Friday 24 January 2020
Home      All news      Contact us      English
tert.am - 2 month ago

Ես պետբյուջեից ոչ մի լումա չեմ գողանում,  ընդհակառակը կկտրենք բոլոր այն ձեռքերը, որոնք կփորձեն որևէ բան վերցնել. վարչապետ

2020 թվականի բյուջեն հեղափոխական է և աղետի գոտու խնդիրները լուծելու առումով նույնպես հեղափոխական է, քանի որ այս տարի աննախադեպ մեծ թիվ է տրամադրվել աղետի գոտու խնդիրների լուծման համար 3 միլիարդ դրամ: Այս մասին Ազգային ժողովում 2020 թվականի բյուջեի քննարկմանն իր եզրափակիչ ելույթում հայտարարեց ՀՀ վարչապետ Նիկոլ Փաշինյանը:

Նա նշեց, որ սրանով լուծում ենք բոլոր այն քաղաքացիների հարցերը, ում նկատմամբ ՀՀ ունեցած պարտավորությունը դե յուրե արձանագրված է: 2018 թվականից ի վեր մենք 66 միլիարդ դրամով ավելացրել ենք պաշտպանական բյուջեն, որը մոտավորապես 28 տոկոս է, կարող եք հավաստիանալ, որ 2018 թվականի մայիսից ի վեր Հայաստանի Հանրապետությունը ձեռք է բերել աննախադեպ քանակի զենք, զինամթերք, սպառազինություն, և ՀՀ կառավարությունը հստակ շարունակելու է այս քաղաքականությունը ,-ասաց նա: Անդրադառնալով ներդրումներին՝ նա ասաց, որ 456 միլիոն դոլար օտարերկրյա ուղիղ ներդրումներ են եղել: Հեղափոխական ծավալներով բյուջեի եկամուտներն ավելացվել են և 2018 թվականի համեմատ 353 միլիարդ դրամ եկամուտ է ավելացել: Մենք էլ գոհ չենք սրանից, բայց կա մի տրամաբանություն. մենք բարձրանում ենք աստիճան և այն ունի 100 աստիճան, որպեսզի 100-րդ աստիճանին հասնենք անպայման պետք է անցնենք 1-ին, 2-րդ, 3-րդ, 4-րդը, հիմա մենք լոնքերով 4-րդն ենք թռնում, մեր ընդդիմադիրներն ասում են՝ միանգամից 12-րդ թռեք։ Չի՛ կարող լինել այդպիսի բան, չնայած մեզ դուր է գալիս, որ ասում եք 12-րդ, 24-րդ թռեք, մեզ դա դուր է գալիս, դուխ տվեք մեզ և մենք կթռնենք ,- ասաց նա:

Վարչապետը կոչ արեց բոլորին չաշխատել առանց հաշիվ ապրանքագրերի: Պետությունից հարկ թաքցնողը և դրան ուղղված գործողություն անողը գողանում է զինվորից, գողանում է այն զինվորից, որը սահմանին կանգնած, իր կյանքը վտանգելով, պաշտպանում է մեր՝ բոլորիս այստեղ բանավիճելու իրավունքը: Հետևաբար՝ մի՛ գողացեք մեր զինվորներից: Ես կարծում եմ, որ բոլորը գիտեն, որ չենք գողանում պետական բյուջեից, ես չեմ գողանում ոչ մի լումա, և ընդհակառակը ասում եմ, որ կկտրենք բոլոր այն ձեռքերը, որոնք մեր ազգային հարստությունից կփորձեն որևէ բան վերցնել, մեր զինվորից, թոշակառուից, ուսուցչից ,-ասաց նա:

Նիկոլ Փաշինյանն ամենակարևորը համարեց այն, որ Կառավարության գործերը լավ են: Այս ամենը ցույց է տալիս, որ մեր գործերն ավելի է լավանում ,- ասաց նա և առաջարկեց բանաձև որդեգրել, որ ՀՀ և Արցախի Հանրապետության ապագան կախված է մեկ մարդուց և այդ մեկ մարդը ես եմ :

Related news

Latest News
Hashtags:   

պետբյուջեից

 | 

լումա

 | 

գողանում

 | 

ընդհակառակը

 | 

կկտրենք

 | 

բոլոր

 | 

ձեռքերը

 | 

որոնք

 | 

կփորձեն

 | 

վերցնել

 | 

վարչապետ

 | 
Most Popular (6 hours)

Most Popular (24 hours)

Most Popular (a week)

Sources