցույցերը

 | 

որպեսզի

 | 

բնակիչները

 | 

կարողանան

 | 

այցելել

 | 

իրենց

 | 

հարազատներին

 | 
Most Popular (6 hours)

Most Popular (24 hours)

Most Popular (a week)

Sources