Sunday 26 January 2020
Home      All news      Contact us      English
tert.am - 2 month ago

Ադրբեջանն իր դիրքորոշումը հարմարեցրել է մադրիդյան սկզբունքների ոգուն և տառին, իսկ այդ սկզբունքներով փակուղային օրակարգ է ներկայացվում. Արման Մելիքյան

Ադրբեջանն իր դիրքորոշումը հարմարեցրել է մադրիդյան սկզբունքների ոգուն և տառին, այնպես, ինչպես ինքն է հասկանում և կարողացել է ներդաշնակեցնել մի շարք սկզբունքներ: Այս մասին Tert.am-ի հետ զրույցում ասաց ՀՀ արտակարգ և լիազոր դեսպան, ԱՀ նախկին արտգործնախարար Արման Մելիքյանը՝ հավելով, որ ԵԱՀԿ նախարարների խորհրդի անդամներին ներկայացրած փաստաթուղթը մադրիդյան սկզբունքների հետ ուղիղ հակասություն չունի: Առաջին հերթին հարցը վերաբերում է Արցախի ինքնորոշման խնդրին, ադրբեջանական կողմն ասում է՝ Արցախը կարող է ինքնորոշվել, և այդ ինքնորոշումը կճանաչվի, եթե այն տեղի ունենա տարածքային ամբողջականության պահպանման տիրույթում և չհակասի Ադրբեջանի ինքնիշխանությանը: Այս հարցի շուրջ իրավագետների վեճերը շատ են եղել, բայց սա, մեծ հաշվով, դիրքորոշում է, որը ինչ-որ առումով համահունչ է մադրիդյան սկզբունքներին ,-նշեց նա: Անդրադառնալով դիտարկմանը, որ մտահոգություններ են հնչում, որ եթե նախկինում խոսում էին 5-7 շրջանների վերադարձի մասին, ապա այժմ Ադրբեջանը փաստաթղթով խոսում է Արցախի ամբողջ տարածքի մասին, Արման Մելիքյանն ասաց, որ Ադրբեջանն այդ մասին միշտ է խոսել: Մենք խնդիր ունենք, որն առ այսօր լուծված չէ և առավել ևս մադրիդյան սկզբունքների շրջանակում լուծելի չէ, դա Արցախի ներկայիս տարածքային ամբողջականության ապահովման հարցն է: Բանակցային սեղանի շուրջ մեր բանակցողները տարածքային ամբողջականության հարցը ապահովել չեն կարողանում ,-ընդգծեց նա: Ըստ նրա՝ մադրիդյան սկզբունքները փակուղային օրակարգ են ներկայացնում: Մանրամասները՝ տեսանյութում:

Related news

Latest News
Hashtags:   

Ադրբեջանն

 | 

դիրքորոշումը

 | 

հարմարեցրել

 | 

մադրիդյան

 | 

սկզբունքների

 | 

ոգուն

 | 

տառին

 | 

սկզբունքներով

 | 

փակուղային

 | 

օրակարգ

 | 

ներկայացվում

 | 

Արման

 | 

Մելիքյան

 | 
Most Popular (6 hours)

Most Popular (24 hours)

Most Popular (a week)

Sources