Thursday 23 January 2020
Home      All news      Contact us      English
tert.am - 1 month ago

ԱՄՆ-ի ու Թուրքիայի միջև մեծ կռիվ է գնում, որի մեջ մեր խնդիրներն առաջ ենք տանում և շահում. Էդմոն Մարուքյանը՝ ԱՄՆ Սենատի կողմից Հայոց ցեղասպանության ճանաչման մասին

Հայոց ցեղասպանության՝ առաջադեմ երկրների կողմից ընդունումն իր ազդեցությունն է ունենում Թուրքիայում կարծիքի ձևավորման վրա, և թուրքական հասարակությունում սկսում են առաջ գալ քննարկումներ ու բանավեճեր: Այս մասին լրագրողների հետ ճեպազրույցում հայտարարեց ԱԺ Լուսավոր Հայաստան խմբակցության ղեկավար Էդմոն Մարուքյանը՝ անդրադառնալով ԱՄՆ Սենատի կողմից Հայոց ցեղասպանությունը ճանաչող բանաձևի ընդունմանը: Բոլոր նախկին փորձերը հանձնաժողովից այն կողմ չեն անցել և վիժեցվել են, այս առումով շատ կարևոր է, որ ԱՄՆ օրենսդիր մարմինն ամբողջությամբ ճանաչել և դատապարտել է Հայոց ցեղասպանությունը ,-ասաց Մարուքյանը՝ ընդգծելով, թե այժմ մնում է, որ ԱՄՆ գործադիր իշխանությունը հետևի օրենսդիր իշխանության կամքին: Դա, կարծում եմ, ժամանակի հարց է, բայց ԱՄՆ Սենատի կողմից բանաձևի ընդունումը շատ կարևոր խթան կարող է հանդիսանալ աշխարհի մյուս երկրներում, տարբեր պառլամենտներում սկսված և դեռևս ավարտին չհասցված նմանատիպ բանաձևերի ընդունման գործին ,-ասաց պատգամավորը՝ նշելով նաև, թե բանաձևի ընդունման հետևանքը միանշանակ քաղաքական է: Անդրադառնալով հարցին, թե ԱՄՆ նախագահի ընտրությունների մոտենալը կարո՞ղ է պատճառ հանդիսանալ, որ նախագահ Դոնալդ Թրամփն օգտագործի ցեղասպանություն եզրույթը, Մարուքյանն ասաց. Թրամփն այն նախագահն է, որը երբեք չի խոսել Հայոց ցեղասպանությունը ճանաչելու մասին, բայց նրա օրոք ԱՄՆ Կոնգրեսը ճանաչել է Հայոց ցեղասպանությունը. սա հետաքրքիր հանգամանք է, իսկ նախագահի մնացած թեկնածուների հայտարարությունները, որոնք խոստանում են, թե կընդունեն Հայոց ցեղասպանությունը և կճանաչեն, այլևս այնքան էլ զորեղ չեն, որքան ժամանակին էին : Պատգամավորը նշեց նաև, թե բանաձևի ընդունման համար կարևոր էին նաև ԱՄՆ-Թուրքիա հարաբերություններն ու վերջինիս պահվածքը: Նաև Թուրքիայի պահվածքով են պայմանավորված մեր հաջողություններն ԱՄՆ Կոնգրեսում: Մեծ կռիվ է գնում, որի մեջ մեր խնդիրներն առաջ ենք տանում և, բնականաբար, շահում ենք ,-ասաց Էդմոն Մարուքյանը:

Related news

Latest News
Hashtags:   

Թուրքիայի

 | 

գնում

 | 

խնդիրներն

 | 

տանում

 | 

շահում

 | 

Էդմոն

 | 

Մարուքյանը՝

 | 

Սենատի

 | 

կողմից

 | 

Հայոց

 | 

ցեղասպանության

 | 

ճանաչման

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources