Thursday 23 January 2020
Home      All news      Contact us      English
tert.am - 2 month ago

Համաձայնագրով մեր տնտեսվարողները կունենան ընդհանուր խաղի կանոններ՝ ԵԱՏՄ մեծ շուկա մուտք գործելու և ծառայություններ մատուցելու համար. Վախթանգ Աբրահամյան

Ազգային ժողովը քննարկեց Ֆինանսական շուկայի ոլորտում Եվրասիական տնտեսական միության անդամ պետությունների օրենսդրության ներդաշնակեցման մասին համաձայնագիրը վավերացնելու մասին համաձայնագիրը: Հիմնական զեկուցող ՀՀ կենտրոնական բանկի նախագահի տեղակալ Վախթանգ Աբրահամյանը նշեց, որ համաձայնագիրը ստորագրվել է 2018 թվականի նոյեմբերի 6-ին Մոսկվայում անդամ երկրների կողմից: Համաձայնագրով սահմանվում են Եվրասիական տնտեսական միության անդամ պետությունների բանկային, ապահովագրական և արժեթղթերի ոլորտների օրենսդրությունների ներդաշնակեցման ուղղությունները և կարգը՝ հիմնված ֆինանսական շուկայի կարգավորման միջազգային սկզբունքների և ստանդարտների վրա: ԱԺ ԲՀԿ-ական պատգամավոր Սերգեյ Բագրատյանը հետաքրքրվեց՝ այս համաձայնագիրը վավերացնելու դեպքում ինչպիսի՞ ներպետական ընթացակարգեր են նախատեսվում իրականացնել: Մինչև 2025 թվականն է ենթադրվում ներդաշնակեցման գործընթացը: Հիմա անդամ պետությունների կարգավորող և վերահսկող մարմինները՝ ի դեմս ԿԲ-երի, իրականացնում են աշխատանքային հանդիպումներ ,-պատասխանեց Վախթանգ Աբրահամյանը: Բագրատյանն էլ հետաքրքրվեց, թե այս պահի դրությամբ ԵԱՏՄ անդամ երկրների ֆինանսական շուկաների ինչպիսի՞ իրավիճակ է տիրում. Այսինքն՝ Հայաստանը, Բելառուսը կամ Ռուսաստանը ֆինանսական շուկայի իրենց զարգացվածության մակարդակով ինչպիսի՞ վիճակում են, մենք որ վավերացնում ենք, հե՞տ ենք այդ շուկայում, թե առաջատար դիրք ենք գրավում: Շուկայի միասնականացման արդյունքում մենք շահելո՞ւ ենք, թե տուժելու ենք ,- հարցրեց Բագրատյանը: Ըստ Աբրահամյանի՝ խոսքն այս պահին վերաբերում է նրան, որ մեր տնտեսվարողներն ունենան ընդհանուր խաղի կանոններ՝ մեծ շուկա մուտք գործելու և ծառայություններ մատուցելու: Այս պարագայում ՀՀ օրենսդրությունը ֆինանսական շուկայի կարգավորման առումով հիմնականում հիմնված է միջազգային լավագույն փորձի վրա, այդ պատճառով էլ մինչ այս պահն էլ կարող եմ ասել, որ քիչ փոփոխությունների է ենթարկվում մեր օրենսդրությունը ,- ասաց նա:

Related news

Latest News
Hashtags:   

Համաձայնագրով

 | 

տնտեսվարողները

 | 

կունենան

 | 

ընդհանուր

 | 

կանոններ՝

 | 

շուկա

 | 

մուտք

 | 

գործելու

 | 

ծառայություններ

 | 

մատուցելու

 | 

համար

 | 

Վախթանգ

 | 

Աբրահամյան

 | 
Most Popular (6 hours)

Most Popular (24 hours)

Most Popular (a week)

Sources