Sunday 26 January 2020
Home      All news      Contact us      English
tert.am - 2 month ago

Ադրբեջանում խոսքի ազատության պաշտպանության առումով որևէ առաջընթաց չի գրանցվել. հրապարակվել է ԵԽ մարդու իրավունքների հանձնակատար զեկույցը

Եվրոպայի խորհրդի մարդու իրավունքների հանձնակատար Դունյա Միյատովիչը ներկայացրել է Ադրբեջանի վերաբերյալ իր զեկույցը, որը կազմել է 2019-ի հուլիսի 8-12-ը երկիր կատարած այցի արդյունքում:

Հանձնակատարն ափսոսանքով նկատում է, որ Ադրբեջանում խոսքի ազատության պաշտպանության առումով որևէ առաջընթաց չի գրանցվել: Նա մտահոգություն է հայտնել ադրբեջանական լրատվամիջոցներում բազմակարծության բացակայության, ինչպես նաև մամուլի ազատությանը կամայական միջամտությունների համար:

Միյատովիչը նկատում է, որ խոսքի ազատության սահմանափակումների հարցը բարձրացվել է 2018-ի մայիսին՝ Համընդհանուր պարբերական վերանայման ժամանակ, որի ընթացքում անդրադարձ է կատարվում ՄԱԿ-ի բոլոր երկրներում մարդու իրավունքների հետ կապված իրավիճակին:

Նշվում է, որ մի շարք երկրներ կոչ են արել վերացնել ազատության սահմանափակումները և ապահովել լրագրողների, իրավապաշտպանների և քաղաքացիական հասարակության անդամների կողմից օրինական գործունեություն ծավալելու հնարավորությունը:

Հանձնակատարը նաև կոչ է արել անօրինական խոչընդոտներ չստեղծել մարդկանց ազատ տեղաշարժը սահմանափակելու նպատակով՝ շեշտելով, որ տասնյակ լրագրողներ, փաստաբաններ, քաղաքական ակտիվիստներ ու իրավապաշտպաններ կանգնած են Ադրբեջանի սահմաններից դուրս գալու արգելքի առաջ:

Բացի այդ, զեկույցում ասվում է, որ լրագրողներն ու ակտիվիստները, որոնք այլ կարծիք են հայտնում կամ քննադատում են իշխանություններին, կալանավորվում են և բանտարկվում տարբեր մեղադրանքներով, ինչպես օրինակ՝ ոստիկանությանը չենթարկվելը:

Related news

Latest News
Hashtags:   

Ադրբեջանում

 | 

խոսքի

 | 

ազատության

 | 

պաշտպանության

 | 

առումով

 | 

առաջընթաց

 | 

գրանցվել

 | 

հրապարակվել

 | 

մարդու

 | 

իրավունքների

 | 

հանձնակատար

 | 

զեկույցը

 | 
Most Popular (6 hours)

Most Popular (24 hours)

Most Popular (a week)

Sources