Monday 20 January 2020
Home      All news      Contact us      English
tert.am - 1 month ago

Երկակի ստանդարտների կիրառումն ազդակ է, որ իրավապաշտպանները պետք է շատ ուշադիր հետևեն ամբողջ պրոցեսին. Արսեն Բաբայանը՝ Նարեկ Մալյանի գործի մասին (տեսանյութ)

Ես աջակցում եմ ՎԵՏՕ շարժման ղեկավար Նարեկ Մալյանին, նրան աջակցելու եմ առնվազն դատական նիստերին մասնակցելով և իրավախախտումներ տեսնելու դեպքում, դրա մասին բարձրաձայնելու եմ: Այս մասին լրագրողների հետ զրույցում ասաց իրավապաշտպան, ԱԺ աշխատակազմի ղեկավարի նախկին տեղակալ Արսեն Բաբայանը:

Այս պահին հարցը տեղափոխվել է իրավական դաշտ. տեսնելով վերջին շրջանում երկակի ստանդարտները, որոնք կիրառվում են քրեական գործերի շրջանակում, երբ մի դեպքում ձերբակալում են, մի դեպքում՝ կալանավորում, մեկ այլ դեպքում էլ ընդհանրապես չեն ձերբակալում և կալանավորում, սա արդեն ազդակ է, և հասարակությունը, ՀԿ-ները, իրավապաշտպանները պետք է շատ ուշադիր հետևեն ամբողջ պրոցեսին ,- հայտարարեց նա:

Դիտարկմանը, թե նշվում է, որ սա փոխադարձ օգնություն է, Մալյանը Ձեզ աջակցում, Դուք էլ Մալյանին, Բաբայանն ասաց, որ երբ ինքը դուրս եկավ Վարդաշեն ՔԿ-ից, հայտարարեց, որ զբաղվելու է իրավապաշտպան գործունեությամբ: Վերջին անգամ ես նաև մասնակցում էի երիտասարդների ակցիային՝ ընդդեմ ԿԳՄՍ նախարարի, այնտեղ էլ հո չկա՞ր Նարեկ Մալյանը: Ես մասնակցելու եմ բոլոր հնչեղություն ունեցող գործերին հնարավորության սահմաններում և փորձելու եմ իմ մասնագիտական դիրքորոշումը ներկայացնել ,- ասաց նա:

Ի պատասխան դիտարկման, որ Ռեստարտի անդամները պնդում են, որ իրենք են ճիշտը, նա նշեց, որ դա կորոշի դատարանը: Համացանցում կա տեսանյութ, որտեղ առևանգման փաստը գոնե երևում է և ի վերջո Ռեստարտի տղաները չեն էլ հերքում, որ իրենք կատարել են այդ գործողությունը, իսկ թե ճիշտ են արել կամ սխալ՝ դատարանը կորոշի: Հույս ունեմ, որ դատարանն արդար որոշում կկայացնի ,- նշեց նա:

Ինչ վերաբերում է մի քանի օր առաջ իր կողմից արևված հայտարարությանը, թե հիմա քրեական գործերը շատ ավելի կոպիտ օրինախախտումներով են սարքվում, քան 90-ականներին, նա պարզաբանեց, որ ամենատարբեր մասնագետներից լսել է մտահոգությունները, որ արվում են այնպիսի քայլեր, որոնք երբևէ չեն արվել. Թեկուզ միայն իմ գործով իրավապաշտպաններն ասում են, որ այսպիսի ապօրինաբար կազմակերպված գործի կարում երբևէ չի եղել. սրա մասին է խոսքը, որը պետք է կանխվի ,- եզրափակեց նա:

Հիշեցնենք, որ Երևանի ընդհանուր իրավասության դատարանի Ավան-Նոր Նորք վարչական շրջանների նստավայրի դիմաց ՎԵՏՕ նախաձեռնության անդամները բողոքի ակցիա են անում։ Սկսվել է Ռեստարտ նախաձեռնող խմբի և Նարեկ Մալյանի գործով առաջին դատական նիստը:

Հիշեցնենք նաև, որ Երևանի Ամիրյան փողոցում մարտի 4-ին՝ կեսգիշերն անց, մի խումբ անձինք հարձակվել էին Նարեկ Մալյանի վրա, ով միջադեպից հետո Ֆեյսբուք -ի իր էջում գրել էր, որ իր վրա հարձակվել էին Ռեստարտ նախաձեռնության մի խումբ անդամներ և փորձել են առևանգել նրան:

Երևանի Կենտրոն և Նորք-Մարաշ վարչական շրջանների դատախազությունը Նարեկ Մալյանի և Ռեստարտ -ի անդամների միջև տեղի ունեցած դեպքի առթիվ քրեական գործ էր հարուցել խուլիգանության հատկանիշներով:


Related news

Latest News
Hashtags:   

Երկակի

 | 

ստանդարտների

 | 

կիրառումն

 | 

ազդակ

 | 

իրավապաշտպանները

 | 

ուշադիր

 | 

հետևեն

 | 

ամբողջ

 | 

պրոցեսին

 | 

Արսեն

 | 

Բաբայանը՝

 | 

Նարեկ

 | 

Մալյանի

 | 

գործի

 | 

մասին

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources