Monday 27 January 2020
Home      All news      Contact us      English
tert.am - 2 month ago

Քաղաքապետի թանկարժեք կապրիզները. կորչե՛ն ներդրումները

ԿամԱԶ -ների անիվների տակից դեռ դուրս չեկած ՝ քաղաքապետ Հայկ Մարությանը հաջողացրել է հայտնվել մեկ այլ սկանդալի կիզակետում: Մասնավորապես, արձագանքելով ԲՀԿ առաջնորդ Գագիկ Ծառուկյանի այն հայտարարությանը, որ ազգությամբ արաբ գործարարները հանդիպել են Հայկ Մարությանի և Արթուր Մեսչյանի հետ, որից կես ժամ անց հիասթափված հեռացել են, Մարությանը, փաստացի տապալված բանակցությունների ամբողջ մեղքը բարդել էր խոշոր ներդրումային ծրագրով Երևան ժամանած հյուրերի վրա. պարզվում է՝ քաղաքապետը խիստ սրտնեղել է իր հետ հանդիպման եկած ներդրողների ազատ ոճի հագուկապից, ինչպես նաև նրանց հեռախոսներին եկած զանգերից:

Դրան գրեթե զուգահեռ Երևանի քաղաքապետի մամուլի խոսնակ Հակոբ Կարապետյանն էր անդրադարձել թեմային՝ հայտարարելով, որ Աբու Դաբիի թագաժառանգի նախաձեռնությունը Երևանում անվճար հիվանդանոց ու հյուրանոցներ կառուցելու վերաբերյալ, օդի մեջ խոսակցություն է։ Այն, որ Հայկ Մարությանը հաջողացրել է լիարժեքորեն տապալել իր առաքելությունը Երևանի քաղաքապետի պաշտոնում ու փաստացի վերածվել ավելորդ բալաստի հենց իր թիմի ու անձամբ Նիկոլ Փաշինյանի ուսերին, փաստ է: Նա սպառել է իր լիմիտն ու այդպիսով կրակը գցել սեփական թիմին, որի համար շատ դժվար է դարձել հստակ կողմնորոշվելը՝ Մարությանը պետք է մնա՞, թե՞ հեռանա: Մարությանը տապալված բանակցությունների մեղքը, փաստորեն, բարդում է արաբ հյուրերի վրա՝ նրանց մեղադրելով իբր անհարգալից պահվածքի, հագուկապի ու էլի չգիտես ինչերի մեջ: Սակայն արդյոք այդ ամենը կարո՞ղ է ռեալ փաստարկ համարվել մի դեպքում, երբ անձամբ քաղաքապետն էլ առանձնապես չի փայլում դասական ոճի հագուկապի նկատմամբ տածած սիրով, իսկ պետական միջոցառումներին կամ տոներին չի վարանում ներկայանալ ազատ ոճի հագուստով: Կամ եթե հարցն ավելի լայն դիտարկենք, ապա Մարությանի տրամաբանությամբ նույն Նիկոլ Փաշինյանը պետք է վաղուց զրկված լիներ նույն եվրոպացիների հետ երկխոսելու իրավունքից. միայն Իտալիա կատարած վերջին այցի շրջանակներում այդ երկրի սենատի նախագահ Մարիա Էլիզաբետա Կազելատիի հետ հանդիպմանը գրանցված քաղաքավարության բոլոր նորմերին հակասող միջադեպը, որը, ի դեպ, անարձագանք չմնաց իտալական մամուլում, բավարար կարող է համարվել, որպեսզի Հայաստանի ղեկավարի ոտքն ընդմիշտ կտրվի այդ երկրից, կամ ասենք իտալական բիզնեսը Հայաստանից թողնի ու հեռանա: Նույնը վերաբերում է Փաշինյանի՝ Ֆրանսիա կատարած այցին, որը նույնպես առանց կիքսերի չէր անցել: Եվրոպացիները, սակայն ի տարբերություն Մարության Հայկի, շատ ավելի լայնախոհ են ու սովոր չեն միջպետական հարաբերություններ կամ բիզնես գործընկերություն զարգացնելիս ընկնել երկրորդական բաների հետևից՝ չնայած որ Փաշինյանի պարագայում այդ ամենը բնավ էլ երկրորդական չէր:

Եթե իսկապես Մարությանի նպատակը քաղաքի զարգացումն է, տրված խոստումների գոնե մի չնչին մասը կյանքի կոչելը, կարող էր և ի սեր սեփական համաքաղաքացիների աչք փակել անկարևոր բաների վրա ու հարցին ցուցաբերել գործնական մոտեցում. ի՞նչ կարևոր է՝ ինչ տաբատ են հագել, կարևորն այն է, թե հյուրերն ինչ ծրագրով են ներկայացել: Իսկ եթե ջինսից տրտնջացող քաղաքապետն այդքան սկզբունքային ու նյարդային է, ձվի մեջ մազ փնտրող , ապա նա ակնհայտորեն իր տեղում չէ ու պետք է կա՛մ հրաժարվի հանդիպումներից, կա՛մ, առհասարակ, նոր աշխատանք որոնի, քանի որ երկրի կեսը ղեկավարող մարդու համար առաջնային պետք է լինեն ոչ թե սեփական կապրիզները, այլ՝ աշխատանքն ու դրա արդյունքը, որն այս պարագայում զրոյական է:

Մարությանի արդարացումները որևիցե պարագայում չեն կարող հիմնավոր համարվել, քանի որ ցանկության դեպքում հաստատ քաղաքապետարանին դժվար չէր լինի Երևանի կենտրոնում ինչ-որ անկյուն գտնել ու այն հատկացնել լայնամասշտաբ ներդրումային ծրագիր ներկայացնող հյուրերին: Ինչո՞ւ է քաղաքապետը, ով ի պաշտոնե կարևոր մասնիկն է այն նույն իշխանությունների, որոնց պարագլուխը պնդում է, թե Հայաստանում չկա գեթ մեկ հոգի, ով ավելի շահագրգիռ կարող է լինել երկրում ներդրումների ներգրավման հարցում, փաստացի ձախողել մի ձեռնարկ, որն ակնհայտորեն ավելորդ չէր կարող դիտարկվել ոչ միայն քաղաքային, այլև համապետական մասշտաբով: Պատճառը, թերևս, ոչ այնքան արաբ հյուրերի հեռախոսների կամ ազատ ոճի հագուկապի մեջ է, որքան՝ այդ ամենով քողարկված քաղաքական մրցակցության: Եթե ներդրողները Հայաստան ժամանեին ոչ թե Իմ քայլի քաղաքական օպոնենտ հանդիսացող ԲՀԿ-ի առաջնորդի, այլ ասենք ինչ-որ գրանտակեր տրանսվեստիտի հրավերով, ապա հաստատ ոչ միայն Երևանի կենտրոնում, այլև Հայկ Մարությանի գլխի վրա տեղ կգտնեին նրանց տեղավորելու: Բայց քանի որ արաբները կասկածվել են ԲՀԿ-ի ջրաղացին ջուր լցնելու մեջ, ուրեմն՝ անխուսափելիորեն ենթակա էին լինելու մերժման, և թքած, թե դրա արդյունքում քաղաքամայրը կամ ողջ հանրապետությունը քանի միլիոնից կամ միլիարդից էր զրկվելու:



Վարդգես Սարգսյան

Related news

Latest News
Hashtags:   

Քաղաքապետի

 | 

թանկարժեք

 | 

կապրիզները

 | 

կորչե՛ն

 | 

ներդրումները

 | 
Most Popular (6 hours)

Most Popular (24 hours)

Most Popular (a week)

Sources