Wednesday 22 January 2020
Home      All news      Contact us      English
tert.am - 1 month ago

Խաչատուր Սուքիասյանը Սերժ Սարգսյանի հետ մի կտոր հաց կերած կա՞, որ գնահատական է տալիս նրա լավ կամ վատ ընկեր լինելուն. կգա ժամանակը, կիմանանք, լավ ընկեր, ղեկավար է եղե՞լ, թե՞ ոչ. Ռ. Հայրապետյան

Ես չեմ կարծում, որ Խաչատուր Սուքիասյանի հետ կապված ճնշումներ են եղել առաջին նախագահ Լևոն Տեր-Պետրոսյանի համար, քանի որ, ինչքան գիտեմ, հարկային ստուգումներ են եղել, հիմա նույն հաջողությամբ ստուգում են Բջնի գործարանը, ես ասեմ՝ Սերժ Սարգսյանի համա՞ր են ճնշումներ գործադրվում գործարանի վրա, պահանջ կա ստուգում են, թող ստուգեն: Այս մասին Պրեսինգ հաղորդման ժամանակ ասաց ՀՖՖ նախկին նախագահ, ԱԺ նախկին պատգամավոր Ռուբեն Հայրապետյանը՝ անդրադառնալով գործարար Խաչատուր Սուքիասյանի հայտարարությանը, թե Բջնի գործարանն իրենից խլվել է ապօրինի:

Ռուբեն Հայրապետյանը հավաստիացրեց, որ այսօրվա խուզարկությունը չի վերաբերվել Բջնի գործարանին: Ես պահել եմ այն բոլոր տեսանյութերն ու լուսանկարները, թե ինչ ձևով ենք 2010-ին այդ գործարանը գնել, բացի դրանից՝ Խաչատուր Սուքիասյանն անընդհատ ասում է՝ իրեն ճնշել են, խլել են գործարանը, բայց այդ հայտարարությանը պետք է մի օր վերջ տալ ,- ասաց նա և ցույց տվեց հարկային մարմիններից ստացված երկու փաստաթուղթ:

Այդ փաստաթղթից երևում էր, թե Բջնի գործարանն ստեղծման պահից 12 տարիների ընթացքում ինչքան հարկ է վճարել պետությանը: 1996-2000 թվականներին ընկերությունը վճարել էր 0 դրամ հարկ: Եթե ուշադրություն դարձնեք, 2008 թվականին են ամենամեծ հարկը տվել՝ 420 մլն դրամ, այն պատճառով, որ փետրվար ամսից ստուգում է եղել գործարանում և ստիպված են եղել մուծել: Այս անօրինակության դեպքում պետությունն ակտեր պետք է գրե՞ր, թե ոչ ,- ասաց նա և հավելեց, որ 12 տարվա ընթացքում 917 մլն դրամ հարկ է ընդամենը վճարել այդ ընկերությունը:

Հայրապետյանը ցույց տվեց հարկային մարմիներից ստացված այլ փաստաթուղթ, որով արդեն երևում էր, թե որքան հարկ է վճարել Բջնի գործարանն իր գնելուց հետո: Միայն անցած տարի այնքան հարկ են վճարել, ինչքան որ նրանք 12 տարում 3 մլրդ 661 մլն դրամ՝ 9 տարում ,- ասաց նա:

Հարցին՝ իր հետ կապնվե՞լ է Սուքիասյանը, որ հրաժարվեն գործարանից, Հայրապետյանը պատասխանեց. Խաչատուր Սուքիասյանին և Ռուբեն Հայրապետյանին բոլորը գիտեն. նա ո՞նց կարող էր կապնվել ընդհանրապես ինձ հետ, որ ես զիջեմ: Ես դեռ 2010-ին ասել եմ, եթե իրենք գտնում են, որ ես իրենցից խլել եմ, ես պատրաստ եմ, հենց հիմա իմ տված փողը տան, հետ տամ իրենց: Հիմա արդեն ուրիշ բան եմ ասում, եթե ես կվաճառեմ այդ գործարանը ուրիշ մարդու 10 մլն պակասով, ապա իրենց մեկ մլրդ դոլարով, այսինքն ուզում եմ ասել՝ իրեն երբեք: Խաչատուր Սուքիասյանը կարող է գեղեցիկ-գեղեցիկ խոսել, տղամարդ թող լինի, իր միակ տղայի հարսանիքի զարդարելու փողերը տանի տա, ինձ համար զզվելի է, որ ես իր մասին խոսեմ : Հարցին էլ՝ Խաչատուր Սուքիասյանն ասել է, թե Սերժ Սարգսյանը վատ ընկեր է, նա ի՞նչ կասի, ինչպիսի ընկեր է երրորդ նախագահը, նա պատասխանեց. Մարդկանց թվում է, թե բոլորի հիշողությունը կարճ է, ինչպես կարճատեսի տեսողությունը: Ամեն ինչ մարդիկ հիշում ու տեսնում են: Ինքը չի հասկանում՝ ընկեր հասկացությունն ինչ է, ես ուզում եմ իմանալ, Երևան քաղաքում իր ընկերն ո՞վ է: Սերժ Սարգսյանին մեղադրում են հազար ու մի բանի մեջ, բայց նրան վատ ընկեր լինելու մեջ մեղադրելը ծիծաղելի է: Ես հպարտանում եմ, որ երբևիցե համարվել կամ համարվում եմ Սերժ Սարգսյանի ընկերը ,- ասաց նա:

Հայրապետյանը նշեց, որ իր համար և ցանկացած նորմալ տղամարդու համար պատիվ է Սերժ Սարգսյանի հետ շփվելը: Խաչատուր Սուքիասյանը երբևէ Սերժ Սարգսյանի հետ մի կտոր հաց կերած կա՞, որ գնահատական է տալիս Սերժ Սարգսյանի լավ կամ վատ ընկեր լինելու վերաբերյալ, ծիծաղելի է: Կգա ժամանակը, կիմանանք, թե Սերժ Սարգսյանը, որպես քաղաքական գործիչ, որպես ռազմական գործիչ, որպես մարդ լավ ընկեր է եղե՞լ, թե՞ոչ, լավ ղեկավար է եղե՞լ, թե՞ ոչ: Կգա ժամանակը և կիմանանք, որ հեղինակություն ունեցող ղեկավարն այս երկրում առհասարակ ով է եղել: Ինձնից լավ շատ քիչ մարդիկ գիտեն Սերժ Սարգսյանին, իր հայրենիքը, երկիրը, իր շրջապատն ու, ամենակարևորը, իր ժողովրդին ինչ ձև էր սիրում ,- ասաց նա:

Related news

Latest News
Hashtags:   

Խաչատուր

 | 

Սուքիասյանը

 | 

Սարգսյանի

 | 

կերած

 | 

գնահատական

 | 

տալիս

 | 

ընկեր

 | 

լինելուն

 | 

ժամանակը

 | 

կիմանանք

 | 

ընկեր

 | 

ղեկավար

 | 

եղե՞լ

 | 

Հայրապետյան

 | 
Most Popular (6 hours)

Most Popular (24 hours)

Most Popular (a week)

Sources