Saturday 18 January 2020
Home      All news      Contact us      English
tert.am - 1 month ago

Պոլսո պատրիարքի այսպիսի ընտրությունը մեր սրտով չէր, սակայն 12 տարի պատրիարք չունենալուց հետո, սա շատերի համար ուրախալի փաստ էր․ Բ․ Էստուկյան

Պոլսո Հայոց 85-րդ պատրիարքի ընտրության առաջին փուլում ձայների ճնշող մեծամասնությամբ հաղթեց պատրիարքական տեղապահ Սահակ եպիսկոպոս Մաշալյանը: Նոյեմբերի 11-ին արդեն իսկ ընտրված աշխարհական 102 պատվիրակներն ու շաբաթ երեկոյան հայտնի դարձած 17 հոգևորականներն արդեն վերջնականապես կընտրեն Պոլսո Հայոց նոր պատրիարքին:

Այս մասին Tert.am ի հետ զրույցում ասաց Ակոս պարբերականի հայերեն բաժնի խմբագիր Բագրատ Էստուկյանը, ով նշեց, որ կասկած չկա, որ չորեքշաբթի նախատեսված ընտրություններում ձայների ճնշող մեծամասնությունը դարձյալ կլինի Սահակ եպիսկոպոս Մաշալյանի օգտին։

Նշենք, որ պատրիարքի երկու թեկնածուներն են Սահակ եպիսկոպոս Մաշալյանն ու Արամ արքեպիսկոպոս Աթեշյանը։

Չգիտեմ՝ սա որքանով կարելի է համարել պատրիարքի արդար ընտրություններ, քանի որ Թուրքիան մեր առաջ դրել էր երկու թեկնածու ունենալու պարտադրանք։ Ժողովուրդը ստիպված ընտրեց չարյաց փոքրագույնը։ Սա, իմ կարծիքով, արդար ընտրություն համարել չի կարելի և մեր սրտով չէ այս ընտրությունը։ Բայց 12 տարի պատրիարք չունենալուց հետո, այս ընտրությունների անցկացումը շատերի համար ուրախալի փաստ է , նշեց Բագրատ Էստուկյանը։

Վերջինս նաև հավելեց, որ քվեարկության ընթացքում իրավիճակը եղել է հանդարտ և որևէ արտակարգ դեպք չի գրանցվել։

Հարցին՝ արդյոք արձագանք եղել է թուրքական իշխանությունների կողմից, Էստուկյանը պատասխանեց՝ ոչ։

Հիշեցնենք, որ Պոլսո Հայոց պատրիարքի ընտրությունն անցկացվում է երկաստիճան սկզբունքով՝ համաձայն 1863 թվականի Ազգային սահմանադրության: Հոգևորական և աշխարհական պատվիրակները միասին են ընտրում պատրիարքին:



Related news

Latest News
Hashtags:   

Պոլսո

 | 

պատրիարքի

 | 

այսպիսի

 | 

ընտրությունը

 | 

սրտով

 | 

սակայն

 | 

պատրիարք

 | 

չունենալուց

 | 

շատերի

 | 

համար

 | 

ուրախալի

 | 

Էստուկյան

 | 
Most Popular (6 hours)

Most Popular (24 hours)

Most Popular (a week)

Sources