Monday 27 January 2020
Home      All news      Contact us      English
tert.am - 2 month ago

Իլոն Մասկը շահել է զրպարտության գործով դատը

Լոս Անջելեսի դատարանն անհիմն է համարել գործարար Իլոն Մասկի դեմ բրիտանացի ջրասուզորդ Վերնոն Անսուորթի՝ իր հասցեին զրպարտության գործով ներկայացրած հայցը, գրում է BBC-ն: Անսուորթը, որը Մասկի դեմ հայց էր ներկայացրել 2018 թվականի սեպտեմբերին, նրան մեղադրել էր զրպարտելու, մասնավորապես մանկապիղծ անվանելու համար՝ պահանջելով առնվազն 75 հազար դոլարի փոխհատուցում: Երդվյալ ատենակալները, որոնց թվում եղել են հինգ տղամարդ և երեք կին, եկել են այն որոշմանը, որ տերմինը, որը Մասկը հնչեցրել է բրիտանացու հասցեին, չի կարելի զրպարտություն որակել: Նիստի ընթացքում Մասկը հերքել է մեղադրանքները և հայտարարել, որ ինքը չի հաստատել, որ Անսուորթը մանկապիղծ է: Միլիարդատիրոջ խոսքով՝ ինքը պարզապես բարկացած է եղել ջրասուզակի խոսքերից, որն օգնության նպատակով Թաիլանդ ուղարկած իր նավը PR հնարք էր անվանել: Բացի այդ, Մասկը նշել է, որ սկզբում չի իմացել երեխաների փրկության գործողությանն Անսուորթի մասնակցության մասին: Գործարարն ավելի վաղ հրապարակավ ներողություն էր խնդրել ջրասուզորդից, սակայն ընդգծել էր, որ պարտավոր չէ նրան փոխհատուցում վճարել: Անսուորթը մասնակցել է 2018-ի հունիսին Թաիլանդի քարանձավներից մեկում ջրհեղեղի հետևանքով կորած 12 երեխաների և նրանց մարզչի փրկարարական լայնածավալ աշխատանքներին: Նա հայտնաբերել է նրանց գտնվելու վայրը քարանձավում և թիմ հավաքելով՝ կարողացել է փրկել նրանց: Մասկը և նրա SpaceX ընկերությունը Թաիլանդ էին ուղարկել սուզանավ: Անսուորթը հարցազրույցներից մեկում հայտարարել էր, որ սուզանավն անհնար էր օգտագործել, որ դա ընդամենը PR հնարք էր: Դրանից հետո Մասկը ջրասուզորդին բազմիցս մանկապիղծ էր անվանել: Ամերիկյան պարբերականների լրագրողներին ուղղված նամակներում Մասկն առաջ էր քաշել այն տեսությունը, որ Անսուորթը հատուկ բնակություն է հաստատել Թաիլանդում, որպեսզի ամուսնանա անչափահասի հետ:

Related news

Latest News
Hashtags:   

Մասկը

 | 

շահել

 | 

զրպարտության

 | 

գործով

 | 
Most Popular (6 hours)

Most Popular (24 hours)

Most Popular (a week)

Sources