Saturday 25 January 2020
Home      All news      Contact us      English
tert.am - 2 month ago

Նման շռայլությունը լոգիկայից դուրս է, Երևանում ավելի կարևոր խնդիրներ կան, որ լուծման կարիք ունեն. Դավիթ Սահակյանցը Ամանորի ծախսերի մասին

Ինձ համար անհասկանալի է, երբ երկար տարիներ խոսվում էր գումարների վատնման մասին և հիմա նման ծախս է նախատեսվում: Այս մասին Tert.am-ի հետ զրույցում ասաց Ռոբերտ Սահակյանց Փրոդաքշն անիմացիոն ստուդիայի ղեկավար, մուլտիպլիկատոր Դավիթ Սահակյանցը անդրադառնալով Երևան քաղաքի Ամանորի տոնական միջոցառումների համար նախատեսված ծախսերին:

Նման շռայլությունը, ինձ թվում է, ընդհանուր լոգիկայից դուրս է, բայց այն քաղաքականության լոգիկայի մեջ է, որը տանում է այսօրվա իշխանությունը: Այնպես որ, ես չեմ զարմանում, որ նման բան են անում, իհարկե, շատ ավելի կարևոր հարցեր կան, որոնց լուծման կարիքն ունի մայրաքաղաքը ,-ասաց նա:

Նշենք, որ Երևանի քաղաքապետարանը Ամանորի տոնական միջոցառումներին, ընդհանուր առմամբ, ծախսելու է 325 մլն դրամ: Կառավարության որոշման համաձայն՝ նախատեսվել է 271,797 դրամ, որը գումարվելու է Երևանի բյուջեով հատկացված շուրջ 54 միլիոնին: Դավիթ Սահակյանցը նշեց, որ այս ամենն շոու է և արվում է ցույց տալու համար, թե ամեն ինչ լավ է: Նա նաև աբսուրդ համարեց այն, որ Գորան Բրեգովիչի համերգի ու տոնածառի լույսերը վառելու համար քաղաքապետարանը բյուջեից կծախսի շուրջ 290 հազար դոլար: Ըստ նրա ներկայիս իշխանությունը չպետք է այնպիսի գործողություններ աներ, ինչը նախկինում փնովել են և պետք է ավելի լուրջ մոտեցում ունենային:

Բրեգովիչի համերգի անհրաժեշտությունը չէ, որ այսօր կա, առավելևս, որ կապված է այդչափ մեծ գումարների հետ: Հաշվի առնելով առկա խնդիրները, քաղաքապետի տված խոստումները, բավականին շատ խնդիրներ կարող էին լուծել այդ գումարով: Իհարկե ոչ ամբողջ քաղաքի, բայց գոնե մի քանի շենքերի խնդիրներ կարող էին լուծել և դա կլիներ շատ մեծ նվեր շատ ընտանիքների համար, որոնք նման կարիք ունեն ,-ասաց նա:

Related news

Latest News
Hashtags:   

շռայլությունը

 | 

լոգիկայից

 | 

դուրս

 | 

Երևանում

 | 

ավելի

 | 

կարևոր

 | 

խնդիրներ

 | 

լուծման

 | 

կարիք

 | 

ունեն

 | 

Դավիթ

 | 

Սահակյանցը

 | 

Ամանորի

 | 

ծախսերի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources