Tuesday 21 January 2020
Home      All news      Contact us      English
tert.am - 1 month ago

Իշխանությունների համար անթույլատրելի է մնալ ընդդիմադիրի կամ հեղափոխականի ամպլուայում. եթե ստանձնել են նման կարևոր առաքելություն, պետք է փոխեն իրենց էությունը. Կարպիս Փաշոյան (տեսանյութ)

Պրոֆեսիոնալ հեղափոխական լինելը միշտ չէ, որ նշանակում է արդյունավետ կառավարում. բարդ է հեղափոխական տրամադրություններից պետականաշինությանն անցում կատարելը: Արմնյուզ ՀԸ #ՕրաԽնդիր հաղորդմանը նման կարծիք է հայտնել պատմաբան, հրապարակախոս Կարպիս Փաշոյանը: Հեղափոխականից դեպի պետական գործիչ անցումը բարդ է և ոչ միշտ է ստացվում: Այսօրվա քաղաքական թիմն ակտիվորեն օգտվում է նախկին իշխանությունների հարուստ կառավարչական բազայից, և եթե այդպես չանեին, դա կործանարար կլիներ : Ըստ Փաշոյանի՝ անթույլատրելի է մնալ ընդդիմադիրի կամ հեղափոխականի ամպլուայում, եթե ստանձնել են նման կարևոր առաքելություն, պետք է փոխեն իրենց էությունն ու դառնան պետական գործիչ: Անցյալով ապրելը մեծագույն արատ է, կորում են ներկայի և ապագայի զարգացման հեռանկարները: Անցյալի հետ առերեսումն, այո՛, կարևոր է: Բայց ես չեմ պատկերացնում, թե, օրինակ, 1996-ի նախագահական ընտրություններն ինչպես պիտի ուսումնասիրեն ,- նշել է Փաշոյանը՝ հավելելով. Իշխանությունը կարող է օգտվել պոպուլիզմի գործիքներից, բայց ոչ այն աստիճան, որ դա քայքայիչ ազդեցություն ունենա: Օրինակ, ղարաբաղյան հակամարտության հարցում իշխանության պոպուլիստական հայտարարություններն անթույլատրելի են : Կարպիս Փաշոյանի կարծիքով՝ իշխանությունը և վարչապետ Փաշինյանը փորձում են մշտապես առաջինը թվալ, շեշտադրել, թե իրենցից առաջ ոչ ոք նման խիզախություն չի ունեցել, ինչն ընդունելի չէ: Ինչ վերաբերում է կոռուպցիայի դեմ պայքարին, ըստ Փաշոյանի՝ անգամ աշխատավարձերի բարձրացումը դրան հաճախ չի օգնում, և ԿԳՄՍ փոխնախարար Գևորգ Լոռեցյանի կալանավորումը դրա ապացույցն է: Հրապարակախոսի պնդմամբ՝ այսօր հակահեղափոխության վտանգ չկա, կա նախկին համակարգի որոշակի դիմադրություն, ինչը բնական է. Հեղափոխությունը հաղթել է, եթե, իհարկե, կառավարող թիմն ինչ-որ ապաշնորհ միջամտությամբ այն չարժեզրկի: Շատ կարևոր է անցնել քննությունը, թե մենք կարո՞ղ ենք ժողովրդավարական, ընդ որում՝ հերթական ընտրությունների միջոցով իշխանություն փոխել: Մեր պետությունը ռեսուրս չունի մշտական հեղափոխությունների ճանապարհով գնալու : Փաշոյանի պնդմամբ՝ իշխանությունն իր ապաշնորհ կառավարմամբ կարող է ինքն իր համար նոր մարտահրավերներ ստեղծել: 70 տոկոս ձայն հավաքելն այդքան էլ դրական երևույթ չէ: Այն հանգեցնում է ինքնասիրահարվածության և իրականության զգացողության կորստի, ինչը շատ վտանգավոր է ,- ամփոփել է հրապարակախոսը: Դավիթ Սարգսյան

Related news

Latest News
Hashtags:   

Իշխանությունների

 | 

համար

 | 

անթույլատրելի

 | 

ընդդիմադիրի

 | 

հեղափոխականի

 | 

ամպլուայում

 | 

ստանձնել

 | 

կարևոր

 | 

առաքելություն

 | 

փոխեն

 | 

իրենց

 | 

էությունը

 | 

Կարպիս

 | 

Փաշոյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources