Saturday 18 January 2020
Home      All news      Contact us      English
tert.am - 1 month ago

ՀԴԲ-ի կողմից Թրամփի 2016-ի նախընտրական շտաբը լրտեսելը կառավարությունը տապալելու փորձ էր. Թրամփ

2016-ի նախագահական ընտրություններին Դոնալդ Թրամփի նախընտրական շտաբը ՀԴԲ-ի կողմից լրտեսելու վերաբերյալ ԱՄՆ արդարադատության նախարարության գլխավոր տեսուչ Մայքլ Հորովիթսի զեկույցը վկայում է կառավարությունը տապալելու փորձի մասին: Այս մասին հայտնել է Սպիտակ տան ղեկավարը: Հորովիթսը երկուշաբթի հրապարակված զեկույցում հաղորդել էր, որ քաղաքական կողմնակալություն չի գտել Թրամփի շտաբի անդամների դեմ ՀԴԲ-ի կողմից հետաքննություն անցկացնելու մեջ, չնայած կառույցի գործունեության մեջ լուրջ սխալներ եղել են , գրում է Associated Press-ը: Դա հեղաշրջման փորձ է եղել, և դրան շատերն են մասնակցել, սակայն հայտնաբերվել են ,- հայտնել է ԱՄՆ նախագահ Դոնալդ Թրամփը: Նա հավելել է, որ ՀԴԲ աշխատակիցները կեղծել են ապացույցներն ու դատարաններում ստել: Հիշեցնենք, որ 2016-ին Թրամփի շտաբը լրտեսելու վերաբերյալ ԱՄՆ արդարադատության նախարարությունը զեկույց էր հրապարակել, իսկ նախագահական ընտրություններում ռուս հաքերների միջամտության վերաբերյալ հետաքննությունը սկսվել էր Թրամփի՝ հաղթանակ տանելուց անմիջապես հետո: Դեռ նախորդ տարի ԱՄՆ նախագահ Դոնալդ Թրամփը պաշտպանել է Fox News հեռուստաալիքի հաղորդումներից մեկի ժամանակ հանրապետական կոնգրեսական Դարել Իսայի հայտնած վարկածն այն մասին, որ ԱՄՆ արդարադատության նախարարությունը և Հետաքննությունների դաշնային բյուրոն (ՀԴԲ) ծրագիր են ունեցել՝ ինչպես կանխել նրա հաղթանակը 2016թ.նոյեմբերին կայացած նախագահական ընտրություններում: Ըստ երևույթին, արդարադատության նախարարությունը և Հետաքննությունների դաշնային բյուրոն ծրագիր են ունեցել, որը պետք է ինձ թույլ չտար դառնալ նախագահ: Հակառակ կողմից, եթե դա տեղի ունենար, բոլոր ներգրավվածները բանտում կհայտնվեին ,- գրել է ԱՄՆ նախագահը Twitter-ում: Նա նաև մեղադրել է ԶԼՄ-ներին մեր ժամանակների ամենամեծ պատմությունը կոծկելու համար:

Related news

Latest News
Hashtags:   

կողմից

 | 

Թրամփի

 | 

նախընտրական

 | 

շտաբը

 | 

լրտեսելը

 | 

կառավարությունը

 | 

տապալելու

 | 

Թրամփ

 | 
Most Popular (6 hours)

Most Popular (24 hours)

Most Popular (a week)

Sources