Tuesday 28 January 2020
Home      All news      Contact us      English
tert.am - 2 month ago

Ովքեր հեղափոխության են մասնակցել, միայն նրա՞նք են ժողովուրդը, այդ նրա՞նց է թույլատրված փողոց փակել, մյուսների հանդեպ պետք է կիրառել բիրտ ո՞ւժ. Արթուր Ղազինյան (տեսանյութ)

Իշխանությունը չի ներկայացրել տասնամյակների ընթացքում տարբեր ոլորտներում կուտակված խնդիրների լուծման դեղատոմսեր, 70 տոկոս քվե ունեցող ուժը չի հաջողել իր իսկ առաջ քաշած որևէ օրակարգում: Արմնյուզ ՀԸ #ՕրաԽնդիր հաղորդմանը նման կարծիք է հայտնել Մեկ Հայաստան կուսակցության նախագահ Արթուր Ղազինյանը. Իշխանությունն այնքան էլ զերծ չէ կոռուպցիոն ռիսկերից: Դա տեսանք և՛ ՊՎԾ-ում, և՛ Երևանի քաղաքապետարանում: Արդյոք չկա՞ն մինչ այժմ թաքնված կոռուպցիոն շերտեր, որոնք ժամանակի ընթացքում կարող են պայթել: Իշխանությունն անփորձ է նման բարդագույն իրավիճակներում խնդիրներ լուծելու առումով : Ըստ Ղազինյանի՝ թավշյա հեղափոխության մեջ էական դերակատարում ունեցան տարբեր գլոբալիստական ուժեր, ՀԿ-ներ, մարգինալների խմբեր. Նախորդ իշխանության օրոք այդ ՀԿ-ները գործում էին արժեհամակարգային դաշտում, դա կարծես ապաքաղաքական գործունեություն էր: ՀԿ-ների համար չպետք է նշանակություն ունենա՝ ով է իշխանություն, այսինքն՝ եթե ոստիկանությունն անհամաչափ ուժ է կիրառում, կապ չունի՝ ում հրամանով և ում դեմ է կիրառում : Արթուր Ղազինյանի կարծիքով՝ նախկին իշխանությունների բացասական վարկանիշը գործող իշխանությունը վերափոխեց իր դրական վարկանիշի, բայց այն իր սեփականը չէ. Ժամանակին հռչակվում էր, թե ժողովուրդն ամեն ինչ պիտի որոշի: Ովքեր հեղափոխության են մասնակցել, միայն նրա՞նք են ժողովուրդը, նրանց կարելի է փողոց փակել, հասարակական կյանքը պարալիզացնել, մյուսների հանդեպ պետք է կիրառել բիրտ ո՞ւժ: Ո՞վ է տալիս փողոց փակելու մանդատ: Իշխանությունը պետք է անի քայլեր, որոնք պետք են պետությանը, բայց միգուցե հաճելի չեն հանրությանը, այն պետք է իրականացնի ոչ պոպուլյար բարեփոխումներ : Քաղաքական գործչի կարծիքով՝ ՀՀ արտաքին քաղաքականությունը և հատկապես ղարաբաղյան բանակցություններն այս փուլում ռիսկային են, վարչապետի մոտեցումն էլ անհասկանալի է և հակասական. Միջնորդները չգիտեն՝ ո՞ր դիրքորոշումը ելակետային համարել՝ Արցախը պետք է ինքնուրույն բանակցի և կո՞ղմ դառնա, թե՞ Արցախը Հայաստան է և վերջ : Ի՞նչ է պատրաստ զիջել Փաշինյանը Ադրբեջանի ժողովրդին այդ որոշումն ընդունելի դարձնելու համար, նա տեղյա՞կ է Ադրբեջանի ժողովրդի ցանկություններից: Նրանք ուզում են ամբողջ Արցախը և հիմա :

Արթուր Ղազինյանի կարծիքով՝ իշխանությունը գործնական չէ, և եթե նախկին իշխանությունների բրենդը կոռուպցիան էր, ներկա իշխանության բրենդը կոռուպցիայի մասին անդադար խոսելն է: Նման տուրբուլենտ, ֆրուստրացիոն վիճակում ցանկացած խելամիտ ներդրող երկար կմտածի, քանի որ նա գիտի՝ եթե իր որևէ քայլ իշխանության դուրը չգա, նա կհրապարակի իր բանկային գաղտնիքը ,- ամփոփել է քաղաքական գործիչը:
Դավիթ Սարգսյան

Related news

Latest News
Hashtags:   

Ովքեր

 | 

հեղափոխության

 | 

մասնակցել

 | 

միայն

 | 

նրա՞նք

 | 

ժողովուրդը

 | 

նրա՞նց

 | 

թույլատրված

 | 

փողոց

 | 

փակել

 | 

մյուսների

 | 

հանդեպ

 | 

կիրառել

 | 

Արթուր

 | 

Ղազինյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources