Sunday 19 January 2020
Home      All news      Contact us      English
tert.am - 1 month ago

Այո՛, իշխանությունները կարող են նաև կալանավորել Սերժ Սարգսյանին, եթե իրենց պետք լինի. նրան նոր մեղադրանք առաջադրելու համար որոնողական աշխատանքները շարունակվելու են. Արմեն Աշոտյան

Ես վստահ եմ, որ որոնողական աշխատանքները շարունակվելու են ՀՀ երրորդ նախագահ Սերժ Սարգսյանին նոր մեղադրանք առաջադրելու համար: Այս մասին լրագրողների հետ հանդիպմանը հայտարարեց ՀՀԿ փոխնախագահ Արմեն Աշոտյանը՝ պատասխանելով Tert.am-ի հարցին, թե չի՞ կարծում, որ Սերժ Սարգսյանը որպես մեղադրյալ կներգրավվի նաև այլ քրեական գործերում: Աշոտյանի խոսքով՝ տրամաբանությունը նման է ՀՀ երկրորդ նախագահ Ռոբերտ Քոչարյանի նկատմամբ իրականացվող քաղաքական հետապնդման տրամաբանությանը: Քոչարյանի գործն էլ Մարտի 1 -ով սկսվեց, հետո Սիլվա Համբարձումյան ծագեց ու այդպես շարունակ: Իշխանությունները կփորձեն կողքից ստեղծել տեղեկատվական աղմուկ, անկախ նրանից՝ հիմք ունե՞ն, թե ոչ: Բնականաբար, իշխանությունն այս մեղադրանքով բավարարվել չի կարող, ճնշումները շարունակվելու են, բայց մենք այն բանակն ենք, որը ճնշումներից չի գունազրկվում, չի գունաթափվում ,-ասաց Աշոտյանն ու ընդգծեց՝ եթե իշխանությունները պատրաստ են այդ մենամարտին , կարող են սկսել: Բայց պետք է հասկանալ՝ հանուն ինչի՞ է պետք քանդել Հայաստանում քաղաքական մշակույթը, ավերել հանդուրժողականությունը, բացառել փոխգործակցության էլեմենտները. որ ի՞նչ լինի: Այս ամենի ռացիոնալ հատիկը ո՞րն է: Որևէ բանական, տրամաբանական բացատրություն ես չունեմ, Հայաստանում պոպուլիստական ռեժիմ է, որը գնալով դառնում է լատինամերիկյան պոպուլիզմ ,-հայտարարեց ՀՀԿ փոխնախագահը: Նա իշխանությունների վարած քաղաքականությունը համեմատեց մեքսիկական սերիալների սցենարիստների ստեղծած կաղապարների հետ: Վերիններս հիմնականում ունեն մի քանի գործիք՝ սեր, բաժանում, կողմնակի երեխա: Այս սերիալների սցենարիստները նույն կաղապարների մեջ են: Նույն սցենարին կարող են դիմել, և այո՛, կարող են նաև կալանավորել Սերժ Սարգսյանին, եթե պետք լինի իրենց ,-ասաց Աշոտյանը, ապա հավելեց. Անկեղծ ասած, ես էլ դեմ չեմ 6-8 ամիս նստել , մինչև այս ամենն ավարտվի: Իրենք էլ դեմ չեն ինձ նստեցնել , բայց լուրջ հիմքեր չունեն : Հիշեցնենք՝ ՀՀ երրորդ նախագահ Սերժ Սարգսյանին մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով նախատեսված հանրորեն վտանգավոր այն արարքի կատարման համար, որ նա, 2008 թվականի ապրիլի 9-ից մինչև 2018 թվականի ապրիլի 9-ը զբաղեցնելով ՀՀ նախագահի պաշտոնը, իր պաշտոնեական դիրքն օգտագործելով, 2013 թվականի հունվարի 25-ից մինչև նույն թվականի փետրվարի 7-ն ընկած ժամանակահատվածում կազմակերպել է պաշտոնատար մի խումբ անձանց կողմից պետությունից վատնելու եղանակով առանձնապես խոշոր չափերով գումարի՝ 489.160.310 ՀՀ դրամի հափշտակության կատարումը:

Related news

Latest News
Hashtags:   

իշխանությունները

 | 

կարող

 | 

կալանավորել

 | 

Սարգսյանին

 | 

իրենց

 | 

մեղադրանք

 | 

առաջադրելու

 | 

համար

 | 

որոնողական

 | 

աշխատանքները

 | 

շարունակվելու

 | 

Արմեն

 | 

Աշոտյան

 | 
Most Popular (6 hours)

Most Popular (24 hours)

Most Popular (a week)

Sources