Saturday 25 January 2020
Home      All news      Contact us      English
tert.am - 2 month ago

Հրվ. Կորեայում մահացել է հայտնի երգիչ և դերասան Չհա Ին Հան. սա երկրում վերջին երկու ամսվա ընթացքում նույնօրինակ մահվան երրորդ դեպքն է

Հարավայում Կորեայում մահացել է Surprise U քեյ-փոփ խմբի անդամ և սկսնակ դերասան Չհա Ին Հան: Նա 27 տարեկան էր: Չհա Ին Հան երկրում վերջին երկու ամսվա ընթացքում մահացած արդեն երրորդ երիտասարդ արտիստն է, հայտնում է koreaboo.com կայքը: Չհա Ին Հայի դին գտել են նրա տանը: Մահվան պատճառները դեռևս հայտնի չեն: Տաղանդների որոնմամբ զբաղվով Fantagio հարավկորեական գործակալության ներկայացուցիչը խնդրել է երգչի մահվան վերաբերյալ լուրեր չտարածել, որպեսզի աստղի ընտանիքը հնարավորություն ունենա հանգիստ պայմաններում հրաժեշտ տալու նրան: Հոկտեմբերին Հարավային Կորեայում մահացել էր F(x) խմբի 25-ամյա նախկին անդամ Սոլլին: Վերջինիս նույնպես տանը մահացած էին գտել: Իսկ նոյեմբերի վերջին մահացել էր Սոլլիի մոտ ընկերուհին 28-ամյա դերասանուհի և երգչուհի Գու Հարան, որին նույնպես իր սեփական տանը մահացած էին գտել: Սոլլիի մահվանից հետո ոստիկանությունը հայտնել է, որ աղջկա մոտ երկարատև ընկճախտ է եղել, և հնարավոր է, որ նա ինքնասպան է եղել: Նշվում է, որ նախկինում երկու երգչուհիներն էլ բողոքել են համացանցում թունավորումից : Երգչուհիները համացանցում հագուստի ընտրության հարցում կանանց ազատությունն էին քարոզում, որի համար էլ կորեական ավանդապաշտ հասարակության կողմից սուր քննադատության էին արժանանում: Հարավային Կորեայի նախագահի աշխատակազմի կայքում կիբերբուլլինգի դեմ օրենքի խստացման պահանջով մի քանի խնդրագիր է ներկայացվել:

Related news

Latest News
Hashtags:   

Կորեայում

 | 

մահացել

 | 

հայտնի

 | 

երգիչ

 | 

դերասան

 | 

երկրում

 | 

վերջին

 | 

երկու

 | 

ամսվա

 | 

ընթացքում

 | 

նույնօրինակ

 | 

մահվան

 | 

երրորդ

 | 

դեպքն

 | 
Most Popular (6 hours)

Most Popular (24 hours)

Most Popular (a week)

Sources