Monday 20 January 2020
Home      All news      Contact us      English
tert.am - 1 month ago

Փարիզի Աստվածամոր տաճարի հրդեհը, Ամազոնի անտառների հրդեհները, մի շարք բողոքի ակցիաներ. Twitter-ը հրապարակել է տարվա ամենաքննարկված թեմաները

Twitter սոցիալական ցանցն իր բլոգում ամփոփել է տարվա արդյունքները և ներկայացրել 2019-ի ամենաքննարկված թեմաները: Ամենաքննարկված նորությունների ցանկը գլխավորել է Փարիզի Աստվածամոր տաճարի հրդեհը, որը տեղի է ունեցել ապրիլի 15-ին: Այդ ժամանակ տաճարը կորցրեց սայրաձողը, հասցվեց մեծ վնաս: Երկրորդ տեղը զբաղեցրել է Ռեյվայի դարաշրջանի սկիզբը հեշթեգը, որը նվիրված էր մայիսի 1-ին Ճապոնիայում կայսեր փոփոխությանը: Եռյակը եզրափակում է Վենեսուելան, որտեղ հունվարին զանգվածային ցույցեր էին սկսվել, իսկ ընդդիմադիր Խուան Գուաիդոն իրեն հռչակեց երկրի ժամանակավոր ղեկավար: Տասնյակում տեղ են գտել նաև Brexit-ը, վերջին մի քանի տասնամյակում Ճապոնիայում ամենաուժեղ Հագիբիս թայֆունը, Ամազոնի անտառների հրդեհները, Հոնկոնգի բողոքի ակցիաները, կլիմայական բողոքի ակցիաները, նորզելանդական Քրայսթչերչում տեղի ունեցած ահաբեկչությունը և ԱՄՆ-ում դեմոկրատների նախընտրական բանավեճերը: 2019 թվականի ամենաքննարկված անձինք են դարձել ԱՄՆ նախագահ Դոնալդ Թրամփը, նրան նախորդած նախագահ Բարաք Օբաման և Հնդկաստանի վարչապետ Նարենդրա Մոդին: Տասնյակում են հայտնվել նաև ամերիկացի քաղաքական գործիչ Ալեքսանդրիա Օկասիո-Կորտեսը, Բրազիլիայի նախագահ Ժաիր Բոլսոնարուն, ԱՄՆ-ի նախագահի հավանական թեկնածուներ Բեռնի Սանդերսը և Ջո Բայդենը, նախկին թեկնածու Հիլարի Քլինթոնը, Ֆրանսիայի նախագահ Էմանուել Մակրոնը և Ռուսաստանի նախագահ Վլադիմիր Պուտինը: 2019 թվականի ամենաքննարկված սերիալը եղել է Գահերի խաղը , երկրորդ տեղում է ամերիկյան Շատ տարօրինակ բաներ հեռուստասերիալը, երրորդում՝ Սիմփսոնները սերիալը: Սոցցանցի օգտատերերը քննարկել են նաև ամերիկացի դերասաններ Թոմ Հոլանդին, Քրիս Էվանսին և Զենդայային, իսկ ամենաքննարկված երաժիշտներն են կորեական BTS խումբը, ամերիկացի երգչուհի Արիանա Գրանդեն և ռեփեր Դրեյքը: Սոցիալական ցանցն առանձնացրել է այն հաղորդագրությունը, որով ամենաշատն են կիսվել: Ամենահայտնի լուսանկարը դարձել է հավկիթի լուսանկարը, որը հունվարին Instagram-ում համաշխարհային ռեկորդ սահմանեց հավանումների թվով:

Related news

Latest News
Hashtags:   

Փարիզի

 | 

Աստվածամոր

 | 

տաճարի

 | 

հրդեհը

 | 

Ամազոնի

 | 

անտառների

 | 

հրդեհները

 | 

բողոքի

 | 

ակցիաներ

 | 

Twitter

 | 

հրապարակել

 | 

տարվա

 | 

ամենաքննարկված

 | 

թեմաները

 | 
Most Popular (6 hours)

Most Popular (24 hours)

Most Popular (a week)

Sources