Wednesday 29 January 2020
Home      All news      Contact us      English
tert.am - 2 month ago

Նախիջևանում մեծ խնդիր ունենք, ռազմական, զինուժ է հավաքվում, առանձնապես չեմ նկատել, որ մեր ԱԳՆ-ն այս ուղղությամբ քայլեր է ձեռնարկում. Արման Նավասարդյան (տեսանյութ)

Բրատիսլավայում Հայաստանի և Ադրբեջանի արտաքին գործերի նախարարների հանդիպումը դարակազմիկ չէր: Առավել կարևոր է գործընթաց, որը տեղի է ունենում տարածաշրջանում, պանթուրքիստական քաղաքականության զարգացումն է, Նախիջևանում կատարվող գործողությունները: Այս մասին Tert.am-ի հետ զրույցում ասաց ՀՀ արտակարգ և լիազոր դեսպան Արման Նավասարդյանը: Անդրադառնալով Մնացականյան-Մամեդյարով հանդիպմանը՝ Արման Նավասարդյանն ասաց, որ պաշտոնական հաղորդագրության մեջ ասվում է, թե ինչ է արվել, բայց թե կուլիսներում ի՞նչ խոսակցություն է եղել, մենք դա չգիտենք: Բայց ես չեմ կարծում, որ այնտեղ ինչ որ դարակազմիկ հանդիպում է եղել կամ դիվանագիտական ճեղքում, ինչպես ասում են, որովհետև դրանից առաջ Լավրովի՝ Հայաստան և Բաքու այցերը, հուշում էին այն մասին, թե ինչ ճանապարհով են գնալու բանակցությունները: Իրոք, այնտեղ պետք է լիներ ընդհանուր ձևակերպումներ, ինչպես եղել էր երկու մայրաքաղաքներում՝ փոխհամաձայնության ու փոխզիջումների ճանապարհով, բայց թե դա որքանո՞վ կլինի դիվանագիտական բեկում հարաբերություններում, դժվարանում եմ ասել: Բայց ընդհանուր գործընթացը խոսում է այն մասին, որ ընդհանուր հույսեր, մեծ հեռանկարներ այստեղ տեսնելը կլիներ ոչ շատ ճիշտ ,-ասաց Արման Նավասարդյանը:
Արման Նավասարդյանն անդրադարձավ նաև հոկտեմբերին Բաքվում կայացած Թյուրքալեզու պետությունների համագործակցության խորհրդի 7-րդ համաժողովին, և նշեց, որ դա նույն պանթուրքիստական քաղաքականության զարգացումն է: ՌԴ-ն փորձում է հսկել այդ կազմակերպության հետագա դինամիկան, և Լավրովը երկու անգամ է անդրադարձել դրան ,-ասաց Նավասարդյանը՝ նշելով, որ դա ընդհանուր պանթուրքսիստական քաղաքականության քաղաքականություններից մեկն է՝ հիմնված Ազգային ուխտի սկզբունքի վրա, որը վերաբերում է Օսմանյան կայսրության սահմանների ու տարածքների վերականգնմանը: Դիտարկմանը, թե ՀՀ-ն, ըստ էության, երկու կողմից է թիրախավորվում, Արման Նավասարդյանն ասաց. Իհարկե, Թուրքիան Սիրիայում չի կանգնելու, շարունակելու է իր գործողությունները, սա՝ մեկ: Երկրորդ, պանթուրքիստական գաղափարախոսությունը երկրորդ շնչառություն է ստանում Արաբական գարունից հետո, սա դեպի Արևելք ուղղված քաղաքական կուրս է, որի ուղղություններից մեկը Հայաստանն է. այստեղից հասնել Հյուսիսային Կովկաս, դրանից հետո հաջորդ թիրախը կարող է լինել ՌԴ-ի մուսուլմանական շրջանները, ինչպես նաև՝ Միջին Ասիան: Եվ, բնականաբար, սա ուղղված է Հայաստանի դեմ, սա նախազգուշացնում ու մտահոգություն է առաջացնում անգամ չինացիների մոտ, և չին դիվանագետները կարծում են, որ Հայաստանը սա կարող է կանգնեցնել ,-ասաց Նավասարդյանը: Նա նշեց, որ այս քաղաքականության պարագայում ՀՀ-ի համար խնդիրը միայն Արցախը չէ, կա նաև Նախիջևանի խնդիր: Մենք նախիջևանյան շատ մեծ խնդիր ունենք, այնտեղ տեղի է ունենում թուրք-ադրբեջանական շատ ակտիվ միլիտարիզացիոն կուրս. և՛ ռազմական տեխնիկա, և՛ զինուժ է հավաքվում, այնտեղ տարին մի քանի անգամ զորախաղեր են տեղի ունենում, այնտեղ, վերջին հաշվով, Ադրբեջանի երկու տիեզերական կայաններից մեկն է գտնվում, որը հետախուզական աշխատանք է կատարում, և Ապրիլյան պատերազմի ժամանակ մեծ դեր ունեցավ բացասական առումով: Այնտեղ է Թուրքիայի երրորդ դաշտային բանակը, և այն սահմանը, որ գոյություն ունի 13կմ երկարությամբ, անարգել Թուրքիային է կցում և՛ զինուժը, և՛ մարդկանց, և կարծես թե երկրորդական պլան մղում Ադրբեջանին, բայց բոլոր գործողություններն անում միասին ,-ասաց դեսպանը՝ նշելով, որ 2010 թվականին կնքած պայմանագիր ունեն՝ ուղղված երրորդ երկրի դեմ, և դա Հայաստանն է: Հարցին, թե ի՞նչ է անում Հայաստանն այդ ամենի դեմ և ՀՀ-ի պետական քաղաքականությունը որքանո՞վ է ուշադրություն դարձնում այս հարցին, Նավասարդյանն ասաց. Ես առանձնապես չեմ նկատել, որ մեր արտաքին գործերի նախարարությունը քայլեր է ձեռնարկում: Կան մարդիկ, ովքեր շատ մտահոգված են, բայց պետական մակարդակով պետք է տարվի քաղաքականություն, մեր ամբողջ դիվանագիտական կորպուսը պետք է նպատակամղվի այս խնդրի կասեցմանը և աշխատանք տանի այս ուղղությամբ միջազգային հողի վրա՝ հասկացնելով, որ այս ամենը միայն Հայաստանի դեմ չէ: Սա մաբողջ քաղաքակիրթ աշխարհին է վերաբերում : Առավել մանրամասն՝ տեսանյութում:

Related news

Latest News
Hashtags:   

Նախիջևանում

 | 

խնդիր

 | 

ունենք

 | 

ռազմական

 | 

զինուժ

 | 

հավաքվում

 | 

առանձնապես

 | 

նկատել

 | 

ուղղությամբ

 | 

քայլեր

 | 

ձեռնարկում

 | 

Արման

 | 

Նավասարդյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources