Wednesday 29 January 2020
Home      All news      Contact us      English
tert.am - 2 month ago

Լենա Նազարյանը նախագիծ է մշակել, որով առաջարկում է ընդլայնել ՏԻՄ-երի հրապարակային գործունեության դաշտը

Խորհրդարանը քննարկում է Տեղական ինքնակառավարման մասին Հայաստանի Հանրապետության օրենքում փոփոխություններ կատարելու մասին օրենքի նախագիծը առաջին ընթրեցմամբ ընդունելու հարցը: Նախագծի հեղինակը ԱԺ փոխխոսնակ Լենա Նազարյանն է: Նազարյանը նշեց, որ օրենքը միտված է ընդլայնելու ՏԻՄ-երի հրապարակային գործունեության դաշտը: Ես առաջարկում եմ իրավական ակտերի նախագծերի հրապարակման միասնական կայքում հրապարակել և հանրային քննարկման արժանանան նաև ՏԻՄ-երի կողմից մշակված նորմատիվ ակտերի նախագծերը: Տարածքային կառավարման և ենթակառուցվածքների նախարարի տեղակալ Վաչե Տերտերյանն առաջարկել է, որ առժամանակ այդ կայքում հրապարակվեն 20 000 կամ ավել բնակիչ ունեցող համայնքներում տեղական ինքնակառավարման մարմինների կողմից մշակված նորմատիվ իրավական ակտերը ,- ասաց նա և հավելեց, որ բացատրությունն այն էր, որ քիչ բնակչություն ունեցող համայնքները չունեն տեխնիկան հնարավորություն դա անելու: Նրա խոսքով՝ վիճակագրական տվյալներով՝ 20 հազար և ավել բնակչություն ունեցող համայնքներն ընդամենը 12-ն են: Նախագծում ներառում ենք դրույթ, որ 20 հազարի սահմանափակումը գործելու է մինչև 2020 թվականը, իսկ դրանից հետո բոլոր համայնքներինը կհրապարակվեն այդ կայքում ,- ասաց նա: Լենա Նազարյանը նշեց, որ Կառավարության հետ առաջարկում են ընդլայնել համայնքների պաշտոնական համացանցային կայքերում ներբեռնվող տեղեկությունների տեսակները: Մասնավորապես, առաջարկում ենք, որ կայքերում հրապարակվեն համայնքային կառույցների՝ կրթական մշակութային կառույցների վերաբերյալ տեղեկություններ, համայնքապետարանի և դրա ենթակայությամբ գործող կառույցների կողմից մատուցվող ծառայությունների մասին տեղեկություններ, համայնքային սեփականություն հանդիսացող գույքի վերաբերյալ տեղեկություն և այլն ,- հայտնեց նա: Ըստ ԱԺ փոխխոսնակի՝ առաջարկում են ավագանու նիստի օրակարգի նախագիծը հրապարակել համայնքի ավագանու նստավայրում, ինչպես նաև համայնքի կազմում ընդգրկված բոլոր բնակավայրերում: Նաև առաջարկում ենք, որ ավագանու հրապարակային նիստերը առցանց հեռարձակվեն համայնքի պաշտոնական կայքում ոչ թե 10 հազար և ավելի բնակիչ ունեցող համայնքներում, այլ երեք հազար և ավելի բնակչություն ունեցող համայնքներում ,- ասաց նա:

Related news

Latest News
Hashtags:   

Նազարյանը

 | 

նախագիծ

 | 

մշակել

 | 

առաջարկում

 | 

ընդլայնել

 | 

հրապարակային

 | 

գործունեության

 | 

դաշտը

 | 
Most Popular (6 hours)

Most Popular (24 hours)

Most Popular (a week)

Sources