Saturday 18 January 2020
Home      All news      Contact us      English
tert.am - 1 month ago

ԿԳՄՍ նախարար Արայիկ Հարությունյանը չի կարող տիրապետել այդքան մեծ ոլորտի, ինչքան էլ տեղակալներ ու խորհրդականներ ունենա. Սուրեն Ալոյան (տեսանյութ)

Կրթության ոլորտն իշխանություն և ընդդիմություն չի ճանաչում, դրա ռազմավարությունը մշակվում և իրականացվում է բոլորի կողմից, արդյունքն էլ պիտի երևա միայն տարիներ անց: Արմնյուզ ՀԸ #ՕրաԽնդիր հաղորդմանը նման կարծիք է հայտնել Դասարան կրթական ծրագրի հիմնադիր-նախագահ Սուրեն Ալոյանը: Կրթության ռազմավարությունը չի կարող մշակվել միայն ԿԳՄՍՆ-ի կողմից, դրան պետք է մասնակցեն մնացյալ բոլոր գերատեսչությունները: Կրթությունը պետք է լինի ամենաառանցքային ոլորտը: Երկարաժամկետ նպատակներ դնելու դեպքում պետք է անդրադառնանք նախևառաջ կրթական համակարգին, սկսենք բարձր որակավորման քաղաքացիներ ու մասնագետներ պատրաստել : Ըստ Ալոյանի՝ կարևոր է կենտրոնանալ ոչ թե գիտելիքի, այլ հմտությունների փոխանցման վրա, հասկանալ, թե ինչպիսի քաղաքացի ենք ուզում ունենալ ապագայում: Մռայլ, սև պատերով, քանդված զուգարաններով և ֆիզկուլտուրայի դահլիճով, առանց ջեռուցման դպրոցում, ինչպես, ասենք, Գեղարքունիքի մարզի Դրախտիկ գյուղի դպրոցն է, չի կարող լավ կրթություն լինել: Միջավայրը շատ կարևոր է ուսուցման համար: Կրթությունը հավասար իրավունք է բոլորի համար՝ անկախ աշխարհագրական դիրքից և սոցիալական կարգավիճակից ,- նշել է Ալոյանը՝ հավելելով. Կրթությունը պետք է լինի ապակենտրոնացված, որ ամեն մարզ ու բնակավայր ունենա իր առաջնահերթությունները, ըստ տարածաշրջանի՝ ցուցաբերվի տարբերակված մոտեցում : Սուրեն Ալոյանի կարծիքով՝ կրթության բնագավառը ղեկավարելու համար մեծ փորձ ու հմտություններ են պետք, և ԿԳՄՍ նախարար Արայիկ Հարությունյանը չի կարող տիրապետել այդքան մեծ ոլորտի, ինչքան էլ տեղակալներ ու խորհրդականներ ունենա: Ինչ վերաբերում է մեր կրթական համակարգի մոդելին, ըստ Ալոյանի՝ այն շարունակում է մնալ խորհրդային՝ և՛ ձևով, և՛ բովանդակությամբ, բայց այդ մոդելն արդեն երեսուն տարի է՝ հնացած է և չի արդարացնում իրեն, քանի որ աշակերտը չի սովորում նույնիսկ ամենապարզ հմտությունները: Սուրեն Ալոյանի պնդմամբ՝ պետք են ոչ թե կրթական բարեփոխումներ, այլ ամբողջապես նոր կրթական համակարգ, մյուս կողմից՝ ուսուցչի մասնագիտությունը պետք է սոցիալապես գրավիչ դառնա: Ուսուցչի հեղինակությունը պետք է լինի բոլորից բարձր: Վարչապետը պետք է խոնարհվի ուսուցիչների առջև: Պետությունը պարտավոր է ուսուցիչներին և նրանց ընտանիքներին տալ բոլոր անհրաժեշտ արտոնությունները՝ առողջապահության, հանգստի և այլ ,- ամփոփել է Սուրեն Ալոյանը: Դավիթ Սարգսյան

Related news

Latest News
Hashtags:   

նախարար

 | 

Արայիկ

 | 

Հարությունյանը

 | 

կարող

 | 

տիրապետել

 | 

այդքան

 | 

ոլորտի

 | 

ինչքան

 | 

տեղակալներ

 | 

խորհրդականներ

 | 

ունենա

 | 

Սուրեն

 | 

Ալոյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources