Wednesday 29 January 2020
Home      All news      Contact us      English
tert.am - 2 month ago

The Hour of Code. «Էներջայզ Գլոբալ Սերվիսիզ»-ի նախաձեռնությամբ՝  միջոցառում ապագա ծրագրավորողների համար

Էներջայզ Գլոբալ Սերվիսիզ ընկերության նախաձեռնությամբ տեղի ունեցավ Hour of Code միջազգային միջոցառումը, որը մասնակից դպրոցահասակ երեխաներին հնարավորություն տվեց խաղերի միջոցով հեշտությամբ սովորել տարատեսակ ծրագրավորման լեզուներ և մոտեցումներ: Էներջայզ Գլոբալ Սերվիսիզ ընկերության ավագ ծրագրավորող Արա Գևորգյանի խոսքով՝ միջոցառման նպատակն է երեխաներին ծանոթացնել ծրագրավորման նրբություններին և սկզբունքներին, քանի որ մասնագիտությունը պահանջված է: Այդ ամենն արվում է խաղի միջոցով, որպեսզի սովորելու գործընթացը երեխաների համար ավելի գրավիչ լինի:

Այս միջոցառումը սկիզբ է առել ԱՄՆ-ում՝ նպատակ ունենալով երեխաներին դեռ վաղ հասակից սովորեցնել ծրագրավորման հիմունքները: Այս տարի համաշխարհային մասշտաբով միջոցառմանը մասնակցել է ավելի քան 100 միլիոն մարդ: Քանի որ Հայաստանն ընտրել է տեխնոլոգիական ապագան և այն մեզ համար ռազմավարական ուղղություն է, դպրոցահասակ երեխաներին կրթելու և գործընթացի մեջ ներգրավելու պատասխանատվությունը մասամբ ստանձնել է նաև մեր ընկերությունը: ԱՄՆ վիճակագրության համաձայն՝ կան երեխաներ, որոնք մասնակցելով այս միջոցառմանը, մի քանի տարի հետո հիմնել են իրենց ստարտափները: Դա լավ ցուցանիշ է և հույս ունեմ մեզ մոտ նույնպես այդպես կլինի ,-ասաց նա։ Միջոցառմանը մասնակցության հայտ էր ներկայացրել 6-16 տարեկան մոտ 150 երեխա: Յուրաքանչյուր տարիքային խմբի համար ընտրված էր համապատասխան բարդության խաղ, որի ինտերակտիվ պլատֆորմը թույլ է տալիս տեղաշարժելով բլոկները ծանոթանալ ծրագրավորման նրբություններին: The Hour of Code-ը մեկնարկեց ընկերության ղեկավար Ռիչարդ Բեզջյանի և Ֆրանսիայի դեսպան Ժոնաթան Լաքոտի խոսքով: Ես EGS ընկերությանը շատ լավ ծանոթ եմ: Ինձ համար շատ կարևոր է Երևանում ֆրանսիական դպրոցի կապը հայ իրականության, Հայաստանում գործող ընկերությունների հետ: Սա հիանալի հնարավորություն է տարբեր դպրոցներում, այդ թվում՝ ֆրանսիական դպրոցում սովորող երեխաների համար մասնակցելու այս միջոցառմանը և ձեռք բերելու ծրագրավորման և կոդավորման ոլորտում իրենց առաջին փորձը: Կարծում եմ, որ այս երեխաներից շատերն առաջին անգամ են Հայաստանում հնարավորություն ունեցել այցելել նման ընկերություն ,- ասաց Ժոնաթան Լաքոտը: Էներջայզ Գլոբալ Սերվիսիզ ընկերության ծրագրավորողները մասնակից երեխաներին օգնեցին ավելի հեշտ մուտք գործել ծրագրավորման աշխարհ: 7-ամյա Սոնա Գալստյանն այս ընկերության կողմից կազմակերպող միջոցառումներին մասնակցում է երկրորդ անգամ և նշում է, որ ցանկանում է դառնալ ծրագրավորող և, չնայած վաղ հասակին, նշում է՝ ծրագրավորումը կարևոր մասնագիտություն է և շարունակելու է զարգացնել հմտություններն այդ ուղղությամբ: Մեկ այլ մասնակից՝ 8-ամյա Կարեն Խաչատուրյանը ծրագրավորող դառնալ ցանկանում է դեռևս 4 տարեկանից, նման միջոցառման մասնակցում է առաջին անգամ, օգնող մասնագետները բացատրում են, որ մատչելի ծրագրավորում սովորելու համար կշարունակի մասնակցել նմանօրինակ միջոցառումներին: Էներջայզ Գլոբալ Սերվիսիզի գործադիր տնօրեն Ռիչարդ Բեզջյանը նշում է՝ նման նախաձեռնություն կիրականացվի ամեն տարի: Միջոցառման գաղափարն առաջացել է, երբ Գրեյս Հաբըրգը կարողացավ ստեղծել անգլերեն տեքստային ծրագրավորման լեզու, Քոբլ անունը կրող լեզվական կոդը: Դա բեկումնային էր տեխնոլոգիաների պատմության մեջ: Առհասարակ մենք կարևորում ենք կանանց ներուժը, նրանք պատվով են իրագործում ցանկացած առաջադրանք, ավելի լուրջ և մանրակրկիտ են աշխատում։ Մեր աշխատակիցների 37%-ը իգական սեռի են, և մենք հպարտ ենք նրանցով: The Hour of Code -ը ուժեղացնում է կոդավորման գաղտնիքը հասկանալու կարողությունը երեխաների, հատկապես՝ դպրոցահասակների շրջանում: Հանդիսանալով Հայաստանի ամենամեծ ՏՏ ընկերությունը և լինելով մասնագիտացված համակարգչային ծրագրերի ստեղծմամբ, կարևոր ենք համարում երեխաների հետ աշխատանքը: Մեզ համար կարևոր է նրանց հետագայում մեզ հետ աշխատելու հնարավորություն տալ ,- ասաց նա։ Ավելի մեծ տարիքային խմբի ներկայացուցիչ 12 տարեկան Ալբերտ Բագրատունյանը ծրագրավորմամբ զբաղվում է արդեն 2 տարի։ Նա The Hour of Code միջոցառմանը առաջին անգամ էր մասնակցում, սակայն նշեց, որ ներկայացված պլատֆորմի շնորհիվ սովորեց կոդավորումը: Դու քայլեր ես գրում, խաղային մարդուկը անում է դրանք: Պետք է առանց թակարդը ընկնելու հերոսին հասցնել վերջնակետին: Հեշտ և ընկալելի է, ուղղակի պետք է անգլերեն գրես: Նման միջոցառումները շատ կօգնեն, որ զարգանանք: Եթե էլի նման բան կազմակերպեն, կգամ անպայման ,- ասաց մասնակիցը: The Hour of Code միջոցառումը մասնակիցներին հնարավորություն տվեց խաղերի միջոցով հեշտությամբ սովորել տարատեսակ ծրագրավորման լեզուներ և մոտեցումներ: Միջոցառմանը ներկա էին նաև Լուսե կենտրոնի հաշմանդամություն ունեցող սաները։ Երբ գալիս էինք, երեխաները անկեղծացան՝ միջոցառմանը երեկվանից անհամբեր սպասել են: Այս միջոցառումը հնարավորություն կտա մեր լուսե երեխաներին մասնագիտորեն և մոտիկից ծանոթանալ IT ոլորտին: Կարևորում ենք նաև հատուկ կարիքներով երեխաների ներգրավվածությունը, քանի որ IT ոլորտում հատուկ կարիքներով անձինք կարող են ավելի մեծ մասնակցություն ունենալ՝ աշխատելով օրինակ՝ տնից, սա հնարավորություն է իրենց համար զարգացնելու իրենց կարողությունները՝ ներառվելով և ներգրավվելով: Սա ողջունելի քայլ է, որը որպես քաղաքականություն, պետք է որդեգրեն բոլոր կազմակերպությունները ,- ասաց Լուսե սոցիալ-վերականգնողական կենտրոնի ղեկավար Գոհար Գալստյանը։ Էներջայզ Գլոբալ Սերվիսիզ ընկերությունը գործում է մոտ 12 տարի և ունի ավելի քան 300 ինժեներներից բաղկացած թիմ: Ընկերությունը խրախուսում է միջազգային նախագծերը և ՏՏ ոլորտի տարածումը երիտասարդության շրջանում։ The Hour of Code միջոցառմանը ներկա էին նաև ՀՖՀՀ Ռեկտոր Ժան-Մարկ Լավեստը, Ֆրանսիայի դեսպան Ժոնաթան Լաքոտը և բազմաթիվ այլ ազդեցիկ մարդիկ: Միջոցառումն ամփոփվեց հավաստագրերի հանձմամբ:



















Related news

Latest News
Hashtags:   

Էներջայզ

 | 

Գլոբալ

 | 

Սերվիսիզ

 | 

նախաձեռնությամբ՝ 

 | 

միջոցառում

 | 

ապագա

 | 

ծրագրավորողների

 | 

համար

 | 
Most Popular (6 hours)

Most Popular (24 hours)

Most Popular (a week)

Sources