Saturday 18 January 2020
Home      All news      Contact us      English
tert.am - 1 month ago

Կապալառուներն էլ պետք է փոխվեն, մենք էլ, և այդ փոփոխությունը պետք է կտրուկ լինի. ֆինանսների նախարարը՝ կապիտալ ծախսերի թերակատարման մասին

Ֆինանսների նախարար Ատոմ Ջանջուղազյանն այսօր տարվա ամփոփիչ ասուլիսին, անդրադառնալով կապիտալ ծախսերին և թերակատարման խնդրի լուծմանը, նախ վերլուծեց թերակատարման պատճառները: Քրոնիկ իրավիճակ ունենք՝ կապված արտաքին աջակցությամբ՝ վարկային դրամաշնորհային ծրագրերի հաշվին կատարվող կապիտալ ծախսերի հետ: Մենք միշտ ներքին ռեսուրսների հաշվին կապիտալ ծախսերի շատ սահմանափակ հնարավորություն ենք նախատեսել, հիմնական մասը արտաքին աջակցությամբ իրականացվող ծրագրերի հետ է կապված եղել: Միշտ ներքին ռեսուրսների հաշվին արվող ծախսերը կատարվել են 100 տոկոսին մոտ չափով, իսկ արտաքին աջակցությամբ իրականացվող ծախսերն էականորեն տարբերվում են դրանցից ,-ասաց նա: Նախարարը նշեց, որ կապիտալ ծախսերի կատարման առումով եղել է շեղում թե ցածր լինելու ուղղությամբ, թե բարձր, և դա պայմանավորված էր բյուջեի այն կարգավորմամբ, որով հնարավորություն էր տրվում նաև արտաքին աջակցությամբ իրականացվող ծրագրերի դեպքում բյուջեով նախատեսվածից ավելի կատարողական ունենալը: Նա նշեց, որ քրոնիկ ցածր է եղել և բացառություն է կազմել 2006 թվականը, որից հետո բացառել են այդ կարգավորումը՝ բյուջեով նախատեսվածից ավելի կատարողական ունենալը: Հիմա մենք ունենք ավելի մեծ ֆիսկալ տարածք ներքին ռեսուրսների հաշվին կապիտալ ծախսերի համար, մյուս կողմից ունենք հավակնություններ փոխել ընդհանրապես մեր մոտեցումն արվող աշխատանքի նկատմամբ: Մենք ուզում ենք ոչ թե յոլա գնալ , ոչ թե մի կերպ անել ծրագիրը, այլ անել լավագույնս: Այս երկուսը լրացուցիչ գորոծոններ են և սրանցով պայմանավորված՝ ունենք համեմատաբար ցածր կատարողական ,-ասաց նա: Ատոմ Ջանջուղազյանը նշեց, որ խնդիրն այն է, որ ծրագրային ցուցանիշը ավելի արագ է աճել, քան փաստացի կատարումը, արդյունքում ունեցել ենք կատարման ավելի ցածր տոկոս, քան ունեինք անցած տարի: Հիմա հարցին, թե ինչ ենք մենք անելու, ասեմ մենք դա անում ենք ամեն օր ,-ասաց նա և նշեց, որ իրենց կարողությունների վրա են աշխատում, որ պահանջները հստակ կարողանան ձևակերպել, որպեսզի կապալառուի մոտ թյուրընկալում չլինի: Կապալառուների համար առաջարկված պահանջարկը հնարավորություն է, որ իրենք կանխատեսեն, ծրագրավորեն իրենց ապագան և ներդրումներ անեն: Եթե իրենք չիմանան, որ մենք նախատեսում ենք մյուս տարի 500 կմ ճանապարհ բարեկարգել, իրենք չեն կարող ծրագրավորել ներդրումներ: Բայց այս պահանջարկը, որն արդեն բյուջետավորել ենք 2020 թվականի համար, իրենց համար հարմարվողականություն է, որ կազմակերպեն իրենց աշխատանքը: Այսինքն՝ իրենք պետք է փոխվեն, իրենք չեն կարող մնալ իրենց հին վիճակում և բավարարել նոր առաջադրված պահանջները, իրենք էլ պետք է փոխվեն, մենք էլ , և այդ փոփոխությունը պետք է կտրուկ լինի ,-հավելեց նա:

Related news

Latest News
Hashtags:   

Կապալառուներն

 | 

փոխվեն

 | 

փոփոխությունը

 | 

կտրուկ

 | 

ֆինանսների

 | 

նախարարը՝

 | 

կապիտալ

 | 

ծախսերի

 | 

թերակատարման

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources