Wednesday 29 January 2020
Home      All news      Contact us      English
tert.am - 2 month ago

Հայաստանի դեմ հարձակման պլանի հրապարակումը Թուրքիայում ներքին պայքարի արգասիքներ է . Կարեն Վրթանեսյան (տեսանյութ)

Անվտանգության գործոն հաղորդման հեղինակ Արման Սաղաթելյանի հյուրն է Ռազմինֆո մասնագիտացված կայքի համակարգող Կարեն Վրթանեսյանը: Հաղորդման շրջանակներում նրանք զրուցել են 2001-ին Թուրքիայի կողմից Հայաստանի դեմ պլանավորված ավիահարձակման մասին, որը կրելու էր Ալթայ անվանումը: Արման Սաղաթելյանի խոսքով՝ նոյեմբերի վերջին՝ մասնավորապես նոյեմբերի 28-ին, լրատվամիջոցներում հայտնվեց շվեդական Nordic Monitor կայքից մի տեղեկություն, որն, ըստ էության թարգմանություն էր Թուրքիայի Գլխավոր շտաբի ներքին նամակագրությունից՝ համաձայն որի Թուրքիան նախապատրաստում էր խոշոր ավիահարձակում իրականացնել Հայաստանի վրա։ Լրատվամիջոցներում, սոցկայքերում և որոշ փորձագիտական շրջանակներում անմիջապես քննարկում սկսվեց սրա վերաբերյալ, բայց որևէ պաշտոնական արձագանք այս թեմայի շուրջ ես չնկատեցի: Չգիտեմ՝ դրանք եղան, թե ոչ, բայց հարցերը բազմաթիվ են, արդյոք սա իրական փաստաթո՞ւղթ էր, թե ոչ, ինչո՞ւ հիմա հայտնվեց այս ինֆորմացիան և ինչո՞ւ է դա վերաբերում հիմնականում Ապրիլյան պատերազմի ժամանակաշրջանին ,-ասաց Սաղաթելյանը։ Վրթանեսյանի կարծիքով՝ աղբյուրը Ֆաթուլա Գյուլենի շարժման լրատվամիջոցներից մեկի նախկին խմբագրի ստեղծած կայքն էր: Նրա խոսքով՝ Շվեդիան այստեղ կապ չունի, դա թուրք ընդդիմադիր խմբավորման ինչ-որ հարթակ է, որտեղ կան նաև ադրբեջանցի ընդդիմադիրներ Մեյդան TV-ից: Գյուլենականները հայտնի են նման արտահոսքերով, այսինքն՝ ժամանակին, երբ սկսել էին պայքարն Էրդողանի դեմ, նրանք գաղտնալսում էին հրապարակել, մինչև այդ էլ, երբ պայքարում էին ազգայնականների դեմ, անընդհատ ինչ-որ գաղտնալսումներ, ինչ-որ տեսագրություններ էին դուրս գալիս, ինչժոր փաստաթղթերի արտահոսքներ էին լինում, որոնցով խփում էին իրենց հակառակորդներին: ժամանակին իրենք շատ ուժեղ դիրքեր են ունեցել ոստիկանությունում, դատախազությունում և ենթադրում եմ՝ չարաշահելով իրենց այդ պաշտոնները, ստացել են գաղտնի փաստաթղթեր, որոնք հետո օգտագործել են քաղաքական պայքարում ,-ասաց նա՝ հավելելով, որ Հայաստանն այս պատնության մեջ որևէ դեր չունի, սա Թուրքիայի ներքին պայքարի արգասիքն է։ Բանախոսը նշեց, որ բուն փաստաթուղթը 2001-ի փաստաթուղթ է ՝ Հայաստանի դեմ ռազմական գործողություններ վարելու մասին, և այն ենթադրում էր և՛ ցամաքային, և՛ օդային հարձակման կոմպոնենտ ,- ասաց նա: Վրթանեսյանի կարծիքով՝ այս փաստաթուղթը դեռ չի նշանակում, որ 2001 թվականին Թուրքիան իրոք պատրաստվում էր հարձակվել Հայաստանի վրա, պարզապես ռազմական ոլորտում ընդունված է, որ ցանկացած երկրի գլխավոր շտաբ ունենա փաթեթներ՝ իր բոլոր հարևաների դեմ հարձակվելու, նաև հարևանի կողմից հարձակվելուց պաշտպանվելու համար։ Մանրամասները՝ տեսանյութում:

Related news

Latest News
Hashtags:   

Հայաստանի

 | 

հարձակման

 | 

պլանի

 | 

հրապարակումը

 | 

Թուրքիայում

 | 

ներքին

 | 

պայքարի

 | 

արգասիքներ

 | 

Կարեն

 | 

Վրթանեսյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources