Tuesday 21 January 2020
Home      All news      Contact us      English
tert.am - 2 month ago

«Շուտափույթ ապաքինում Սելահաթթին Դեմիրթաշի ծնողներին». Կարո Փայլանն անդրադարձել է իր կուսակցության նախկին համանախագահի ծնողների մասնակցությամբ ավտովթարին

Թուրքիայի Դիարբեքիրի նահանգի Էրգենի շրջանում ավտովթար է տեղի ունեցել, որի հետևանքով վնասվածք է ստացել 9 մարդ: Այս մասին տեղեկացնում է sabah.com կայքը: Նշվում է, որ վիրավորների կյանքին վտանգ չի սպառնում, նրանք տեղափոխվել են Չորլուի հիվանդանոց: Վիրավորների թվում են բանտում գտնվող Թուրքիայի քրդամետ Ժողովուրդների դեմոկրատական կուսակցության նախկին համանախագահ Սելահաթթին Դեմիրթաշի ծնողները՝ Թահիր Դեմիրթաշը և Սադիյե Դեմիրթաշը, որոնք մեկնում էին Էդիրնե՝ իրենց որդուն տեսակցության: Միջադեպին իր ֆեյսբուքյան էջում անդրադարձել է Դեմիրթաշի կուսակից, Թուրքիայի խորհրդարանի հայազգի պատգամավոր Կարո Փայլանը: Հայազգի պատգամավորն իր էջում գրել է. Նրանք ձերբակալում են ձեր երեխային, կալանավորում են Դիարբեքիրից ամենահեռու տեղում՝ Էդիրնեում, դուք վթարի եք ենթարկվում Էդիրնեի ճանապարհին... Ի՞նչ կարող ենք ասել, շուտափույթ ապաքինում Սելահաթթին Դեմիրթաշի մորն ու հորը : Հիշեցնենք, որ 2016թ.-ի նոյեմբերի 4-ին Դիարբեքիրում և Անկարայում ձերբակալվել է քրդամետ Ժողովուրդների դեմոկրատական կուսակցության 10-ից ավելի անդամ, այդ թվում կուսակցության արդեն նախկին համանախագահներ Սելահաթթին Դեմիրթաշն ու Ֆիգեն Յուքսեքդաղը: ԺԴԿ պատգամավորներին մեղադրում են Քրդստանի աշխատավորական կուսակցություն խմբավորման հետ կապեր ունենալու համար: Սելահաթթին Դեմիրթաշը գտնվում է թուրքական Էդիրնե նահանգի բանտում, նրա դեմ դատական գործընթացը շարունակվում է:

Related news

Latest News
Hashtags:   

Շուտափույթ

 | 

ապաքինում

 | 

Սելահաթթին

 | 

Դեմիրթաշի

 | 

ծնողներին

 | 

Փայլանն

 | 

անդրադարձել

 | 

կուսակցության

 | 

նախկին

 | 

համանախագահի

 | 

ծնողների

 | 

մասնակցությամբ

 | 

ավտովթարին

 | 
Most Popular (6 hours)

Most Popular (24 hours)

Most Popular (a week)

Sources