Monday 20 January 2020
Home      All news      Contact us      English
tert.am - 1 month ago

«Լուժկովը վառ և խիզախ քաղաքական գործիչ էր». Պուտին

ՌԴ նախագահի մամուլի խոսնակ Դմիտրի Պեսկովը հայտարարել է, որ ՌԴ նախագահ Վլադիմիր Պուտինը շատ ջերմ հարաբերությունների մեջ էր Մոսկվայի նախկին քաղաքապետ Յուրի Լուժկովի հետ: ՌԴ նախագահն իր ցավակցությունն է հայտնել Յուրի Լուժկովի հարազատներին և մտերիմներին՝ նրան անվանելով վառ և խիզախ քաղաքական գործիչ, իսկական քաղաքապետ: Այս մասին տեղեկացնում է РИА Новости-ն: Յուրի Միխայիլովիչ Լուժկովն իրապես ոչ սովորական մասշտաբի անձնավորություն էր: Նա վառ և խիզախ քաղաքական գործիչ էր, էներգետիկ և տաղանդավոր կազմակերպիչ, բաց և կենսուրախ մարդ: Իսկական մայրաքաղաքի քաղաքագլուխ, որին հարգում և վստահում էին մոսկվացիները: Դժվար տարիներին, պատմական դարաշրջանների բախման ժամանակ, նա շատ բան է արել Մոսկվայի զարգացման համար ,-ասված է ցավակցական հեռագրում: ՌԴ նախագահը հավելել է, որ միշտ կհիշվի Լուժկովի աջակցությունը սևաստոպոլցիներին և սևծովյան նավաստիներին: Մի կողմ թողած բոլոր պարտավորություններն ու դիվանագիտական արարողակարգերը՝ նա ուղիղ ասել է, որ Սևաստոպոլը ռուսական քաղաք է: Մենք միշտ կպահպանենք Յուրի Լուժկովի բարի հիշատակը, կհիշենք նրա գործերի և ձեռնարկների մասին, որոնք ծառայել են Մոսկվային և Ռուսաստանին ,-նշել է ՌԴ նախագահը: Ինշպես ավելի վաղ տեղեկացրել էր Tert.am-ը, 83 տարեկանում կյանքից հեռացել է Մոսկվայի նախկին քաղաքապետ Յուրի Լուժկովը: Նա Մոսկվայի քաղաքապետի պաշտոնը զբաղեցրել է 18 տարի՝ 1992-2010 թվականներին:

Related news

Latest News
Hashtags:   

Լուժկովը

 | 

խիզախ

 | 

քաղաքական

 | 

գործիչ

 | 

Պուտին

 | 
Most Popular (6 hours)

Most Popular (24 hours)

Most Popular (a week)

Sources