Monday 20 January 2020
Home      All news      Contact us      English
tert.am - 1 month ago

Նոր Զելանդիայում ժայթքած հրաբխի հետևանքով մահվան դեպքերի հանգամանքների հետաքննություն կանցկացվի (լուսանկարներ, տեսանյութ)

Նոր Զելանդիայի ոստիկանությունը քրեական հետաքննություն կանցկացնի Ուայթ Այլենդ կղզու հրաբխի ժայթքման հանգամանքների կապակցությամբ, որի հետևանքով զոհվել է հինգ մարդ: Այդ մասին երեքշաբթի մամուլի ասուլիսի ժամանակ ասել է ոստիկանության խոսնակ Ջոն Թիմսը, հայտնում է ՌԻԱ Նովոստի գործակալությունը: Ավելի վաղ Նոր Զելանդիայի ոստիկանությունը մամուլի հաղորդագրություն էր հրապարակել, որում նշվում էր, որ սկսվել է մահվան դեպքերի հանգամանքների հետաքննություն, սակայն նշվում էր, որ դեռ վաղ է հաստատել, որ նաև քրեական հետաքննություն կանցկացվի : Ինչպես մամուլի ասուլիսի ժամանակ նշել է Թիմսը, ժայթքման պահին կղզու տարածքում գտնված 47 մարդկանց թվում եղել են Մեծ Բրիտանիայի երկու, Գերմանիայի չորս, Ավստրալիայի քսանչորս, Նոր Զելանդիայի հինգ, Չինաստանի երկու, Մալայզիայի մեկ և ԱՄՆ ինը քաղաքացիներ: Ավելի վաղ հաղորդվել էր, որ կղզուց հեռացրել են 34 մարդու: Հաստատվել է, որ մահացել է հինգ մարդ, վիրավորվել 31-ը: 8 հոգի համարվում է անհայտ կորած, որոնք, իշխանությունների ենթադրությամբ, նույնպես մահացել են: Նոր Զելանդիայի առողջապահության նախարարության ներկայացուցիչ Փիթ Ուոթսոնը մամուլի ասուլիսում նշել է, որ շատ տուժածներ ծանր վնասվածքներ են ստացել, 27 մարդ մարմնի մակերեսի ավելի քան 30%-ի այրվածք է ստացել, շատերն էլ՝ շնչուղիների այրվածքներ: Ենթադրություններ կան, որ տուժողներից մի քանիսի վնասվածքները կյանքի հետ անհամատեղելի կլինեն: Ինչպես ավելի վաղ հայտնել էր Tert.am-ը, ժայթքումը տեղի է ունեցել այն պահին, երբ զբոսաշրջիկները գտնվել են խառնարանի տարածքում: Daily Mail պարբերականը հրապարակել էր ժայթքման տեսանյութը, որում լսվում է զբոսաշրջիկների խուճապահար ձայնը:

Related news

Latest News
Hashtags:   

Զելանդիայում

 | 

ժայթքած

 | 

հրաբխի

 | 

հետևանքով

 | 

մահվան

 | 

դեպքերի

 | 

հանգամանքների

 | 

հետաքննություն

 | 

կանցկացվի

 | 

լուսանկարներ

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources