Friday 24 January 2020
Home      All news      Contact us      English
tert.am - 2 month ago

Facebook-ի ղեկավարությունը հրաժարվել է ԱՄՆ իրավապահներին տրամադրել օգտատերերի գաղտնագրված տվյալները

Facebook սոցիալական ցանցի ղեկավարությունը ԱՄՆ գլխավոր դատախազ Ուիլյամ Բարրին հայտնել է, որ իրավապահներին օգտատերերի գաղտնագրված տվյալներին, այդ թվում՝ սոցցանցի մեսենջերների հաղորդագրություններին, հասանելիություն չի տրամադրի: Այս մասին հայտնել է The New York Times թերթը՝ վկայակոչելով ընկերության նամակը: Նշվում է, որ փաստաթուղթը հրապարակվել է ամերիկյան սենատում երեքշաբթի նախատեսված լսումներից առաջ, որոնց ընթացքում Facebook-ի և Apple կորպորացիայի ղեկավարները պետք է Բարրին ցուցմունք տան: Facebook-ն իր որոշումը հիմնավորել է նրանով, որ կառավարությանը բեկդորի (խմբ.՝ ալգորիթմի թերությունը, որն այն ստեղծողի կողմից կանխամտածված է դրվել տվյալներին չթույլատրված հասանելիություն ունենալու համար) տրամադրումը կարող է մեսենջերներից օգտվողների անվտանգությունը կասկածի տակ դնել: Ընկերությունից հայտնել են, որ այդ տեղեկությունները կարող են հանցագործների, հաքերների և ռեպրեսիվ վարչակազմերի համար իսկական նվեր լինել: Ավելի վաղ հայտնել էինք, որ Facebook սոցիալական ցանցը մրցակիցների վրա ճնշումներ է գործադրել՝ օգտագործելով օգտատերերի տվյալները: Այս մասին տեղեկացնում է NBC-ն՝ հղում անելով իր տրամադրության տակ եղած փաստաթղթերին: Խոսքը սոցիալական ցանցի մոտավորապես 7000 էջ արտահոսած տվյալների մասին է, որոնցից 4000-ը ներքին հաղորդագրություններ են չաթերում, նշումները, էլեկտրոնային աղյուսակները, որոնց հիմնական մասը 2011-2015 թվականներին են պատկանում: Այս ամենը ցույց է տալիս, թե ինչպես է Facebook-ի սեփականատեր Մարկ Ցուկերբերգն ընկերության ղեկավարության հետ միասին օգտատերերի տեղեկությունները, այդ թվում՝ ընկերների ցանկը, հարաբերությունների մասին գրառումը և լուսանկարներն օգտագործելու միջոց գտել, որպեսզի ազդի գործընկեր կազմակերպությունների վրա: Որոշ դեպքերում Facebook-ը պարգևատրել է գործընկերներին՝ նրանց արտոնելով մուտք գործել օգտատերերի տեղեկատվական դաշտ: Օրինակ, այդպիսի արտոնությունից օգտվել է Amazon ընկերությունը, քանի որ այն գումար է վճարում Facebook-ին գովազդի համար: Մեկ այլ դեպքում Facebook-ը զրկել է MessageMe հաղորդագրությունների փոխանակման ծրագրին գովազդի հնարավորությունից, քանի որ այն բավականին արագ էր տարածում գտնում և կարող էր մրցակցել Facebook-ի հետ:

Related news

Latest News
Hashtags:   

Facebook

 | 

ղեկավարությունը

 | 

հրաժարվել

 | 

իրավապահներին

 | 

տրամադրել

 | 

օգտատերերի

 | 

գաղտնագրված

 | 

տվյալները

 | 
Most Popular (6 hours)

Most Popular (24 hours)

Most Popular (a week)

Sources