Monday 9 December 2019
Home      All news      Contact us      English
tert.am - 17 days ago

ՆԱՏՕ-ին խորհուրդ են տվել պատրաստ լինել Ռուսաստանի հետ պատերազմին

ՆԱՏՕ-ին խորհուրդ են տվել ամրապնդել պաշտպանությունը Ռուսաստանի հետ սահմանին։ Այս մասին ասվում է Շվեդիայի պաշտպանական հետազոտությունների ինստիտուտի զեկույցում, որն արվել է երկրի պաշտպանության նախարարության պատվերով։ Զեկույցի հեղինակները վերլուծել են, թե որքան արագ դաշինքը կարող է արձագանքել Մերձբալթյան երկրների վրա Ռուսաստանի հնարավոր հարձակմանը։ Նրանք ընդգծել են, որ Լեհաստանում և Մերձբալթյան երկրներում զորքերի տեղակայման համար ՆԱՏՕ-ին յոթ-ութ շաբաթ է հարկավոր, մինչդեռ Մոսկվան ավելի արագ է գործում՝ գրեթե մեկ-երկու շաբաթ։ Զեկույցում նշվում է, որ դաշինքին հաջողվել է բարձրացնել մարտունակությունը Ատլանտյան վճռականություն (Atlantic Resolve) գործողության շնորհիվ, որի շրջանակներում մի քանի հարյուր զինծառայողներ են ուղարկել Ռուսաստանին սահմանակից երկրներ: Նշվում է նաև, որ ճգնաժամի կամ պատերազմի պայմաններում նման ժամկետները կարող են բավարար չլինել : Զեկույցի հեղինակները հույս են հայտնել, որ հետազոտությունը կօգնի մտածել դաշինքի հետագա քայլերի մասին։ 2019 թվականի հոկտեմբերի 31-ին ՆԱՏՕ-ում ընդգծել էին, որ դաշինքը Մոսկվայի հետ չի կարող սովորականի պես փոխգործակցել , եթե Ռուսաստանը չփոխի իր վարքագիծը։ Մոսկվայի հարաբերությունները ԱՄՆ-ի, Եվրամիության և Ուկրաինայի հետ վատթարացել են 2014-ին, երբ Ղրիմը հանրաքվեի արդյունքում մտավ Ռուսաստանի կազմի մեջ։ Պաշտոնական Կիևն ու Արևմուտքի երկրները չեն ճանաչում հանրաքվեի արդյունքները։

Related news

Latest News
Hashtags:   

խորհուրդ

 | 

պատրաստ

 | 

լինել

 | 

Ռուսաստանի

 | 

պատերազմին

 | 
Most Popular (6 hours)

Most Popular (24 hours)

Most Popular (a week)

Sources