Thursday 23 January 2020
Home      All news      Contact us      English
tert.am - 2 month ago

Բանկային գաղտնիքի մասին օրենքի նախագծում փոփոխություններին մեր կողմ քվեարկելն ամենևին չի նշանակում, որ հանձնաժողովի եզրակացությունը դրական է. Վարդան Աթաբեկյան

Ֆինանսավարկային և բյուջետային հարցերի մշտական հանձնաժողովի անդամ, Իմ քայլը խմբակցության պատգամավոր Վարդան Աթաբեկյանը Ազգային ժողովում ՀՀ բանկային գաղտնիքի մասին օրենքի նախագծում փոփոխությունների առաջարկը քննարկելիս ներկայացրեց հանձնաժողովի դիրքորոշումը: Այսպիսով նախագիծը մշակվել է ուժը կորցրած ճանաչելու համար անպարտաճանաչ պարտատերերի անունները/անվանումները հրապարակելու Կենտրոնական բանկի իրավասությունը: Նախագիծը ներկայացրեց Կենտրոնական բանկի նախագահի տեղակալ Ներսես Երիցյանը: Վարդան Աթաբեկյանը նշեց, որ օրենքը վերաբերում է բոլոր այն կազմակերպություններին և անհատներին, որոնք ունեն 20 միլիոնից ավելի բանկային պարտավորություն, որը 180 օր շարունակ չեն կատարել: Քանի որ խնդիրը զգայուն է, և հիմնական երկու հարցերի պատասխանները չտրվեցին, ուստի հանձնաժողովի մեծամասնությունը որոշեց կողմ քվեարկել, որ հարցը մտնի լիագումար նիստերի օրակարգ: Կուզեմ նշել, որ մեր կողմ քվեարկելը ամենևին չի նշանակում, որ հանձնաժողովի եզրակացությունը դրական է, ասեմ ավելին մենք միտված ենք եղել դեմ քվեարկելուն ,-ասաց նա: Վարդան Աթաբեկյանը նշեց, որ հիմնականում խնդիր կա: Ազգային ժողովում օրենք եք բերել ընդունել, հետո չգիտեմ՝ ինչ խնդրով, դուք դա չեք հրապարակել, քանի որ եթե մարդու տվյալները պետք է հրապարակեք ու որոշում եք չհրապարակել, հազար միտում կարող է լինել: Եթե օրենքի չեղարկման հիմքը դնում եք այն, որ կարող է դժգոհություն լինել և սնանկացում, ապա պետք է ասեք, որ 2004 թվականին, որ օրենք եք ընդունել և հրապարակել եք այդ ցուցակը, ով է դժգոհել, և ով է դրա հետևանքով սնանկացել ,-ասաց նա: Հայտնենք, որ անպարտաճանաչ պարտատերերի անունները/անվանումները հրապարակելու Կենտրոնական բանկի իրավասության դրույթի ընդունման նպատակն է եղել անպարտաճանաչ պարտատերերի անունները/անվանումները հրապարակելու միջոցով հակազդել նրանց վարքագծին՝ նպաստելով ֆինանսական համակարգում վարկերի վերադարձելիությանը և ապահովել ֆինանսական կայունությունը՝ այլ, ավելի արդյունավետ մեխանիզմների բացակայության պայմաններում: Նախագծի ընդունման արդյունքում կհստակեցվեն այդ ոլորտը կարգավորող իրավական ակտերը:

Related news

Latest News
Hashtags:   

Բանկային

 | 

գաղտնիքի

 | 

մասին

 | 

օրենքի

 | 

նախագծում

 | 

փոփոխություններին

 | 

քվեարկելն

 | 

ամենևին

 | 

նշանակում

 | 

հանձնաժողովի

 | 

եզրակացությունը

 | 

դրական

 | 

Վարդան

 | 

Աթաբեկյան

 | 
Most Popular (6 hours)

Most Popular (24 hours)

Most Popular (a week)

Sources